Hibireena'o 1:1 - Kafa Linguistics Project

¹ Wonnee yemeenoochee tiijjiꞌi, Yeeri wodde wottoon baribare gommona no qaabbechinaꞌoyich keemechinaꞌochi noonoona gettiye.

Hibireena'o 1:1 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 6:3

Arooba Doono Yeeri “Asho qitemmo bi tunetoyich, ta Ayaano ashoona tookki bulli yemeenoon beetaachemmone. Asho ebiyee bekk bi beeyemmo balli hiye natoniye” iye.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Luqaasi 1:72

no asheenaꞌoyich bi ariqqemmoyich, no qaabbechi Abrahamich bi giyiti wogoon, ebiyoo bi yaafe wogoon gabiree bi ceechemmoyichiye.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Yowannisi 7:22

Ittoshich, shambetooba bushiishoon dokiriibeeto ittoshine. Ebiyoo Muusi dokiriyee doyoon ittoshich bi immitoyichiye; tunetaa hini doyoon ittoshich immitinaꞌo, ittoshi qaabbechinaꞌoani Muusi toonoone.

Yowannisi 9:29

Yeeri Muusich bi geton no ariibeeto noone; tunebaani hini uro amoochee bi waato gaatoona ariyaano noone” iyeete.

Mishiraachechinaꞌo 13:32

“Ebich Yeeri qaabbechinaꞌoyich bi gibenikkiti mishiraachee qaaroon ittoshich getta waato noone.

Mishiraachechinaꞌo 2:30

Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’ iꞌi bi wogeti wogoon bi ariitoyich,

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 3:21

Yeeri wonnee yemeenoochee tiijjiꞌi yaafeeti keemechinaꞌochi noonoona bi gettitoommon, bulli mooyon bi andiriyemmi yemeeno waammi wottoon Yesuusin shimaayooch kotiyemmone.

Hibireena'o 11:2

Wonnee yemeenooch beeti asheenaꞌo naadoon boonoshi daneto ebinane.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 2:2

No qaabbechinaꞌoyich maraakeenaꞌo gettiti qaaro manjoone; are qaaroon shaaddetonaa deꞌa getaache ito bullinochi toommooch tato tuneti bede nalloo nalleetone.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Hibireena'o 3:5

Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.

Hibireena'o 4:8

Yaasi boonoshin bi kashiito gaata, Yeeri aroyee gubb bare areddeechon getaacheshone.

Hibireena'o 5:5

Ebiyoommon Kiristoosi wotta “Qeeshee guudo tunebona” iꞌi bi qelloon oogiyaanoone; tunebaani Yeeri biich, “Ne, ta Bushoo neene; hanaach neen shiyeto taane” iye.

Hibireena'o 9:19

Muusiyoo shiichiꞌi sheerooch kooreeti mooyo bullin asheenaꞌoyich gettiye; aroyee gubb maaminaꞌochi damoon[aa emmisheenaꞌochi damoonon] aacona bacciꞌi ceelle bagee eexona cucheti hisoophee michi waamona haccii yechiꞌi tiyii, “Yeeri ittoshin quyebote iꞌi bi gettiti wogoon manjiiti damoo hinine” iꞌi sheeree macaafoonaa asheenaꞌo bullinochi toommooch wuciye.