Halloo 9:2 - Kafa Linguistics Project

² Showeexi gijjeenaꞌonaa cooxinaꞌona, shimaayoona yoobbiibeeti yoobbereenaꞌo, yuummereenaꞌonaa bahareexi haasheenaꞌo bulloshina ittoshin shattii, keqqii beetinaꞌo tunebeete; boonoshinoo ittoshich immeto taane.

Halloo 9:2 ပူးပေါင်းရင်းမြစ်များ

Halloo 1:21

Baharee daggooch daneebeeti ogooge halleenaꞌonaa aachi daggooch meettiꞌi daneebeeti, shuuriibeeti kashechi halleenaꞌo bullinon boonoshi shaahi shaahoona, wotta shimaayoona yoobbiibeeti yoobbereenaꞌo bullin boonoshi shaahi shaahoona halliye. Yeeri ebi gaaweto bi tunoon ciinniꞌi emiriye.

Halloo 1:26

Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye.

Halloo 1:28

Bi hallitoyee gubb, Yeeri boonoshin “Shiijje shiijjerebote; showoona ceenote; showee toommooch beetinaꞌo bullin hajjibote. Haasheenaꞌo toommooch, yoobbereenaꞌo toommooch, showee toommona shaꞌeebeeti halleenaꞌo bulli toommoochoo taatebote” ii diiriye.

Halloo 2:19

Nuggishoo Doono Yeeri showee buttoochee gijjeenaꞌonaa cooxinaꞌo bullinon, wotta shimaayoona yoobbiibeeti yoobbereenaꞌo bullinoo hachitone; Addaami am ama geti bi shigiyemmo gaata beegoyich, bi waan deebiye. Addaamiyoo kashechi halleenaꞌo bullich bi shigiiti shigo manjiye.

Halloo 35:5

Aroochee are xaaꞌoon gawukkii hammiyeete. Yeeriyoo boonoshi guudoona beeti katemeenaꞌooch beeti asheenaꞌo bulli toommooch oogeti shaton bi kindiitoyich, Yaaqobinaa bi bushiishoonon yookkii dabbito koniyoona aalloone.

Halloo 9:1

Yeeri Noohinaa bi bushiishoonon ishichiꞌi diiriye: “Shiijje shiijjerebote; showoo bulliichoo ceenote.

Halloo 9:3

Shuuriibeeti kashecho bulli ittoshich maayo tunebe. Ebiyee aaf showeexi collo bullin ittoshich ta imoommon, andoo wotta eboshi bullin ittoshich immeto taane.

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Leweenaꞌo 26:22

Kubbi cooxon ta deejjaa, ittoshin bushaallo tuniyemmone; ittoshi gijjoonoo aalliyemmone. Haddoona ittoshi giishoona, ittoshi gommoo aqqemmone.

Leweenaꞌo 26:6

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

Yaaqobi 3:7

Kubbi cooxinaꞌonaa gaceenaꞌonon, showoona shaꞌee beetinaꞌonaa aachi daggooch beeti halleenaꞌo bullinon asho dojjii beetone, wotta doyitinaꞌone.