Halloo 8:21 - Kafa Linguistics Project

²¹ Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Halloo 8:21 ပူးပေါင်းရင်းမြစ်များ

Halloo 3:17

Addaamichoo ishichiye: “Ne mechee qaaroon waayaꞌa, ‘Aroochee maayaahine’ ta iti michi aafoochee ne maatoyich, showoo ne naboona uppeto tunebe; ne kasho beemmi wottoon, aayiree aroochee maayemmo neene.

Halloo 4:12

Showoon ne goyaa, ebiyee bekk maayoon neech imaachemmone. Showee toommo bulliich ne kexon waaxi gooyi, yallyallimemmo neene” iye.

Halloo 5:29

“Doono Yeeri uppiti showee toommooch no kishoona aajjaa no shuunaabeeti magge shuunoo bulliichee noon kashiyemmone” ii bi bushoo shigoon, Noohi iye.

Halloo 6:13

Ebich Yeeri Noohich ishichiye: “Ashi yaroo bullin showee toommo bulliichee ciroona aalliyoyich maacceto taane; boonoshi naboona xuꞌo showee toommo bulliich ceennitone. Tawoo ebiyoche, boonoshinaa showee toommooch beeto bullinon aalliyemmo taane.

Halloo 6:17

Tawoo ebiyoche, shimaayoyee desh beeti, meenon taheti, kashechi halloo bulli qoocheree bi aallemmoyich, showoo bulliich aalliyee aacon deejjemmo taane. Showee toommooch beeto bulliyoo qiti ciiremmone.

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

Iyoobi 14:4

Eeꞌoochee xalle mooyon danoon hakkemmo konine? Koniyoona aalloone.

Shoddo 51:5

Ta shiijjoochee tiijjaꞌa gondeto taane; ta indee maacooch ta xifeetoochee tiijjaꞌa axaaxecho taane.

Shoddo 58:3

Gondeenaꞌo shiijjeyaan bee muricciyeete; boonoshi shiijjoochee tiijjiinoo muriccii koottiyeete.

Shoddo 58:4

Boonoshi, dingeree xuppattoommi xuppattechinaꞌone; ulle xekerechoommon boonoshi waamon dookkiyeete.

Keyo 29:18

Aroochee bagee baaddoochi meeno bullin goge. Ebiyoo Doono Yeeri taach micciibeeti deejjoone. Ebi deejjoo Doono Yeeri taach qaaqqoona micciibeeti deejjoone; taach gaawe cinnechone.

Keyo 29:25

Aroochee boonoshi kishoochee deꞌiree, micciibeeti deejjoona tookki Doono Yeeri taach gaawe cinnecho bi tunemmoyich, deejjee gudee toommoochaa michibe. Ebiyoo Doono Yeeri taach qaaqqoona micciibeeti deejjoone.

Shaahiyoo 20:9

“Ta mulloon xalliito taane; ta axaaxoochee xalleto taane” geton hakkemmo konine?

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Isiyaasi 47:12

“Ne bushittinoochee tiijjaꞌa shuunaabee ne echeti, iicoonaa meeti qaaxoonon shuunoona kupphebe; diqqich neech kaamoon qayaachemmone; diqqich ne etteenaꞌon shatiyoo qayaachemmi neene.

Isiyaasi 47:15

Ne bushittinoochee tiijjaa tookkaa ne aajjetinaꞌo, tookkaa ne giixetinaꞌo, neech boonoshi tuniyemmo ebiniye. Boonoshi gommon yechemminaꞌone; neen wodiyemmo aalloone” iye.

Isiyaasi 48:8

Ta gettaa beeton waayoon, ariyoonoo qaawaano ittoshine; wonnee tiijjiꞌi ittoshi waamo qecheyaanoone; ittoshi shiijjoochee tiijjiꞌi dawushecho ittoshi tunoon, hukkecho getaa ittoshi ceekkoonoo, ariyaabeeto taane.

Isiyaasi 53:6

No bulli bagoochoommon yallyallimaa aallehone; no ikkikkoona no kaatti kaattoon yechehone. Tunebaani Doono Yeeri no bullichi xuꞌoon, bi toommooch tuniihe.

Isiyaasi 65:6

Ebiyoche, ta aafooch kooreetone; cikki qayaachemmo taane; boonoshich qoccemmo taane; boonoshi shuunoommon boonoshich shuunemmo taane” iye.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Erimiyaasi 18:12

Tunebaani boonoshi ‘Ebi duuboone; no gaboon dabbemmo noone; no bulli babbere gonde no gaboommona tuniyemmo noone’ gettemminaꞌone” iye.

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Hiziqeeli 20:41

Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Leweenaꞌo 1:13

Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:17

Qoshoona yeshiree gutta gaaha; tunebaani kapphe kichaaye. Biyoo deejjee gudee toommooch beeti qaaqqooch michibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:9

Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.

Leweenaꞌo 26:31

Ittoshi katemeenaꞌon happemmo taane; ittoshi goyinnee xaaꞌoonoo happi bajjemmo taane; gaawe cinnechi ittoshi deejjoonoo deꞌaachemmo taane.

Leweenaꞌo 4:31

Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 8:28

Muusiyoo eboshin boonoshi kishoochee deqqiꞌi, qaaqqooch michaa Doono Yeerich giddeebeeti, gaawe cinnechi, qeesheenaꞌon ukkiriyee deejjoon tuniiꞌi deejjee gudooch micciibeeti deejjee toommoochaa goggiye.

Haddoo 15:3

ittoshi tiikkeshoon woyee mullee daaggee wojjoon woyee baaroobee wojjoon Doono Yeeri taach gaawe cinnecho tunii giddiyoyich miimoochee woyee bageenaꞌoochee qaaqqoona micciibeeti deejjoon woyee bare deejjoon ittoshi giddii beegaata,

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Yowannisi 3:6

Meenona shiijjeto meenone; Ayaanoona shiijjeto ayaanoone.

Roomi 1:21

Ebiyoo Yeeri koni bi gaata ariibee, Yeeri bi tunee oogoonaa galletoonon biich boonoshi bajjitoyichiye. Boonoshiyoo duube gabecho tuneheete; gabaalli boonoshi mullo xummehe.

Roomi 3:23

asho bulli axaaxoon shuunetone; bi toommoochoo beeti Yeerichi oogee yiiroon aalliitone.

2 Qorontoosi 2:15

Wodii beetinaꞌonaa aallooch hammii beetinaꞌonochi daggooch beechaa Yeerich Kiristoosichi gaawe cinno noone.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

1 Saameeli 26:19

Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.