Halloo 8:20 - Kafa Linguistics Project

²⁰ Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

Halloo 8:20 ပူးပေါင်းရင်းမြစ်များ

Halloo 13:18

Ebich Abraami bi duukkaanoon waaxxiꞌi tiyii qaxiriye. Hammiꞌinoo Kebirooni gaꞌooch beeti, Mamirichi gorooch shaggiꞌi, arooch kotehe. Aroochoo Doono Yeerich deejjee gudoon shuunehe.

Halloo 13:4

Are xaaꞌoo wotta shiichiꞌi deejjee gudoon bi shuuneti xaaꞌoone. Ebi aroochaa Abraami wochinnoon Doono Yeerich goyinnehe.

Halloo 22:2

Yeeriyoo “Ne shuni bushoon, ikke mixxe ne bushoo Yisaaqin, yeshiree, Mooriyee showooch hambe. Neech ta bekkiyemmi ikke guudi toommoochaa deejjoon tuniiree michi taach deejjibe” iye.

Halloo 22:9

Yeeri gettiti xaaꞌoochoo shaggiyeete. Abrahamiyoo arooch deejjee gudoon shuunehe; baddetaa waati mixonoo arooch qeenniye. Bi bushoo Yisaaqichi kishoonaa baatoonon cuchiꞌi, deejjee gudooch bi qeenniti michi toommooch qeejjiye.

Halloo 26:25

Yisaaqiyoo are xaaꞌooch deejjee gudoon shuuneꞌi Doono Yeerich goyinnehe. Aroochoo bi duukkaanoon xogiye. Bi gaddireteenaꞌoo aachi oppoon arooch iijjiyeete.

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

Halloo 35:1

Aroyee gubb Yeeri Yaaqobich ishichiye: “Tiyiree Beeteel hambe; aroochoo kotebe. Ne manoo Esayi aafoochee ne maxxehooba, neech bekketi Yeeri taach deejjee gudoon shuunebe” iye.

Halloo 35:7

Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli ii shigiihe.

Halloo 4:4

Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.

Halloo 7:2

Xalle gijjeenaꞌonaa cooxinaꞌo bullinoochee anaamaa maache yesheree shabaatti shabaattoon tuneree, xalloo tuneyaani gijjeenaꞌonaa cooxinaꞌo bullinoochee anaamaa maache yesheree gutti guttoon tuneree, shimaayoona yoobbiibeeti yoobbereenaꞌo bulliichee anaamaa maache yesheree shabaatti shabaattoon tuneree boonoshi waataa, neenna tookki markabooch giijjibe. Ebiyoo kashoona beeree, gubbich showee toommooch shiijje boonoshi meettemmoyichiye.

Halloo 8:19

Showee toommona shaꞌee beetinaꞌo bulli, eboshiyoo gijjeenaꞌonaa cooxinaꞌona, yuummere halleenaꞌo, yoobbereenaꞌo bulloshiyoo, boonoshi shaahi shaahoona dabbeeꞌi markaboochee kechiyeete.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Keyo 10:25

Muusiyoo ishichiye: “No Nuggishoo Doono Yeerich micciibeeti deejjoonaa bare deejjoonon no giddiyemmoyich no gijjeenaꞌon nooch daaggibe.

Keyo 29:18

Aroochee bagee baaddoochi meeno bullin goge. Ebiyoo Doono Yeeri taach micciibeeti deejjoone. Ebi deejjoo Doono Yeeri taach qaaqqoona micciibeeti deejjoone; taach gaawe cinnechone.

Keyo 29:25

Aroochee boonoshi kishoochee deꞌiree, micciibeeti deejjoona tookki Doono Yeeri taach gaawe cinnecho bi tunemmoyich, deejjee gudee toommoochaa michibe. Ebiyoo Doono Yeeri taach qaaqqoona micciibeeti deejjoone.

Haddoo 7:21

micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Hibireena'o 13:10

Duukkaanoochaa maddee beetinaꞌo aroochee boonoshi maayemmoyich daaggeyaani deejjee gudo nooch beetone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.