Halloo 7:23 - Kafa Linguistics Project

²³ Yeeri showee toommooch beeti, kashechi halleenaꞌo bullin hidii aalliihe; ashoochee tiijjiꞌi gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaa, showee toommoochee hidii aalliihe. Noohinaa biinna tookkii markabooch giyitinaꞌona baach wodiyeete.

Halloo 7:23 ပူးပေါင်းရင်းမြစ်များ

Halloo 6:17

Tawoo ebiyoche, shimaayoyee desh beeti, meenon taheti, kashechi halloo bulli qoocheree bi aallemmoyich, showoo bulliich aalliyee aacon deejjemmo taane. Showee toommooch beeto bulliyoo qiti ciiremmone.

Halloo 8:18

Ebich Noohi bi mecheen, bi bushiishoonaa boonoshi mecheenaꞌonon yechiꞌi, markaboochee kechiye.

Iyoobi 5:19

Shiritte gonde mooyoochee neen wodiyemmone; shabaattoochaa amolla ne achooch shagaachemmone.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Shoddo 91:7

Ne gaꞌooch humo, ne qanne badd aashire humo, dihemmone; tunebaani ne waan katinaachemmone.

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

2 Pheexiroosi 2:5

wonna showee toommooch beeti asheenaꞌoyich ariqqeyaanoon, axaaxechi asheenaꞌo toommooch aalliibeeti aacon kindiiꞌi, cadiqee gommichon boonoshich gettiibeeti Noohin bare shabaatte asheenaꞌona tookkii bi wodiitoyee;

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

2 Pheexiroosi 3:6

wotta aaco wonna showee toommooch beeti mooyo bullin maaꞌi aalliihe.