Halloo 7:11 - Kafa Linguistics Project

¹¹ Noohi shiijjeti shiritte balle natooba, guttinnee agenee aaraa shabaattinnee qemooba, showee ducheexi, ooge aachi xuupho bulli borihehe; shimaajji kelloo qecheehe.

Halloo 7:11 ပူးပေါင်းရင်းမြစ်များ

Halloo 1:7

Ebina gumoon halliꞌi, are gumoyee desh beeti aaconaa gumoyee damba beeti aaconon barbariihe; bi gettitoommonoo tunehe.

Halloo 6:17

Tawoo ebiyoche, shimaayoyee desh beeti, meenon taheti, kashechi halloo bulli qoocheree bi aallemmoyich, showoo bulliich aalliyee aacon deejjemmo taane. Showee toommooch beeto bulliyoo qiti ciiremmone.

Halloo 7:6

Noohi aalliyee aaco showee toommo bulliich tunehooba, shiritte balle nati ashoone.

Halloo 8:14

Guttinnee agenee hiyaa shabaattinnee qemooba, showoo shuuqqitone.

Halloo 8:2

Showee dechi ducheexi aachi xuuphoonaa shimaajji kelloona hichehe; amiyo shimaayoochee dihoon qajjiye.

2 Taateenaꞌo 7:19

are iraashoo Yeer ashoyich, “Doono Yeeri shimaajji mallee kelloon bi qechitaanona, ebi mooyo tuno hakkaache” iꞌi wochitone. Yeer ashoo, “Ne hajjee aafoona ebin beeggemmo neene; tunebaani aroochee shaacaachemmo neene” itone.

2 Taateenaꞌo 7:2

Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.

Iyoobi 12:15

Amiyon bi bayigaata, showoo shuuqqiye; amiyon dichiꞌi, ambamboona showoon yexxiye.

Iyoobi 28:4

Asho shaggii ariyaani xaaꞌooch hammiꞌi showoon iijjiyeete; ebi aroona besheebeeti asho koniyoona aalloone; woderoona yeendereechii okk hach wotteebee, boonoshi ikkeeton tuneꞌi iijjiyeete.

Iyoobi 38:16

“Baharee aachi xuuphooch hammaa ariinne? Woyee waarwaare aachi dechi duchoona shaꞌaa ariinne?

Iyoobi 38:37

Quboon haddoon hakkemmi shalligecho konine? Showee butto xaqqo kupphoommon bi kupphehooba, dugoo ikkooch yesheꞌi bi manjiyooba, shimaajji goonoon gaꞌiiree amiyon dichoon hakkemmo konine?

Shoddo 33:7

Baharee aaco bullin ikkooch kiciye; waarwaare aaconoo ikke xaaꞌooch gutiye.

Shoddo 74:15

Gishiishi aaconaa tunoona xuupphemmoyich tuniihine; ogooge aaco shuuqqemmoyich tuniihine.

Shaahiyoo 3:20

Bi ariyoona aacinaꞌo ufeheete; qubeenaꞌoo amiyon dichiyeete.

Isiyaasi 24:18

Hukkee qaaroochee tiyitona woccimmo, oppooch dihemmone; oppoochee kechimmo, ollooch yecheyemmone; ebiyoo shimaajji mallee kello bi qecheetoyich, showee kotoo bi shuuritoyichiye.

Isiyaasi 24:19

Showoo tiishee gaahehe; showoo qewehe.

Erimiyaasi 51:16

Bi qaaroon bi waayiimmona aacinaꞌo gumoyee dambaa gugiyeete; biyoo showee tuggoochee qubo qubemmoyich tuniihe; amiyo dihiyooboo xeeyoon xeejjiihe; yongoonoo bi kicee xaaꞌoochee kichiye.

Hiziqeeli 26:19

“Nuggishoo Doono Yeeri ishichiye: ‘Ashaalli shokkaache katemoommon neen ta tuniihooba, ooge aacon ne toommooch ta deebiyooboo aaco neen guuppemmone.

Milikiyaasi 3:10

Ta kexooch bede maayo bi beeyemmoyich, asraatoon ceenoona gotooch giijjibote. Shimaajji mallee kelloon qechaꞌa beddii echeti diiroon ittoshich ukkoon ta qayigaata, ebina taan beegote.

Maatiyoosi 24:38

Arooba aalliyee aacoyee aaf Noohi markabooch bi giyimmi aabee wottoon asheenaꞌo maa uchiibee, shaaggii shaakkiibee beeheete.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

2 Pheexiroosi 3:6

wotta aaco wonna showee toommooch beeti mooyo bullin maaꞌi aalliihe.