Halloo 6:9 - Kafa Linguistics Project

^9-10 Noohi mooyo ebine: Noohi Sheemi, Kaaminaa Yafeetina getteebeeti keejje anaami bushiishoon shiyihe. Biyoo bi yemeeneexi shiijjeree daggoochee cadiqe ashoonaa Yeerich deꞌa ii beetonane. Noohi Yeerina tookkii ikkotteꞌi beehe.

Halloo 6:9 ပူးပေါင်းရင်းမြစ်များ

Halloo 10:1

Noohi bushiishoo Sheemi, Kaaminaa Yafeetinochi shiijjereenaꞌo eboshine; boonoshiyoo aalliyee aacoyee gubb anaami bushiishoon shiyiheete.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 2:4

Nuggishoo Doono Yeeri shimaayoonaa showoonon bi halliyooba, boonoshin bi hallito ebiyoommi gommonane. Nuggishoo Doono Yeeri shimaayoonaa showoonon bi halliyooba,

Halloo 48:15

Aroyee gubb Yaaqobi Yooseefin ishichii diiriye: “Ta nihinihoo Abrahaminaa ta nihoo Yisaaqina boonoshi shaaddo bullin bi aafooch boonoshi tuniiti Nuggishoo, hanaach beddaahaa, ta yemeeno bullin taan quyeti Nuggishoo,

Halloo 5:1

Addaami shiijjeree haddee yaaroo ebine: Yeeri ashoon bi halliyooba, bi shaahoona tuniihe.

Halloo 5:22

Matusaalin bi shiyitoyee gubb, keejje balle naton Yeerina tookkii ikkotteꞌi beehe; bare anaami bushiishoonaa maache bushiishoonon shiyihe.

Halloo 5:24

Henooki Yeerina tookkii ikkotteꞌi beehe. Ikke areddoon Yeeri biin daammiye; ebich asheenaꞌo biin guttinnoon beegaaneenaꞌone.

Halloo 7:1

Doono Yeeri Noohich ishichiye: “Hini shiijjeree daggoochee ne ikkeeto baach ta aafooch cadiqe asho tunaꞌa daneto neene. Ebich ne kechi asheenaꞌo bullin yeshi markabooch gibe.

2 Saameeli 22:24

Bi aafooch oonaallo taane; gondoon shuunoochee ta qelloon quyeto taane.

1 Taateenaꞌo 3:6

Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.

2 Kiinoo 15:17

Aasi guudi toommeexi goyinnee xaaꞌeenaꞌon Israꞌeelee showoochee ciroona aalliyoo bi qajjitaanona, kashoona bi beeti yemeeno bulliich Doono Yeerich gibeneetone.

2 Kiinoo 25:2

Amasiyaasi Doono Yeeri aafooch kaame mooyon tuniihe; tunebaani bi ceeni mulloona toonoone.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 1:8

Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Iyoobi 12:4

“Yeeri ta qolloon waayeti ta, ta nuucheenaꞌona cooneeto taane; kaamoonaa cadiqoona tuneti taan, cooneheete.

Shoddo 37:37

Oonaalli ashoon ciine; kaame ashoonoo beege; digge ashi shiijjeroo kuxeyaachemmone.

Shoddo 37:39

Cadiqeenaꞌoyich wodoo woyemmo Doono Yeer waaneeniye; xuuxee aabooba boonoshich deeboone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Hiziqeeli 14:14

ebi keejje asheenaꞌo Noohi, Daaneelinaa Iyoobina arooch boonoshi beetaanona, boonoshi cadiqittinoona boonoshi wodiyemmo boonoshi qelloon baachiye; ebin getteto Nuggishoo Doono Yeeri taane.

Hiziqeeli 14:20

Nuggishoo Doono Yeeri ta, beeyecho ta tunoona wogehoye: Noohi, Daaneelinaa Iyoobina arooch beetaanona, boonoshi cadiqoona boonoshi wodiyemmo boonoshi qelloon baachalli boonoshi anaami woyee maache bushiishoon wodiyoon hakkaachemminaꞌone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 23:50

Arooba Ayihudee nallechinaꞌochi daggeexi ikkoo, Yooseefi getteebeeti deꞌe cadiqe uro beehe.

Mishiraachechinaꞌo 10:22

Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Galaati 3:11

“Yeeri toommooch mulloon tooꞌiyoona cadiqito kashecho tuneree beeyemmone” getaa Yaafe Macaafooch kooreetone; ebich asho koniyoona sheeroon quyoona Yeeri aafooch cadiqaachemmo bi tuno arichetone.

Yibbaatoo 18:13

Ne Nuggishoo Doono Yeeri aafooch ikke oonaalli ashoon tunebe” iye.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

2 Pheexiroosi 2:5

wonna showee toommooch beeti asheenaꞌoyich ariqqeyaanoon, axaaxechi asheenaꞌo toommooch aalliibeeti aacon kindiiꞌi, cadiqee gommichon boonoshich gettiibeeti Noohin bare shabaatte asheenaꞌona tookkii bi wodiitoyee;