Halloo 6:6 - Kafa Linguistics Project

⁶ ashoon showee toommooch bi hallitoyich ayiniye; bi mulloonoo tuummiye.

Halloo 6:6 ပူးပေါင်းရင်းမြစ်များ

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

2 Saameeli 24:16

Doono Yeerichi maraakoo Yerusaalemin aalliiya bi kishoon bi yaggimmona Doono Yeeri ebi qaaꞌi mooyoyich ayiniꞌi, ebi aalliibeeti maraakoon, “Beddiye; ne kishoon wochibe” iye. Areegaata, are maraakoo beeto, Yebusee asho Orinaani maayi buchi xaaꞌee gaꞌoochiye.

1 Kiinoo 21:15

Aroochee wotta Doono Yeeri Yerusaalemin bi aalliyemmoyich maraakoon deejjiye. Maraakoo katemoon aalliiya bi geton Doono Yeeri beeggiꞌi, ebi tuneebeeti gonde mooyoyich ayiniye. Ebi aalliibeeti maraakoon, “Beddiye; ne kishoon wochibe” iye. Areegaata, are maraakoo neexeꞌi bi beeto Yebusee asho Orinaanichi maayi buchi xaaꞌoochiye.

Shoddo 106:45

Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 110:4

“Meleekitsedeqichi qeeshittinee shafiroona, ne bulli yemeenoon qeeshoo neene” ii Doono Yeeri wogetone; bi gaboon shaddaachemmone.

Shoddo 119:158

Ne geteenaꞌon quyeyaaneenaꞌo boonoshi tunetoyich, gibeneyaaneenaꞌon ciinnaꞌa hoxehoye.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Shoddo 81:13

“Ta asho taachon bi waayeto gaata, Israꞌeeli ta gommona bi hammito gaata,

Shoddo 95:10

Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

Keyo 32:14

Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 18:7

Ikke aagetee showoon woyee taatittinoon waaxxemmo, happi aalliyemmo ta tunoon ta awaajjiichaa,

Erimiyaasi 26:19

“Yihudee taatoo Hiziqiyaasinaa Yihudee asho bullina biin wuxiteete? Hiziqiyaasi Doono Yeerin shattiꞌi Doono Yeerichi ariqqoon qolleyaanoone? Doono Yeeriyoo boonoshi toommooch deeba bi iti gonde mooyon qayaanoone? Tunebaani no, no toommooch gonde mooyon deebaaniye no beeto” iyeete.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Yoonaasi 3:10

Yeeriyoo ebi boonoshi tuniiti mooyon beeggiye; boonoshi gonde qocoochee boonoshi wottoon beeggiye; biyoo boonoshich ariqqehe. Ebich boonoshin wuxi aalliiya bi gabiti gaboon qajjiye.

Milikiyaasi 3:6

Beshe Mawe Doono Yeeri ishichiye: “Doono Yeeri ta, shaddeyaachemmo taane. Yaaqobichi yareenaꞌote, ebich aalleyaano ittoshine.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Hibireena'o 3:10

Ebich are shiijjeroon kaarehoye; ‘Bulli aaboon taan dabboon qajjiyeete; ta gommon ariyaaneenaꞌone’ iyoye.

Hibireena'o 3:17

Aabbe naton Yeeri boonoshi toommooch kaaretinaꞌo, aaboshine? Axaaxoon shuuneꞌi boonoshi dubeno barahooch dihii echetinaꞌo, tooneenaꞌone?

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.

1 Saameeli 15:35

Saameeliyoo bi qitimmi wottoon Saaꞌoolina wochinnoon daneyaanoone. Biyoo Saaꞌoolich eeppiye. Doono Yeeriyoo Saaꞌoolin Israꞌeelee taatoo bi tuniitoyich ayiniye.