Halloo 6:17 - Kafa Linguistics Project

¹⁷ Tawoo ebiyoche, shimaayoyee desh beeti, meenon taheti, kashechi halloo bulli qoocheree bi aallemmoyich, showoo bulliich aalliyee aacon deejjemmo taane. Showee toommooch beeto bulliyoo qiti ciiremmone.

Halloo 6:17 ပူးပေါင်းရင်းမြစ်များ

Halloo 2:7

Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.

Halloo 6:13

Ebich Yeeri Noohich ishichiye: “Ashi yaroo bullin showee toommo bulliichee ciroona aalliyoyich maacceto taane; boonoshi naboona xuꞌo showee toommo bulliich ceennitone. Tawoo ebiyoche, boonoshinaa showee toommooch beeto bullinon aalliyemmo taane.

Halloo 6:16

Markabee toommooch kechi aafoon shife. Ebi markabee tookkaa, bi guudoona ikke hira bede aahoon echiibe. Markabee kelloonoo naaboochaa kichibe. Deshee kaama keejje kuxon tuniibe.

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

Halloo 7:15

Ebina meenon taheti kashechinaꞌo bulli anaamaa maachee yesheꞌi, Noohina tookkii markabooch giyiyeete.

Halloo 7:17

Aalliyee aaco aabbe qemon showee toommo bullin tajjii ceennii hammiye; aacoo markaboon showoochee kaama tiijjiye.

Halloo 7:4

Shabaatte qemoyee gubb, shaanaani amiyon aabbe areddoonaa aabbe xumoonon showee toommooch dichemmo taane; ta halliti halleenaꞌo bullinoo showee toommoochee hidi aalliyemmo taane” iye.

Halloo 9:9

“Tawoo ittoshinaa ittoshiyee gubbi shiijjereenaꞌona tookki wogoon giyemmo taane.

Iyoobi 22:16

Eboshiyoo boonoshi saato bedaan beetaa motekkimiyeete; ambamboo kexon waaxoommon, waaxeheete.

Shoddo 107:34

Arooch koteti asheenaꞌochi xummittinee naboona qeemi showoon kiikki barahoo tuniihe.

Shoddo 29:10

Doono Yeeri ceeni aachi toommooch taatetone; Doono Yeeri bulli yemeenoon bi taatee qeenooch kotetone.

Keyo 14:17

Gibitseenaꞌo mulloon ta muumiitaa, Israꞌeeleenaꞌon dabbiree giyemminaꞌone. Farooninaa bi ginee naayo bullinochi toommooch, bi gaarinaꞌonaa hareshechinaꞌonochi toommoochoo ta oogo bekkemmone.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 54:9

“Ebi taach Noohi yemeenoommone; Noohi yemeenooba aaco wochinnoon showoon bi yexaachemmoyich, ta wogoommon, neen kaare ta noggeyaachemmoyich wogeto taane.

Hiziqeeli 34:11

“ ‘Ebich Nuggishoo Doono Yeeri ta ishichiyoye: Ta, ta qelloona ta bageenaꞌon qaawemmo taane; quyemmo taane.

Hiziqeeli 34:20

“ ‘Ebich Nuggishoo Doono Yeeri ta boonoshich ishichiyoye: Ta, awujjiti bageenaꞌonaa dalliti bageenaꞌonochi daggooch nallemmo taane.

Hiziqeeli 5:8

Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

Hiziqeeli 6:3

Ishichishoo gete: Israꞌeelee guudinaꞌote, Nuggishoo Doono Yeerichi qaaroon waayebote; Nuggishoo Doono Yeeri guudinaꞌonaa geppeenaꞌonoyich, qaaꞌeenaꞌonaa bambeenaꞌonoyich ishichii beetone: ‘Ta, ittoshi toommooch ginoon deebemmo taane; ittoshi goyinnee xaaꞌeenaꞌon aalliyemmo taane.

Hosee'i 5:14

Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.

Leweenaꞌo 26:28

tawoo ittoshin kaareree shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Amootsi 9:6

Bi kexon damba shimaayooch haggito, shimaayoon kechi aafoommon showee toommooch neechito, baharee aacon wochiꞌi, showee toommona bi taheyemmoyich tuniibeeto, bi shigo Doono Yeerine.

Maatiyoosi 24:39

Aalliyee aaco waaꞌi asho bullin hidiꞌi bi aalliimmi wottoon boonoshi ariyee qayoommon, Ashi Bushoo womo wotta ebiyoommon tunemmone.

Luqaasi 17:27

Noohi markabooch bi giyemmi aabee wottoon, asheenaꞌo maa uchiibee, shaaggii shaakkiibee beeheete. Diqqoona aalliyee aaco waaꞌi boonoshi bullin aalliitone.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

2 Pheexiroosi 2:5

wonna showee toommooch beeti asheenaꞌoyich ariqqeyaanoon, axaaxechi asheenaꞌo toommooch aalliibeeti aacon kindiiꞌi, cadiqee gommichon boonoshich gettiibeeti Noohin bare shabaatte asheenaꞌona tookkii bi wodiitoyee;