Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Halloo 50:24 - Kafa Linguistics Project

24 Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

အခန်းကိုကြည့်ပါ။ ကော်ပီ




Halloo 50:24
34 ပူးပေါင်းရင်းမြစ်များ  

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.


Ne ciinnaabeeti showoo bullin neennaa ne shiijjereenaꞌonoyich immemmo taane; bulli yemeenoon ittoshicho tunemmone.


Hini showoon neech immemmo taane. And tiyiree, ebi showoo bullin guudi beege” iye.


Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.


Aroochee Doono Yeeri Abraamich “Hini showoon ne woraashemmoyich neech imma, Kalideenaꞌo showooch beeti Uuri katemoochee neen kichiti Doono Yeeri taane” iye.


Tunebaani Abraami “Nuggishoo Doono Yeero, hini showoon woraashemmo ta tunoon amoona ariyehote?” iye.


Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.


Doono Yeeri Abrahamich bi gettitoommon, Saarin diiriye. Doono Yeeri bi gibenikkitoommon, Saarich tuniihe.


Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.


Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.


Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.


Abrahaminaa Yisaaqinoyich ta immeti showoon neech immemmo taane; neyee gubbi ne shiijjereenaꞌoyichoo hini showoon immemmo taane” iye.


Neenna tookki Gibits kindemmo taane; aroochee wochiree ne shiijjereenaꞌon kichemmo taane. Halla bi alla neen guuccemmo Yooseefine” iye.


Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.


Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.


Yooseefi ‘Ta nihoo ishichiꞌi taan wogiitone: “Ta qitiyooba, Kanaanee showooch ta qellich ta qanniiti oppooch taan duuhe” itone. Ebich arooch daamiree ta nihoon duuhiichi, wotteree wobona itone’ getote” iye.


Kashechinaꞌo bulli danee xaaꞌooch, qititinaꞌo kicee xaaꞌooch, taan daammaabeeto ne tunoon, ariito taane.


Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.


Ebi arooba Doono Yeeri Israꞌeeleenaꞌon, boonoshi yoodi yoodee yaaroona tuniiꞌi, Gibitsee kichiye.


Arooba Muusi Yooseefichi shaawushoon boonoshi daammemmoyich tuniihe. Ebiyoo Yooseefi “Iberoochaa Yeeri ittoshin gaacheya woyemmone; arooba ta shaawushoon hiniich dufi hammaahote” iꞌi Israꞌeeleenaꞌon bi wogiitoyichiye.


Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.


Aroochee Doono Yeeri Muusich ishichiye: “Hiniichee tiyiree hambe. Neennaa Gibitsee ne kichiti asheenaꞌona hini xaaꞌoon gawukkiree, ‘Ne shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showooch hambote.


Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.


asheenaꞌo geppoon boonoshi shataan beetaa, gommon shaꞌo shattiyaan beetaa, luuzee mixo bungaan beetaa, gechoo ginneyaan beetaa, amee mooyonona qaatoo ne waanee wohaan beetaa, neen Halliton gabibe! Ashoo bulli bi beemi kexooch hamaa, eeppechinaꞌo gommona yixemminaꞌone.


showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!


‘Iberoon gettoye; boonoshi ceeni mulloona taan dabboo boonoshi qajjitoyich, Gibitsee kechiti, boonoshi eeno hiye natonaa ebiyee damboona tuneti asheenaꞌoochee ikkolla Abrahamich, Yisaaqinaa Yaaqobinoyich imma ta wogeti showoon beegaachemmone.


Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye.


Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.


“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone.


Yooseefi mulloon Yeeri toommooch bi tooꞌitoyich, qitiya beddiichii, “Israꞌeeleenaꞌo Gibitsee kechemminaꞌone” iꞌi bi shaawushoon aabichi boonoshi gettemmo gaata gettiye.


Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.


Israꞌeeleenaꞌo Gibitsee boonoshi deebiti Yooseefichi shaawusho Shekeem duukkehe. Ebi bi duukketi showoo wonna Yaaqobi balle xure birewoona Shekeemi nihoo Hamoori yareenaꞌo waanee bi kemetone. Ebi showoo Yooseefi shiijjereenaꞌo woraashiti showoone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ