Halloo 49:6 - Kafa Linguistics Project

⁶ Boonoshi koceyooch ta giyaache; boonoshi iitee xaaꞌooch ta daneyaache. Ippoona tiyiꞌi asheenaꞌon wuxitinaꞌone; gatteenaꞌochi tingoonoo qeccee kaachitinaꞌone.

Halloo 49:6 ပူးပေါင်းရင်းမြစ်များ

Halloo 34:30

Yaaqobiyoo Simooninaa Lewinoyich ishichiye: “Hini showooch beeti Kanaaneenaꞌonaa Ferizeenaꞌona waanaa ta shigo gondemmoyich tuniiꞌi, ta toommooch xuuxoon deebiyote. No, haddoona giishecho noone. Ikkottee ta toommooch boonoshi tiyigaata, taannaa ta kechi asheenaꞌona aallesh toone no gettemmo?” iye.

2 Saameeli 8:4

Daawitiyoo hareshechi ikke humaa shabaatte balle ginee naayinaꞌonaa baatechi hiye hume ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.

1 Kiinoo 18:4

Daawitiyoo hume gaarin, shabaatte hume hareshechi ginee naayinaꞌonaa hiye hume baatechi ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.

Shoddo 1:1

Gondeenaꞌochi ciicoona hamaani, axaaxechinaꞌochi gommooch neexeyaani, cooqqirechinaꞌochi gabberooch koteyaani, asho diireetone.

Shoddo 103:1

Ta kasheene, Doono Yeerin diiribe! Ta ashittino bulli yaafe bi shigoon diiribe.

Shoddo 139:19

Yeero, abo gondeenaꞌon wuxishoo geta! Ashi kashee kichechinaꞌo ta waanee wohishoo geteeta!

Shoddo 16:9

Ebina ta mullo emiriye; ta kashoo oogeton emiriye; ta meeno keqqaalloon kasheꞌi beehe.

Shoddo 26:9

Taan axaaxechinaꞌona tookki, ta kasheenoo damee ukkechinaꞌona tookki, aalliyaahine.

Shoddo 28:3

Gonde asheenaꞌona tookki, gondoon shuunee beetinaꞌona tookki, taan geechi daammaahine. Eboshi, boonoshi mullooch maroo beetaa, boonoshi giyeenaꞌona tookkii diggoona yibbaatee beetinaꞌone.

Shoddo 30:12

Ta kashe cikkaanoon neen bi galletaabeeto ebichiye; ta Nuggishoo Doono Yeero, bulli yemeenoon galletoon neech giddiyemmo taane.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shoddo 42:5

Ta kasheene, ne ayiniibeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechon wochinnoon galletemmo taane.

Shoddo 43:5

Ta kasheene, ne ayiniibeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon wochinnoon galletemmo taane.

Shoddo 5:10

Yeero, boonoshi toommooch nallibe; boonoshi koceyoo boonoshi diheecho tunebe; ne toommooch boonoshi hukketoyich, boonoshi wodde xuꞌoyich boonoshin yoohi aalliibe.

Shoddo 57:8

Ta kasheene, tibe! Ooge ta ximboonaa masinqoonote; tibote! Tawoo yaaꞌoona tiyemmo taane.

Shoddo 64:2

Gondeenaꞌo aashoona koceyoochee, gonde shuunechinaꞌochi dulloochee taan aachibe.

Shaahiyoo 1:11

“Ne waataa oti quyeree damoon ukkibone; naboo aalloon xalle ashoon gaappebone;

Shaahiyoo 12:5

Cadiqeenaꞌochi gaboo kaamoone; tunebaani gondeenaꞌochi ciico dawushoone.

Erimiyaasi 15:17

Emiroona kuufaareebeeti asheenaꞌona tookkii koteyaano taane; wottoo emiraano taane; ta ikkeeto kotehoye; ebiyoo ne kishoo ta toommooch bi tunetonaa ne kaaroona taan ne ceechitonoyichiye.

Erimiyaasi 4:19

Ye ta xuuxo! Ye ta xuuxo! Biiyoona qaferehoye. Ye ta mullo! Ta mullo maacaa qicciye; shametee qaaroonaa, kokkoree qaaroonon ta waayetoyich cikkoon hakkaache.

Luqaasi 12:19

Ta kasheenoo “Ta kasheene, meeti yemeenooch beddemmi wodde adduunoo neech kiceetone; kashebe, mame, uye, emiribe” gettemmo taane’ iye.

2 Qorontoosi 6:14

Kiristoosi toommooch mulloon tooꞌiyaaneenaꞌona tookki tambe gommona xandeyaahote. Cadiqoonaa hukkoonoyich amee xibittino beete? Bekkoonaa manderoonoyich amee ikkittino beete?

Yibbaatoo 27:24

“ ‘Aashoona biinoommi bi manoon wuxiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yaasi 11:9

Doono Yeeri biich bi gettitoommon, Yaasi boonoshi haresheenaꞌo tingoon qeccehe; boonoshi gaarinaꞌonoo qaaqqoona michiye.

Woraaferasheenaꞌo 5:21

Qishooni aachi aayo boonoshin hidii daammiye; giidechi Qishooni aaco boonoshin daammiye. Ta kasheene, kuppheree qaxiribe!