Halloo 49:33 - Kafa Linguistics Project

³³ Yaaqobi ishin bi bushiishoyich gettii bi ciichitoyee gubb, bi baatoon kiciꞌi qeenooch qeyiye; bi kashoo abbetehe; biyoo bi asheenaꞌo waan xaꞌeehe.

Halloo 49:33 ပူးပေါင်းရင်းမြစ်များ

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 25:17

Ishmaꞌeeli balli shaashaa shabaatta nattiichii qitiꞌi, bi asheenaꞌo waan xaꞌeehe.

Halloo 25:8

bi kasho abbetehe; geenaa baayeꞌi qitiye; qititi bi asheenaꞌo waan xaꞌeehe.

Halloo 35:29

Geenee baayeꞌi qitiye; bi kasho abbetehe; qititi bi asheenaꞌo waan xaꞌeehe. Bi bushiisheenaꞌo Esayinaa Yaaqobina biin duukkiyeete.

Halloo 49:1

Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Halloo 49:29

Ebiyee gubb, Yaaqobi bi bushiisheenaꞌoyich ishichiye: “Ebiyoche, qititi ta asheenaꞌo waan xaꞌeya ii beeto taane. Hitee asho Efiroonichi budooch beeti xaqqee gofooch, ta qaabbechinaꞌo duukketooch taan duuhote.

Halloo 49:32

Budonaa bi daggooch beeti xaqqee gofoona bi kemeeto, Hiteenaꞌo waaneeniye” iye.

Halloo 50:1

Arooba Yooseefi bi nihoo cahee toommooch guufeꞌi eeppiye; shummiinoo iye.

2 Taateenaꞌo 13:14

Elisayi biin qitooch bechiti biiyoon biiyeꞌi bi beetaa, Israꞌeelee taatoo Yehoꞌashi bi waan desh waahe. Yehoꞌashiyoo bi aafoochaa eeppiibee, “Ye ta aabbo! Ye ta aabbo! Ye Israꞌeeleenaꞌochi gaarinaꞌonaa hareshechinaꞌonote!” iye.

2 Taateenaꞌo 13:20

Elisayi qitiꞌi duukkehe. Aroochee Moꞌabee ginee naayinaꞌo nati natooch naawooba, boonoshin kocha Israꞌeelee showooch waa beeheete.

Iyoobi 14:10

Tunebaani asho qitiꞌi giidaalloon tunehe; bi kasho kechitoyee damba illa daneyaache.

Iyoobi 30:23

Kashechinaꞌo bulli danee xaaꞌooch, qititinaꞌo kicee xaaꞌooch, taan daammaabeeto ne tunoon, ariito taane.

Iyoobi 5:26

Maayo budoochaa kachiꞌi bucheeya bi kiceyoommon, geene baayeree maash hammemmo neene.

Dojjecho 12:7

showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!

Luqaasi 2:29

“Doono Yeero, aageteenaꞌo bulli aafooch ne qanniiti ne wodiyoon, ta aafoona beeggeto taane. Ebiyoo Aageteenaꞌo bullich iberoon bekkiyemmi bekko, ne maccoo tuneti Israꞌeeleenaꞌoyich oogee yiiroone; taach ne gettetoommon and ne guuno taan diggoona kashiibe” iye.

Mishiraachechinaꞌo 7:15

Yaaqobi eboshina tookkii tiyii, Gibits hammiye; biinnaa no qaabbechinaꞌona aroochaa qitiyeete.

Hibireena'o 11:22

Yooseefi mulloon Yeeri toommooch bi tooꞌitoyich, qitiya beddiichii, “Israꞌeeleenaꞌo Gibitsee kechemminaꞌone” iꞌi bi shaawushoon aabichi boonoshi gettemmo gaata gettiye.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,