Halloo 49:29 - Kafa Linguistics Project

²⁹ Ebiyee gubb, Yaaqobi bi bushiisheenaꞌoyich ishichiye: “Ebiyoche, qititi ta asheenaꞌo waan xaꞌeya ii beeto taane. Hitee asho Efiroonichi budooch beeti xaqqee gofooch, ta qaabbechinaꞌo duukketooch taan duuhote.

Halloo 49:29 ပူးပေါင်းရင်းမြစ်များ

Halloo 15:15

Tunetaa ne, diggoona beeree ne qaabbechinaꞌo waan xaꞌeyemmo neene; geene baayi qitiree, duukkeyemmo neene.

Halloo 23:16

Abrahamiyoo Hiteenaꞌo aafoochaa Efirooni gettiti gatiyoon gaawiye iꞌi, aroobee giixechinaꞌochi qeellee doyoommon, awudde balle sheqeelee birewoon machoona qoccii immiye.

Halloo 23:17

Ebiyoommi gommona Mamirichi goroochaa aabi-keyo waan beeti, Makifel beeti Efiroonichi budo, are budooch beeti xaqqee gofoonaa buchi daggooch beeti mixo bullina Abrahami hajjoo tunehe.

Halloo 23:20

Ebich budonaa bi daggooch beeti xaqqee gofoona, maasho bi tunemmoyich, Hitee asheenaꞌo Abrahamich bi hajjoo tunii guudiiheete.

Halloo 23:9

Ebiyoo bi goyee buchi gashooch beeti, Makifeli xaqqee gofoon taach ittoshi aafoochaa bi kemmemmoyichiye. Ittoshi showee daggooch maasho taach bi beeyemmoyich, ceeni gatiyoona taach bi kemmemmoyich qollebote” iye.

Halloo 35:27

Yaaqobiyoo and Kebirooni getteeti Qiriyaat Aribi gaꞌooch beeti Mamiri gorooch, bi nihoo Yisaaq waan wottee waahe. Ebi xaaꞌoo ebiyee aaf Abrahaminaa Yisaaqina beebee echeti xaaꞌoone.

Halloo 35:29

Geenee baayeꞌi qitiye; bi kasho abbetehe; qititi bi asheenaꞌo waan xaꞌeehe. Bi bushiisheenaꞌo Esayinaa Yaaqobina biin duukkiyeete.

Halloo 47:30

Ta qaabbechinaꞌo waan ta xaꞌeehooba, Gibitsee kichi daamiree, ta qaabbechinaꞌo duukketi maashooch taan duuhe” iye. Yooseefiyoo “Deꞌa, ne gettetoommon tuniyemmo taane” iye.

Halloo 49:28

Eboshi bulli aaraa gutte Israꞌeelee yoodeenaꞌone. Boonoshi nihoo boonoshi ikkikkoyich tato tuneti diiroona boonoshin diiriibee bi gettiti qaaro ebine.

Halloo 49:33

Yaaqobi ishin bi bushiishoyich gettii bi ciichitoyee gubb, bi baatoon kiciꞌi qeenooch qeyiye; bi kashoo abbetehe; biyoo bi asheenaꞌo waan xaꞌeehe.

Halloo 50:12

Yaaqobi bushiisheenaꞌo boonoshi nihoo gettitoommon tuniiheete.

Halloo 50:13

Bi dubenoon Kanaanee showooch daammii shakkiiheete. Abrahami maashee xaaꞌoo bi tunemmoyich, Hitee asho Efiroon waanee goyee budona tookkii bi kemeti, Mamiri goroochaa aabi-keyo waan, Makifeli beeti, xaqqee gofee maacooch duukkiyeete.

2 Saameeli 19:37

Aroochee ta hajjee katemoochaa, ta nihoonaa ta indeena duukketi maashee katinoochaa ta qitemmoyich, ne guuno ta wottemmoyich daaggibe. Tunebaani ta bushoo Kimihami ebiyoche, taatoo ta doono neenna tookki hambe; ne shunneto amoonolla biich tuniibe” iye.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,