Halloo 49:11 - Kafa Linguistics Project

¹¹ Bi kuroon woyinee indooch tippemmone; kuree bushoonoo gaawe woyinee qombooch tippemmone; bi tahoon woyinee uyoona, bi gaaboonoo woyinee aafee hiicoona, machemmone.

Halloo 49:11 ပူးပေါင်းရင်းမြစ်များ

Halloo 49:12

Woyinee uyoon woddii bi uchii beetoyich, bi aafo ceellemmone; ejjoonoo woddiiꞌi bi uchii beetoyich, bi gasho naccemmone.

1 Taateenaꞌo 4:20

Yihudee asheenaꞌonaa Israꞌeeleenaꞌona baharee gasheexi qacoochoommon meettiyeete; maa uchiibee emiroona beeheete.

1 Taateenaꞌo 4:25

Solomooni kashoona bi beeti yemeeno bulliich, Daanee tiijjiꞌi Beershaab beddaahaa beeti Yihudee ashoonaa Israꞌeelee ashoona bi ikkikkoona bi woyinee yiiroonaa bi balaasee yiiroonooch diggoona kotee beehe.

2 Taateenaꞌo 18:32

Ebiyoo waaꞌa ittoshi showoon shaahiibeeti showooch, maayoonaa woyinee uyoona, koshonaa woyinee qomboona, zayitee mixonaa eeyona beeti showooch ittoshin ta daammemmi wottoon, qitaanoon kashoona ittoshi beeyemmoyichiye. “Doono Yeeri noon wodiyemmone” getona Hiziqiyaasi ittoshin bi dachigaata, waayeyaahote.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Amootsi 9:13

Doono Yeeri ishichiye: “Qeccechinaꞌo maayoon qeci ciichaan beetaa, gochechinaꞌo, woyinee aafoon kotee beetinaꞌo hiici ciichaan beetaa, woyinee qomboon bechechinaꞌo, dabbi shaggemmi yemeeno waa beetone. Shaawi woyinee uyo guudi toommoochee xuupphemmone; geppee toommooch taheyemmone.

Mikiyaasi 4:4

Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Yibbaatoo 32:14

Gurimoon miimoochee, ejjoonoo emmishoochee, aangechi bagoonaa emmishoonon, Bashaanee gaaweti bagee baaddoon, gaawe teepphoonaa woyinee uyoonon ittoshich maanjii uchiye.

Yibbaatoo 8:7

Ne Nuggishoo Doono Yeeri gaawe showooch neen daammii beetone. Ebi are showoo geppoonaa bamboonoochee xuupphiibeeti woce aaco, aachi xuuphoonaa aachi tunoona beeti showoone.

Yibbaatoo 8:8

Wotta teepphoonaa sheqoona, woyinee qomboonaa balaasee mixona, romaanee mixonaa zayitee mixona, eeyoo beeti showoone.

Yaaꞌoo 14:20

Katemoyee maach beeti, woyinee aafo koteebeeti oppoochaa neechehe; ebi oppoochee deshee damba hareshee lugaamooch bede, bi gidoo keejje balle kiiloo meetirooch bede damoo kechii ufehe.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.

Yaaꞌoo 7:7

Simooni yoodoochee aaraa gutte humeenaꞌo, Lewi yoodoochee aaraa gutte humeenaꞌo, Yisakoori yoodoochee aaraa gutte humeenaꞌo,