Halloo 49:10 - Kafa Linguistics Project

¹⁰ Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Halloo 49:10 ပူးပေါင်းရင်းမြစ်များ

2 Saameeli 7:13

Taach kexon haggemmo, biine. Bi taatittinee qeenonoo bulli yemeenoon manjiyemmo taane.

2 Saameeli 7:16

Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.

1 Kiinoo 12:24

Yihudi yoodoochee gaachoonaa ginoonon yechiꞌi koyoyich qannitinaꞌo shiritte humaa shimitte balle asheenaꞌo,

1 Kiinoo 12:39

Boonoshi maneenaꞌo maayoonaa uyoonon qanniitoyich, maa uchiibee Daawitina tookkii keejj qeyiyeete.

Shoddo 108:8

Gilaadi taachone; Minaasi taachone; Efreemi ta xuuree ukoone; Yihudi ta taatee gumboone.

Shoddo 60:7

Gilaadi taachone; Minaasi taachone; Efreemi ta xuuree ukoone; Yihudi ta taatee gumboone.

Shoddo 60:9

Mishigechi katemooch koni taan daamba? Edoom koni taan dabbii hamba?

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 60:1

“Yerusaaleme, ne bekko waatoyich tiyi ceechibe; Doono Yeerichi oogee yiiroo ne toommooch aaxxemmone.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Hiziqeeli 19:11

Bi ato kuppho bi tunetoyich, taatee gumbo aroochee danee beetone. Woyinee qomboo dunjunje kubboyee beshoon dicciye; bi neexo mixinaꞌochi daggooch genjee bekkehe; bi genjittino wodde ateenaꞌona tookkii hubbimii bekkehe.

Hiziqeeli 19:14

Bi giindoochee qaaqqoo kechiye; bi qaakkoonaa bi aafoonon maahe; ebich arooch kupphe ato aallehe; taatee gumbo aroochee dano qajjiye” iye. Ebi eefooba wochi wochaa caaggeyemmi hichoone.

Hiziqeeli 21:27

Aallo, aallo, katemoon aalliyemmo taane; tunebaani katemoon bi aalliyemmoyich ta kaacceto waammi wottoon ebi tuneyaachemmone; arooba biich beshii immemmo taane.

Hiziqeeli 21:32

Qaaqqoyich mixon tunemmo neene; ne damoo ne showoochaa ufemmone; wochinnoon shalligeyaachemmo neene; Doono Yeeri ta ebin getteto taane’ itone gete” iye.

Daaneeli 9:25

“Ebin ariibe; shalligibe! Yerusaalemin andiriyoonaa wochinnoon hagonoyich awaajjo kechitoochee tiijjiꞌi, Huutteto, Taatoo, waammi wottoon, shabaatte kaallee shabaatte nato tunemmone. Aroochee shichaa gutte kaallee shabaatte nati wottoon Yerusaalemi mishigoonaa bi gommona wochinnoon shuuneyemmone; tunebaani ebi bi tunemmo, xuuxee yemeenoochiye.

Hosee'i 11:12

Doono Yeeri ishichiye: “Efreemi kootoona, Israꞌeelee yareenaꞌoo maroona taan giichiyeete. Yihudi, Nuggishoyich hajjeyaano, gibeneeti Yaafe Nuggishoon shixxii beetone.

Mikiyaasi 5:1

Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Zakaariyaasi 10:11

Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Haddoo 21:18

Taatee gumboonaa boonoshi gumboona, woraaferasheenaꞌonaa iraasheenaꞌona iijjiti, aachi oppeenaꞌoyich shoddebote” iyeete. Ebiyee gubb, barahoochee Matanaah hammiyeete.

Haddoo 24:17

“Biin beeggaabeete; tunebaani and toonoone; biin ciinnaabeete; tunebaani katinoon toonoone; Yaaqob waanee xojjeno kechemmone; Israꞌeeleenaꞌo daggoochee taatittinee gumbo kechemmone; Moꞌabeenaꞌochi qelloon gaakkemmone; Seeti bushiisheenaꞌochi qelli koofon kophemmone;

Haddoo 24:19

Yaaqobichi shiijjeroochee neexi hajjemmo woyemmone; katemoochee muriccii echetinaꞌon aalliyemmone” iye.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Maatiyoosi 25:32

Aagetee asheenaꞌo bulli bi aafooch kiceyemminaꞌone. Qiddoo bageenaꞌon emmisheenaꞌo daggoochee bi barbariyoommon boonoshi bullin barbariyemmone.

Yowannisi 12:32

Tawoo showoochee ta tiijjeehooba, asho bullin ta waan yeepphemmo taane” iye.

Yowannisi 18:31

Phelaaxoosiyoo “Wochi daamiree ittoshi sheeroona nallibote” iye. Ayihudee ukkireenaꞌo “No koninolla no wuxemmoyich, ittoshi sheeroo daaggaanoone” iyeete.

Yowannisi 19:12

Arooba Phelaaxoosi Yesuusin biicha qaawiye; tunebaani Ayihudeenaꞌo “Hinin ne biishigaata, Qesaari xiboo toono neene; bi qelloon taatiibeeto bulli Qesaarin biiꞌeya itone” iꞌi cookeeheete.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

Yowannisi 9:7

Aroochee uroon “Hamiree Silohami kote aacoochaa machebe” iye. Silohami geto wocheeto getone. Ebich uro hammiꞌi machehe; aroochee bi aafo ciinaa wotteꞌi bi kexooch hammiye.

Roomi 15:12

Wochinnoon wotta keemechi Isiyaasi, “Iseyi yaroo woyemmone; Aageteenaꞌonoo hajjiya tiyemmone; boonoshiyoo biin gibenemminaꞌone” iye.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Hibireena'o 7:14

No Doono Yesuusi Yihudi yoodoochee bi shiijjo arichetone; tunebaani Muusi qeeshoo tuneechon ebi yoodoochee bi gettiti mooyo aalloone.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.