Halloo 49:1 - Kafa Linguistics Project

¹ Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Halloo 49:1 ပူးပေါင်းရင်းမြစ်များ

Shoddo 105:15

Ishichiinoo iye: “Huutteti ta asheenaꞌochi achooch shaggaahote; ta keemechinaꞌo toommoochoo gondoon shuuneyaahote” iye.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 22:14

Beshe Mawe Doono Yeeri bi qelloona taach ishichiye: “Ebi ittoshi axaaxoo ittoshi qitimmi wottoon ittoshich maareyaachemmone” iye Beshe Mawe Nuggishoo Doono Yeeri.

Isiyaasi 39:6

Ebiyoche, ne kexooch beeto bulli, hanaach beddaahaa ne qaabbechinaꞌo kicito bulli, Baabloonee showooch qacaa bi hammemmi aabo woyemmone. Amolla echeyaachemmone.

Isiyaasi 48:14

“Ittoshi bulliyoo kiceeree ellebote: Boonoshi daggoochee ebi mooyinaꞌon gettito konine? Doono Yeerichi shunecho, bi daaggoon Baablooni toommooch tuniyemmone; bi mochoo Kalideenaꞌo toommooch tunemmone.

Isiyaasi 53:1

No gettaa beeton koni iberiite? Doono Yeerichi mochoo konich bekkete?

Erimiyaasi 23:20

Doono Yeeri kaaro bi mullee gaboon shuunee bi ciichimmi wottoon wotteyaachemmone; ebin gubbi yemeenooch ceenoona ariyemmo ittoshine.

Daaneeli 10:1

Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Luqaasi 2:26

Yaafe Ayaano “Doono Yeerichi Masihin beegaanoon qitaachemmo neene” iꞌi biich gettiye.

Mishiraachechinaꞌo 2:17

‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.

Yibbaatoo 31:12

Waayeree ittoshi Nuggishoo Doono Yeerin shaton boonoshi doyemmoyich, hini sheeree qaaroon ceechiree boonoshi quyemmoyich, asheenaꞌon, ebiyoo anaamon, maacheen, bushiisheenaꞌonaa ne beeti katemooch koteti shiqqoonon ceegi kicibe.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

2 Ximootiyoosi 3:1

Ebin ariibe! Ciiree aabo katiniyooba, xuuxiyemmi yemeeno woyemmone.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 13:1

Ittoshinaa ittoshina manaamanoochoommon shunoona beebote.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.