Halloo 48:21 - Kafa Linguistics Project

²¹ Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

Halloo 48:21 ပူးပေါင်းရင်းမြစ်များ

Halloo 12:5

Abraamiyoo bi mechee Saarayin, bi manoochi bushoo Looxin, boonoshi gijjoonaa Karaanaa boonoshi daneti guuninaꞌo bulloshinon yechiꞌi tiyiye; boonoshiyoo Kanaanee showooch qaxiriyeete. Kanaanee showooch shaggiꞌi,

Halloo 15:14

Tunebaani guunon tuniiꞌi boonoshin hajjiibeeti asheenaꞌo toommooch nallemmo taane; aroyee gubb wodde gaannoon yeshiree are showoochee kechemminaꞌone.

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 37:1

Yaaqobi ebiyee aaf bi nihoo beebee echeti Kanaanee showooch kotehe.

Halloo 46:4

Neenna tookki Gibits kindemmo taane; aroochee wochiree ne shiijjereenaꞌon kichemmo taane. Halla bi alla neen guuccemmo Yooseefine” iye.

Halloo 47:29

Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

Halloo 50:24

Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

Halloo 50:6

Farooniyoo “Hambe; neen bi wogiitoommon ne nihoon duuhe” iye.

Shoddo 18:46

Doono Yeeri beeyechone; taach deebe xaqqo tuneto galleteebe! Taan wodiibeeti ta Nuggishoo oogebe!

Luqaasi 2:29

“Doono Yeero, aageteenaꞌo bulli aafooch ne qanniiti ne wodiyoon, ta aafoona beeggeto taane. Ebiyoo Aageteenaꞌo bullich iberoon bekkiyemmi bekko, ne maccoo tuneti Israꞌeeleenaꞌoyich oogee yiiroone; taach ne gettetoommon and ne guuno taan diggoona kashiibe” iye.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yibbaatoo 31:8

Doono Yeeri ne aafooch shiichemmone; neenna tookkishoo tunemmone. Neen dufaachemmone; neenoo qayaachemmone. Shattaahine; keqqishoo gettaahine” iye.

2 Ximootiyoosi 4:6

Uyee deejjoochoommon ta kasho deejjeya ii beetone; Yeer waan ta hammemmi aabo katinnitone.

Hibireena'o 7:3

Meleekitsedeqichi nihoonaa indeenocho, bi shiijjee yoodoochoo kooreeti mooyo aalloone; bi shiijjeti aaboonaa bi qititi aaboonon gettiibeeti mooyo kooreyaanoone; tunebaani Yeerichi Bushoona shaahiitaa bulli yemeenoon qeeshoo tuneree beeyemmone.

Hibireena'o 7:8

Ebi Lewichi yareenaꞌo tuneti qeesheenaꞌo, boonoshiyoo qitemmi asheenaꞌo tuneechii, asraatoon kichiiꞌi deqqii beetinaꞌone; tunebaani are asraatoon deqqiti Meleekitsedeqi kashoona beeto bi tunoon Yaafe Macaafoochaa miixeetone.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 23:14

“Ebiyoche, and qitiya beddeto taane. Ittoshi bulli, Nuggishoo Doono Yeeri ittoshich bi gibenikkiti gaawe gibeno bulliichee ikkeenolla echiyaano bi tunoon ittoshi mulloona, ittoshi kashoonoo ariibeeto ittoshine; ikkolla echeyaanoon bulliyona ittoshich ceennitone.

Yaasi 3:7

Doono Yeeriyoo Yaasich ishichiye: “Muusina tookkii ta tunetoommon, ebiyoommon neenna tookkii ta tunoon boonoshi ariyemmoyich, hanaachiyee tiijjiree, Israꞌeeleenaꞌo bulli aafooch neen oogiyemmo taane.