Halloo 48:15 - Kafa Linguistics Project

¹⁵ Aroyee gubb Yaaqobi Yooseefin ishichii diiriye: “Ta nihinihoo Abrahaminaa ta nihoo Yisaaqina boonoshi shaaddo bullin bi aafooch boonoshi tuniiti Nuggishoo, hanaach beddaahaa, ta yemeeno bullin taan quyeti Nuggishoo,

Halloo 48:15 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 24:20

Bekkech qondeexi aacon goonooch woniihan. Aroochee wochinnoon kitta aachi oppooch woccahan; ebina gaaleenaꞌo bulli uchii michimmi wottoon, aacon kittahan.

Halloo 24:40

“Ta doono taach wochii ishichiye: ‘Bulli aaboon bi getoyich deꞌa ta iti Doono Yeeri bi maraakoon neenna tookki daachiyemmone; ne gommonoo neech kaachemmone; ta bushoyichoo ta xibeenaꞌo waanee, ta nihoo kexoochee mecheen deebemmo neene.

Halloo 27:27

Yaaqobiyoo giddeꞌi shummiye. Yisaaqiyoo Yaaqobichi tahee cinnoon shiiqqeꞌi tiyii ishichii diiriye: “Ebiyoche, ta bushoo cinno Doono Yeeri diiriti budochi cinnoommone.

Halloo 27:4

Qitaan beechi, neen ta diiremmoyich, ta shunnaa beetoommon tunii shaawujji shuuneree, taach giddiibe” iye.

Halloo 28:20

Arooba Yaaqobi ishichii mookkehe: “Yeero, taanna tookkaa ne tunegaata, ta hammaabeeti gommooch taan ne quyegaata, ta maayemmi maayoon, ta tahemmi tahoonoo taach ne imigaata,

Halloo 28:22

hini ta neechiti xaqqo Yeeri ne kexo tunemmone; taach ne immemmi mooyo bulliicheenoo aashiroochee ikke beeroon neech immemmo taane” iye.

Halloo 28:3

Beshe Hakkechi Nuggishoo neen diiribe; shiyi shiijjereree meeti aagetoon ne tunemmoyich tuniibe; ne shiijjereenaꞌonoo meechibe.

Halloo 35:3

Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Halloo 48:16

gonde mooyo bulliichee taan wodiiti Maraakoo, aroo hini bushiishoon diiribe. Boonoshiyoo ta shigoona, ta nihinihoo Abrahaminaa ta nihoo Yisaaqinochi shigoona ceekkebeete; showee toommooch shiijje shiijjere meeteete” iye.

Halloo 49:22

“Yooseefi aafee yuunjiti woyinoommone; aachi gashooch becheeti woyinee bechoommone; bi ateenaꞌo uxeree toommooch taheyemminaꞌone.

Halloo 49:24

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye.

Halloo 49:28

Eboshi bulli aaraa gutte Israꞌeelee yoodeenaꞌone. Boonoshi nihoo boonoshi ikkikkoyich tato tuneti diiroona boonoshin diiriibee bi gettiti qaaro ebine.

Halloo 6:9

Noohi mooyo ebine: Noohi Sheemi, Kaaminaa Yafeetina getteebeeti keejje anaami bushiishoon shiyihe. Biyoo bi yemeeneexi shiijjeree daggoochee cadiqe ashoonaa Yeerich deꞌa ii beetonane. Noohi Yeerina tookkii ikkotteꞌi beehe.

1 Taateenaꞌo 3:6

Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.

1 Kiinoo 5:1

Israꞌeelichi gutenee bushoo Roobeeline; tunebaani Roobeeli gutenee bushoo bi tunetaanoona bi nihoochi qeenon bi eeꞌitoyich, gutenee bushittinee aalloo (gooroo) Israꞌeeli bushoo Yooseefi bushiisheenaꞌoyich ichetone. Ebich gutenee bushee aallee taroona yoodee mazgabooch kobereyaanoone.

Shoddo 16:8

Bulli aaboon Doono Yeerin ta aafooch shiichiihoye; ta qanne badd bi beetoyich taan shuurikkemmo aalloone.

Shoddo 23:1

Doono Yeeri ta qiddoone; amoonolla mucceyaachemmo taane.

Shoddo 37:3

Doono Yeerin gibenebe; gaawe mooyonoo tuniibe; showee toommooch diggoona beeyemmo neene.

Keyo 3:16

“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.

Keyo 4:5

Doono Yeeriyoo Muusich “Ebin ne tuniyemmo, boonoshi qaabbechi niheenaꞌo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri ta, neech bekketo ta tunoon boonoshi iberiyemmoyichiye” iye.

Dojjecho 5:12

Giishechoon mame woyee oogeton, shuunecho gaawichii tokketee qeyii beetone; tunebaani gaannechon bi gaanno tokketoo muccii beetone.

Dojjecho 5:18

Ta beeggeti beshe gaawe mooyo bi beegaata, asho hini showee toommoochaa Yeeri biich immiti qamini bi kashee yemeeno bulliich mamo, uyonaa bi aajjitona emiroonane; bi qoodoo ebine.

Dojjecho 6:7

Asho aajjiibeeto bi maayemmon danoyichiye; tunebaani maa miyaanoone.

Isiyaasi 30:21

Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Isiyaasi 33:16

aroo oogee xaaꞌooch kotemmone; xaqqee mishigo bi deebee xaaꞌoon tunemmone; kosho biich ichemmone; bi aacoo tahaachemmone.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Yibbaatoo 33:1

Yeer asho Muusi bi qitoyee shiichiꞌi, Israꞌeeleenaꞌon bi diiriti diiroo ebine.

Qolaasiyaasi 2:6

Illa “Kiristoos Yesuusi Doonone” iꞌi ittoshi miixetoommon, biinna beebote;

Hibireena'o 11:21

Yaaqobi qitiya iꞌi mulloon Yeeri toommooch bi tooꞌitoyich, Yooseefi bushiisheenaꞌon boonoshi qelli qelloona diiriye; gumboon tugeꞌi Yeerich goyinnehe.