Halloo 48:14 - Kafa Linguistics Project

¹⁴ Tunebaani Israꞌeeli bi kisheenaꞌon shaaddiiꞌi, bi qanne kishoon guuchoo Efreemi shimbooch kotiihe; bi yooche kishoon qanne kishee toommona beshiiꞌi, gutenee bushoo tuneti Minaasichi shimbooch kotiihe.

Halloo 48:14 ပူးပေါင်းရင်းမြစ်များ

Halloo 41:51

Yooseefiyoo “Yeeri ta iritoo bullin, ta nihoo kexonoo ta battemmoyich tuniitone” iꞌi bi gutenee bushoon, Minaasi ii shigiihe.

Halloo 41:52

Ebiyoommon “Iritoon ta beeggeti showoochaa Yeeri taan aafiite” iꞌi bi hilloon Efreemi iye.

Halloo 46:20

Yooseefi Gibitsee showoochaa, Heliyooti katemeexi qeeshoo Phoxifeeri bushee Asenaat waanee Minaasinaa Efreeminon shiyihe.

Halloo 48:13

Aroochee Yooseefi gutte bi bushiishoon yechiꞌi, Efreemin bi waanaa qanne badd, Israꞌeel waanaa yooche badd, Minaasin bi waanaa yooche badd, Israꞌeel waanaa qanne badd tuniiꞌi katichiye.

Halloo 48:17

Yooseefiyoo bi nihoo qanne bi kishoon Efreemi shimbooch bi kotiitoyich emiraanoone; Efreemi shimboochee tiijjiꞌi Minaasichi shimbooch kotiyoyich bi nihoo kishoon yechiꞌi,

Halloo 48:18

“Taabbo, ebi toonoone; gutenee bushoo hinine. Ebich ne qanne kishoon bi shimbooch kotiibe” iye.

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 118:16

Doono Yeerichi mochoo oogehe; Doono Yeerichi mochoo wudoon danehe.

Keyo 15:6

“Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.

Haddoo 2:18

“Aabi-gimo waan kaamboon gedi boonoshi kuxi kuxona, boonoshi baanderoona kotemminaꞌo Efreemi kuxooch beeti yoodeenaꞌone. Efreemi yoodee iraashoo, Amihuudi bushoo Elishamine.

Haddoo 8:10

Doono Yeeri ta aafooch ne giddiiti Leweenaꞌo toommooch Israꞌeeleenaꞌo boonoshi kishoon kotiibeete.

Haddoo 8:18

Israꞌeeleenaꞌo gutenee bushiishoo bullichi qoodoyich Leweenaꞌon taach tuniito taane.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Maatiyoosi 19:13

Arooba asheenaꞌo, Yesuusi bi kishoon boonoshi toommooch kotiiree boonoshich bi corootemmoyich gishiishi bushiisheenaꞌon bi waan deebiyeete; tunetaa bi dabbeenaꞌo bushiisheenaꞌon deebiti asheenaꞌon noggeheete.

Maatiyoosi 19:15

Bi kishoon boonoshi toommooch bi kotiitoyee gubb aroochee tiyiꞌi hammiye.

Maatiyoosi 6:5

“Ittoshi corootii beegaata, boonoshi maacoon xalloo shaahiibeeti asheenaꞌochoommon tuneyaahote. Boonoshiyoo ‘Asheenaꞌo noon beegeete’ iꞌi Ayihudeenaꞌo kiceebeeti kexonaa gommi keejje kaattoonooch neexeechii corootoon shunnii beetinaꞌone. Iberoon ittoshich gettoye: Areenaꞌo boonoshi shuunoon deqqitinaꞌone.

Luqaasi 13:13

Bi kishoonoo ure toommooch bi kotiitaa, kaamaꞌa neexahan; aroochee Yeerin galletahan.

Luqaasi 4:40

Womikka aabe giyemmona, asheenaꞌo baribare biiyoona biiyetinaꞌo bullin Yesuus waan deebiyeete. Biyoo boonoshi bullin bi kishoona yechiꞌi wodiihe.

Mishiraachechinaꞌo 13:3

Arooba coomii corootii boonoshi itoyee gubb, hini gutte asheenaꞌochi toommooch boonoshi kishoon kotiiheete. Aroyee gubb deennii daachiiheete.

Mishiraachechinaꞌo 6:6

Eboshin mishiraachechinaꞌo aafooch deebii neechiyeete. Mishiraachechinaꞌo hini are kaacceti asheenaꞌoyich boonoshi corootitoyee gubb, kishoon boonoshi toommooch kotiiheete.

Yibbaatoo 34:9

Muusi bi qitoyee shiichiꞌi, bi kishoon Nuuni bushoo Yaasichi shimbooch kotiiꞌi, bi keroon bi ukkiriitoyich, Yaasi shalligee Ayaanoona ceennitone. Israꞌeeleenaꞌo, Doono Yeeri Muusich gettitoommon tuniiꞌi, bi getoon waayeheete.

1 Ximootiyoosi 4:14

Yeeri gettiti mooyo keemmee beetaa, kittinnee guuphi geeneenaꞌo ne toommooch boonoshi kishoon kotiihooba, neech icheꞌi ne toommooch beeti Yeerichi wojjoona shuuneyaanoon qajjaahine.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.