Halloo 47:6 - Kafa Linguistics Project

⁶ Gibitsee showoo bulli ne kishoochiye. Bulliyee beshiti gaawe showoon ciiniree, ne nihoonaa ne maneenaꞌonon arooch kotiibe. Gooshen beebeete. Boonoshi daggoochee bariti ariyechinaꞌo boonoshi tunoon ne arii beetinaꞌo beegaata, areenaꞌon ta miinji qiddeenaꞌo toommooch ukkiriibe” iye.

Halloo 47:6 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Halloo 13:9

Ne beeggaa beetoommon, showoo gaminoone. Ebich no barbarigaata, gaawiye. Yooche baddi showoon ne shunigaata, qanne badd hammemmo taane. Qanne baddi showoon ne shunigaata, yooche badd hammemmo taane” iye.

Halloo 20:15

Biyoo Abrahamich ishichiye: “Ebi bulli ta showoone; ne shunnemmi xaaꞌooch kotebe” iye.

Halloo 34:10

Noonna tookki no showooch kotebote; ittoshi shunnimmi xaaꞌooch kotebote; beebote; giixebote. Ittoshi hajjoo tuneti showoon yeshote” iye.

Halloo 45:10

Ne bushiishoon, ne bushiishoochi bushiishoon, ne bageenaꞌon, ne emmisheenaꞌon, ne miiminaꞌonaa neech beeti mooyo bullinon yeshiree, ta katinooch beeti, Gooshen kotemmo neene.

Halloo 46:34

ittoshiyoo ‘Ne guuno no shuunoo bushittinoochee tiijjiꞌi, no qaabbechinaꞌochoommon gijjee shiijjoone’ getiree wochibote. Ebina Gibitsee asheenaꞌo gijjee shiijjechinaꞌon eeꞌeenaꞌo tunii boonoshi ciinnii beetoyich, Gooshen ittoshi beeyemmoyich daaggemmone” iye.

Halloo 47:11

Yooseefiyoo bi nihoonaa bi maneenaꞌona Gibitsee showooch boonoshi kotemmoyich tuniihe. Farooni gettitoommi gommona, bulliyee beshiti gaawe xaaꞌoo tuneti Ramisesin boonoshi hajjoo tuniiꞌi immiye.

Halloo 47:16

Yooseefiyoo “Ittoshi birewoo ciiregaata, ittoshi gijjeenaꞌon taach deebote. Gijjeenaꞌochi shaddoon maayoon ittoshich immemmo taane” iye.

Halloo 47:4

Wotta ishichiyeete: “Kanaanee showooch giidechi shaacoo giyaa, no bageenaꞌonaa no emmisheenaꞌonoyich no maanjemmi mooyon no muccetoyich, giisheche aaboon hini showooch koteya waato noone. Andoo ne guuno no ‘Gooshen no kotemmoyich daaggibe’ iyaa qollaabeeto noone” iyeete.

Halloo 47:5

Farooniyoo Yooseefich ishichiye: “Ne nihoonaa ne maneenaꞌona ne waan waatinaꞌone.

1 Taateenaꞌo 11:28

Yeroboꞌami shuunee ariyechi ashoone. Solomooniyoo ebi gurimaashoo shuunoona galleteeto bi tunoon beeggiꞌi, Yooseefi yoodee showooch beeti maddechinaꞌo toommooch ukkiriihe.

2 Kiinoo 26:10

Meeti gijjeenaꞌo biich beetoyich, barahooch, Shefeeli worebe showoonaa angeshoonooch dilaaloon shuunehe. Meeti aachi oppoonoo iijjiye. Goyoon shunnii bi beetoyich, geppe xaaꞌoonaa qeemi showoonooch gochechinaꞌonaa bechechinaꞌona biich beetinaꞌone.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 18:25

Israꞌeeleenaꞌo daggoochee ariyechi asheenaꞌon kaacciꞌi, asheenaꞌo toommooch ukkiriihe; boonoshinoo humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiꞌi ukkiriihe.

Keyo 9:10

Ebich boonoshiyoo qaaqqee gudoochee tulloon uchii daammiꞌi, Farooni aafooch neexeheete. Muusiyoo ebi are tulloon shimaajj shakkiye. Asheenaꞌonaa gijjeenaꞌonochi toommooch mayiibeeti gaaboo kechiye.

Keyo 9:21

Tunebaani Doono Yeeri gettiton qallayii qajjitinaꞌo boonoshi guuninaꞌonaa boonoshi gijjeenaꞌonon kexooch giijjaanoon arooch qajjiyeete.

Shaahiyoo 21:1

Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.

Shaahiyoo 22:29

Bi shuunoona qoppechi ashoon beeggetine? Aroo taateenaꞌo aafooch neexemmone; shigaalli asheenaꞌo aafooch neexeyaachemmone.

Erimiyaasi 40:4

Ne kishooch beeti sansalatoochee neen hanaach biicheto taane; gaaweton shaahiꞌi neech bi bekkegaata, taanna tookki Baabloonee showooch hambe; gaawichiree neen heetemmo taane; tunebaani Baabloonee showooch hamo gondoon tuneꞌi neech bi bekkegaata, woyaahine; ebeege, showoo bulli ne aafooch beetone; ne gaboochaa neech gaawemmonaa neen emirikkimmonooch hambe” iye.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

1 Saameeli 21:7

Arooba Saaꞌooli qiddeenaꞌochi ukkiroo Edoomechi Doogi arooch beetone. Biyoo arooch bi daneto, Doono Yeeri aafooch bi giddemmoyich tuniyemmi doyoon ceechoyichiye.