Halloo 47:29 - Kafa Linguistics Project

²⁹ Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

Halloo 47:29 ပူးပေါင်းရင်းမြစ်များ

Halloo 24:2

Ikke areddoon Abrahami bi kexonaa bi gijjoo bullinochi ukkiroo tuneti, bi kexooch maddee yagiti bi gaddiretoon ceeggii ishichiye: “Hini and boonoshi daggooch ta beeti Kanaaneenaꞌochi maache bushiishoo daggoochee ta bushoyich mecheen shaakkiyaahine. Tunebaani ta showooch, ta xibeenaꞌo waan hamiree, ta bushoo Yisaaqich mecheen deebe. Ebin ne tuniyemmoyich, eke ne kishoon deebi ta doshee dechiich gediree, showoonaa shimaayoonochi Nuggishoo, Doono Yeerina wogebe” iye.

Halloo 24:49

Illa ta doonoyich gibeneeto tuneree, deꞌittinoon bekkiyemmo ittoshi tunegaata, ittoshi gaboon taach getote. Ebi tuno qayigaata, taach ittoshi getaa, ikke mooyon maacona” iye.

Halloo 27:2

Yisaaqiyoo ishichiye: “Ebeege, geeneto taane. Aata ta qitemmo gaata ariyaano taane.

Halloo 3:19

Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.

Halloo 47:9

Yaaqobiyoo Faroonich wochiꞌi, “Showee toommooch iibbittinoona ta beshiiti nato, balli shaashe natone. Ebiyoo ta qaabbechinaꞌo iibbittinoona beebee echeti yemeenoona tookkii bi tacheegaata, taacho qaminone; wotta iritoo woddeti yemeenoone” iye.

Halloo 48:21

Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

Halloo 50:12

Yaaqobi bushiisheenaꞌo boonoshi nihoo gettitoommon tuniiheete.

Halloo 50:5

Yooseefi ‘Ta nihoo ishichiꞌi taan wogiitone: “Ta qitiyooba, Kanaanee showooch ta qellich ta qanniiti oppooch taan duuhe” itone. Ebich arooch daamiree ta nihoon duuhiichi, wotteree wobona itone’ getote” iye.

2 Saameeli 14:14

No bulli qitecho noone; wochii uubon hakkeyaani, showooch ufeti aacoommo noone. Yeeri ashi kasho aallemmoyich qaawaache. Ebiyee aalleti asho bi waanee wohiree bi beetaachemmoyich, biich gommon qaawiye.

2 Saameeli 2:32

Asaheelichi dubenoon tiijjiꞌi, Beetilehem beeti bi nihoochi maashooch duukkiyeete. Aroochee Yoꞌaabinaa bi asheenaꞌona aroobee xumo bullin qaxiriibee, showee harooch Kebiroon shaggiyeete.

2 Saameeli 7:12

Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

1 Taateenaꞌo 2:1

Daawiti qitemmi aabo katinee, bi bushoo Solomoonich ishichiꞌi gettiye:

Iyoobi 14:14

Asho bi qititoyee gubb, tiyiree kashoona beemon hakkehe? Ta kashemmi aabo waammi wottoon, ginee koyeexi beemoommon tuneti ta yemeenoon, haaꞌii beeyemmo taane;

Iyoobi 30:23

Kashechinaꞌo bulli danee xaaꞌooch, qititinaꞌo kicee xaaꞌooch, taan daammaabeeto ne tunoon, ariito taane.

Iyoobi 7:1

“Hini showee toommooch ashi beemo yeshaa ginooch hammiti ashi beemoommo toone? Boonoshi shuunoo gichechi ashi shuunoommo toone?

Shoddo 49:7

Asho bi manoon biishoon, woyee bi kashee gatiyoon Yeerich qocon, hakkaache.

Shoddo 49:9

Maash hamaanoon bulli yemeenoon beemoyich, amoonolla bi qoccitaa bedaache.

Shoddo 6:5

Maashaa neen gabemmo aalloone; oppoochaa neen galletemmo konine?

Shoddo 89:48

Qitoona daneyaanoon cikki kashoona beeyemmi asho konine? Maash hamoochee bi qelloon wodiyoo hakkemmo konine?

Yibbaatoo 31:14

Doono Yeeri Muusich ishichiye: “Ebiyoche, ne qitemmi aabo katinnitone. Yaasin Israꞌeeleenaꞌo toommooch ta iraashiyemmoyich, biin ceegiree danee duukkaanooch wobote” iye. Muusinaa Yaasina danee duukkaanooch hammiyeete.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Hibireena'o 11:22

Yooseefi mulloon Yeeri toommooch bi tooꞌitoyich, qitiya beddiichii, “Israꞌeeleenaꞌo Gibitsee kechemminaꞌone” iꞌi bi shaawushoon aabichi boonoshi gettemmo gaata gettiye.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

Yaasi 2:14

Asheenaꞌo ishichiyeete: “No giyeti wogoommon no ceechoo qayigaata, Yeeri noon aalliibe. No tuniyaabeeti mooyon konichona geto ne qayigaata, Doono Yeeri hini showoon nooch bi imiyooba, gaawe mooyon neech tuniyemmo noone” iyeete.

Yaasi 23:14

“Ebiyoche, and qitiya beddeto taane. Ittoshi bulli, Nuggishoo Doono Yeeri ittoshich bi gibenikkiti gaawe gibeno bulliichee ikkeenolla echiyaano bi tunoon ittoshi mulloona, ittoshi kashoonoo ariibeeto ittoshine; ikkolla echeyaanoon bulliyona ittoshich ceennitone.

1 Saameeli 26:10

Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone.