Halloo 46:34 - Kafa Linguistics Project

³⁴ ittoshiyoo ‘Ne guuno no shuunoo bushittinoochee tiijjiꞌi, no qaabbechinaꞌochoommon gijjee shiijjoone’ getiree wochibote. Ebina Gibitsee asheenaꞌo gijjee shiijjechinaꞌon eeꞌeenaꞌo tunii boonoshi ciinnii beetoyich, Gooshen ittoshi beeyemmoyich daaggemmone” iye.

Halloo 46:34 ပူးပေါင်းရင်းမြစ်များ

Halloo 13:7

Abraaminaa Looxinochi gijjeenaꞌon quyeebeeti qiddeenaꞌo daggooch kaaro giyiye. Ebi yemeenooba Kanaaneenaꞌonaa Ferizeenaꞌona ebi are showooch beetinaꞌone.

Halloo 13:8

Ebich Abraami Looxich ishichiye: “Neennaa taanna xiboo noone. No daggooch, ne qiddeenaꞌonaa ta qiddeenaꞌona daggoochoo kaaro beeyaaye.

Halloo 26:20

Tunebaani Geraaree showeexi qiddeenaꞌo “Aaco noochone” iꞌi, Yisaaqichi qiddeenaꞌona hayeheete. Ebi aroyicha ii boonoshi hayetoyich, ebi aachi oppee shigoon, Eseeqi ii ceeggiye.

Halloo 30:35

Tunebaani arooba Labaani koorechinaꞌonaa bureenaꞌona tuneti emmishee baaddeenaꞌo bullin, ebiyoommon wotta maache emmisheenaꞌo daggoochee, kushaakusheenaꞌonaa bureenaꞌo bullinon, amee naccolla boonoshi qeddooch beetinaꞌo bullin, bagee baaddeenaꞌo daggoochee aaꞌinaꞌo bullin bariiꞌi, bi anaami bushiishoona quyiihe.

Halloo 34:5

Yaaqobiyoo bi bushee Diinin Shekeemi giidoona bi yeshon waayehe. Ebiyooba Yaaqobichi anaami bushiisheenaꞌo bi gijjeenaꞌon gaddooch quyee beeheete. Ebich Yaaqobi bi bushiishoo waammi wottoon cikkii beehe.

Halloo 37:12

Ebiyee gubb, Yooseefichi maneenaꞌo boonoshi nihoochi bageenaꞌonaa emmisheenaꞌonon quyoyich Shekeemi gaꞌooch hammiyeete.

Halloo 37:2

Yaaqobi kechi asheenaꞌo mooyo ebine. Yooseefi aaraa shabaatte nati bushoo bi beehooba, bi nihoochi naamacheenaꞌo Biilinaa Zilifina waanee shiijjeti bi maneenaꞌona tookkii bi nihoochi bageenaꞌonaa emmisheenaꞌonon quyee beehe. Biyoo bi maneenaꞌo tuniiti gonde mooyon bi nihoyich gettiye.

Halloo 43:32

Yooseefich badd giddehe; bi maneenaꞌoyichoo badd giddehe; ebiyoommon biinna tookkii maabeeti Gibitseenaꞌoyich wotta badd giddehe. Ebiyoo Gibitseenaꞌo Hibiree asheenaꞌona tookkii mamon eeꞌo tuniiꞌi boonoshi ciinnii beetoyichiye.

Halloo 45:10

Ne bushiishoon, ne bushiishoochi bushiishoon, ne bageenaꞌon, ne emmisheenaꞌon, ne miiminaꞌonaa neech beeti mooyo bullinon yeshiree, ta katinooch beeti, Gooshen kotemmo neene.

Halloo 45:18

Ittoshi nihoonaa ittoshi kechi asheenaꞌonon yeshiree, Gibits ta waan wobote. Tawoo Gibitsee showoochee bulliyee beshe gaawe xaaꞌoon ittoshich immemmo taane; hini showeexi gaawe maayoon maayemmo ittoshine’ gete.

Halloo 46:32

Boonoshiyoo gijjee shiijjechinaꞌo boonoshi tunetoyich, qiddeenaꞌone. Boonoshi bageenaꞌonaa emmisheenaꞌonon, boonoshi miiminaꞌonoo, ebiyoommon wotta boonoshich beeto bullin yechiꞌiniye boonoshi waato’ gettemmo taane.

Halloo 47:11

Yooseefiyoo bi nihoonaa bi maneenaꞌona Gibitsee showooch boonoshi kotemmoyich tuniihe. Farooni gettitoommi gommona, bulliyee beshiti gaawe xaaꞌoo tuneti Ramisesin boonoshi hajjoo tuniiꞌi immiye.

Halloo 47:3

Farooniyoo Yooseefichi maneenaꞌon “Ittoshi shuunoo amoone?” ii echehe. Boonoshiyoo Faroonich, “No ne guuno, no qaabbechinaꞌochoommon gijjee shiijjecho noone” iyeete.

Halloo 47:4

Wotta ishichiyeete: “Kanaanee showooch giidechi shaacoo giyaa, no bageenaꞌonaa no emmisheenaꞌonoyich no maanjemmi mooyon no muccetoyich, giisheche aaboon hini showooch koteya waato noone. Andoo ne guuno no ‘Gooshen no kotemmoyich daaggibe’ iyaa qollaabeeto noone” iyeete.

Halloo 47:6

Gibitsee showoo bulli ne kishoochiye. Bulliyee beshiti gaawe showoon ciiniree, ne nihoonaa ne maneenaꞌonon arooch kotiibe. Gooshen beebeete. Boonoshi daggoochee bariti ariyechinaꞌo boonoshi tunoon ne arii beetinaꞌo beegaata, areenaꞌon ta miinji qiddeenaꞌo toommooch ukkiriibe” iye.

Keyo 8:22

Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone.

Keyo 8:26

Tunebaani Muusi ishichiye: “Ebi tato toonoone; no Nuggishoo Doono Yeerich no deejjaabeeti deejjoo Gibitseenaꞌo waanaa ciigee beetone. Ebi boonoshi ciigeebeeti deejjoon boonoshi aafoochaa no deejjigaata, noon xaqqoona yexxii wuxoon qajjeheete?