Halloo 46:1 - Kafa Linguistics Project

¹ Israꞌeeliyoo biich beeto bullin kicii yechiꞌi, tiyii hammiye. Beershaab shaggiꞌi, deejjoon bi nihoo Yisaaqichi Nuggishoyich deejjiye.

Halloo 46:1 ပူးပေါင်းရင်းမြစ်များ

Halloo 12:8

Aroochee tiyiꞌi, Beeteelaa aabi-keyo waan, guudinaꞌo beeti showooch hammiye. Aroocheenoo Beeteelin aabi-gimo waan, Aayin aabi-keyo waan tuniiꞌi, bi duukkaanoon xogiye. Aroochaanoo wotta deejjee gudoon shuuneꞌi, Doono Yeerich goyinnehe.

Halloo 21:14

Abrahamiyoo bi dechara maaddoona tiyiye; shohoonaa aaco ceenniti mollexxoonon Haggaarich immiye; bi gogoochoo shaakkiiꞌi bi bushoona tookkii kichii daachiihe. Biyoo kechaa hammahan; Beershaabi barahoochoo yallyallimiyan.

Halloo 21:31

Gutteenaꞌo wogoon boonoshi giyiti xaaꞌoo bi tunetoyich, ebi xaaꞌoo, Beershaabi getteehe.

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

Halloo 22:13

Abrahamiyoo kaama ciinniꞌi, biyee gubb beeti tushooch qaroona yecheꞌi beeti, ikke bagee baaddoon beeggiye. Hammii ebi bagoon deebii, bi bushoo keroon deejjoo tuniiꞌi guurii michii deejjiye.

Halloo 28:10

Yaaqobi Beershaabee tiyiꞌi, Karaan waan hammiye.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

Halloo 31:53

Ne nihinihoo Abrahamichi Nuggishoonaa ta nihinihoo Nakoorichi Nuggishoona no gutti daggooch nallibe” iye. Yaaqobiyoo bi nihoo Yisaaqi goyinneebeeti Nuggishoona wogehe.

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

Halloo 35:3

Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Halloo 35:7

Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli ii shigiihe.

Halloo 4:4

Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.

Halloo 45:28

Israꞌeeliyoo “Illa beddiye! Ta bushoo Yooseefi batt kashoona beetone. Qitaan beebee, hami biin beeggemmo taane” iye.

Halloo 8:20

Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Amootsi 7:9

Guudi toommooch beeti Yisaaqi shiijjereenaꞌochi goyinnee xaaꞌeenaꞌo aallemminaꞌone. Israꞌeelee showeexi yaafe xaaꞌeenaꞌo happee aallemminaꞌone. Yeroboꞌami shiijjereenaꞌo toommooch tiyiree goraadoona boonoshin aalliyemmo taane” iye.

Mishiraachechinaꞌo 7:15

Yaaqobi eboshina tookkii tiyii, Gibits hammiye; biinnaa no qaabbechinaꞌona aroochaa qitiyeete.

Yaasi 24:4

Yisaaqichoo, Yaaqobinaa Esayinon immehoye. Esayichoo Seyiree geppe showoon bi hajjoon tuniyaꞌa immehoye; tunebaani Yaaqobinaa bi bushiisheenaꞌona Gibits kindiyeete.

1 Saameeli 3:20

Daanee Beershaab beddaahaa beeti Israꞌeeleenaꞌo bulli Saameeli Doono Yeer waanee tuneti, gibeneeti keemecho bi tunoon ariiheete.

1 Saameeli 8:2

Bi gutenee bushoochi shigo Yoꞌeeli tunemmona, bi guuchoochi shigo wotta Abiyi getteehe. Boonoshiyoo Beershaab tuneꞌi nallii qeejjii beeheete.