Halloo 45:6 - Kafa Linguistics Project

⁶ Showee toommooch shaacoo giyito batt gutte natone. Ebiyee gubb, showoon goyaa maayo maceyaachemmi uuche nato batt beetone.

Halloo 45:6 ပူးပေါင်းရင်းမြစ်များ

Halloo 37:2

Yaaqobi kechi asheenaꞌo mooyo ebine. Yooseefi aaraa shabaatte nati bushoo bi beehooba, bi nihoochi naamacheenaꞌo Biilinaa Zilifina waanee shiijjeti bi maneenaꞌona tookkii bi nihoochi bageenaꞌonaa emmisheenaꞌonon quyee beehe. Biyoo bi maneenaꞌo tuniiti gonde mooyon bi nihoyich gettiye.

Halloo 41:35

Boonoshiyoo woyemmi miyi natinaꞌo daggooch daneebeeti maayo bulliichee kicibeete. Katemi katemoona maayoon gotoona boonoshi kicemmonaa boonoshi quyemmonoyich, boonoshich ukkirittinoon imbe.

Halloo 41:46

Yooseefi Gibitsee taatoo aafooch neexeꞌi maddooch bi giyiyooba, shaashe nati ashoone. Yooseefi Farooni aafoochee kechiꞌi, Gibitsee showoo bullin guuddiye.

Halloo 41:53

Gibitsee showooch tuneti shabaatte miyi nato beshehe.

Halloo 41:54

Shiichiꞌi Yooseefi gettitoommon, shabaatte shaacee nato giyiye. Bare showoo bulliichoo shaacoo giyitone; tunebaani Gibits maayo beetone.

Halloo 41:56

Shaacoo Gibitsee showoo bullin yexxii yexxii bi hamaa, shaacoo ashoon oogeton bi yexxitoyich, Yooseefi goteenaꞌo bullin qechiiꞌi, maayo Gibitsee asheenaꞌoyich bi kecheyemmoyich tuniihe.

Halloo 47:18

Ebi are nato beshetoyee gubb, bi hilleexi natooba asheenaꞌo waaꞌi, Yooseefich ishichiyeete: “Illa no doono neech no aachemmi mooyo amolla aalloone. No birewoo ciiretone; no gijjeenaꞌonoo immeto noone. Illa and no doono neech no immemmo, no showoonaa no qelloonoyee besh, amolla nooch aalloone.

Halloo 47:23

Arooba Yooseefi asheenaꞌoyich ishichiye: “Ittoshinaa ittoshi showoonon hanaach Faroonich kemeto taane. Ebi yaroon daamiree, ittoshi showooch shoohote.

Keyo 34:21

“Shiritte qemi daggooch ne shuunemmi shuunoon shuunebe. Tunebaani shabaattinnee qemooba kashebe. Goyee yarimmoonaa maayi qecci gooroona bi tunetaanoona kashebe.

Isiyaasi 30:24

Ittoshi gochiibeeti gatteenaꞌonaa kureenaꞌona hugaa xalleti, kiihona yoppheeti maayi aafoon maayemminaꞌone.

Yibbaatoo 21:4

Are gidereen woce aaco beeti, gochee woyee maayo shookkee ariyaani bambooch deebiree, bi qettimixon yexi tiisheete.

1 Saameeli 8:12

boonoshin hume ginee iraasheenaꞌonaa aache ginee iraasheenaꞌonon tuniyemmone; bi goyoon gochechinaꞌonaa bi maayoon qeccechinaꞌonon tuniyemmone; wotta ginee qiicoonaa gaarichi qiicoonon shuunechinaꞌon tuniyemmone.