Halloo 44:18 - Kafa Linguistics Project

¹⁸ Yihudi Yooseef waan giddeꞌi ishichiye: “Ta doonocho, doogena ta ne guuno ikke qaareen baach getona. Ne Farooniyoommo neene; doogena ne guuno taan kaareyaahine.

Halloo 44:18 ပူးပေါင်းရင်းမြစ်များ

Halloo 18:30

Abrahamiyoo “Ta Doonocho, kaareyaahine. Wochinnoon getona. Diqqich shaashoo baach danegaatoche?” iye. Doono Yeeriyoo “Arooch shaashoon ta danegaata, katemoon aalliyaachemmo taane” iye.

Halloo 18:32

Abrahamiyoo “Ta Doonocho, kaareyaahine. Ikke wottoon baach getona. Diqqich arooch aashiroo baach danegaatoche?” iye. Biyoo “Aashiroyicha geti katemoon aalliyaachemmo taane” iye.

Halloo 37:6

Biyoo ishichiye: “Ta gummeti gumon ta maacaa waayebote.

Halloo 37:7

No bulli budoochaa teepphoon qiraa beehone. Ta qiriti qiroo gellimmii neexehe; ittoshi qiriti qireenaꞌo taachochi guudoona neexeechii, biich goyinneheete” iye.

Halloo 37:8

Bi maneenaꞌoo “Iberoon no toommooch taateree noon hajjiyane ne gabaabeeto?” iyeete. Bi gumichonaa bi gettiti mooyochonoyich aafichoyee beshoon biin shixxiyeete.

Halloo 41:40

Ta taatittinee showooch iraashebe. Ta asho bulli neech hajjeebe. Neyee ta beshemmo, ta taatee qeenona baachiye” iye.

Halloo 41:44

Wotta Farooni Yooseefich ishichiye: “Ta Farooni taane; Gibitsee showoo bulliich beeti asho bulli ne daaggaani ikke mooyinona tuniyaaye” iye.

Halloo 44:17

Tunebaani Yooseefi boonoshich ishichiye: “Ebin ciroona tuniyaache. Xoofoo bi mollexxoochee daneti uro baach ta guuno tunebe. Echeti ittoshi, diggoona ittoshi nihoo waan wotteree hambote” iye.

2 Saameeli 14:12

Aroochee ure, “Ne gonnee ta, ikke mooyin baach taatoo ta doono neech ta gettemmoyich qollehoye” iyan. Biyoo “Gete” iye.

Asteeri 1:12

Aafee bushiisheenaꞌo taatoochi wochoon gennee abeeti Ashixiinich getaa, “Waataache” iyaꞌa qajjahan. Ebi mooyo taatoon oogichiꞌi ippiihe; biyoo oogeton kaarehe.

Iyoobi 33:31

“Iyoobo, gaawichiree elle waayebe; ne cikkiichaa ta yibbaatebona.

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Keyo 32:22

Harooniyoo wochiꞌi ishichiye: “Ta doonocho, ippeyaahine. Hini asheenaꞌo bulli aaboon gondo waan gaꞌeebeeti asheenaꞌo boonoshi tunoon ariibeeto neene.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.

Yowannisi 5:22

Wotta Nihoo Yeeri ikke ashi toommoochona nallaachemmone; asheenaꞌo bulli Nihoo Yeerin boonoshi oogii beetoommon ebiyoommon bi Bushoon boonoshi oogiyemmoyich, nalloo bullin bi Bushoyich immitone; ebich bi Bushoon oogiyaano biin deejjiti bi Nihoo Yeerin oogiyaanoone.

Mishiraachechinaꞌo 2:29

“Ta maneenaꞌote! No qaabbechi Daawiti qitii duukkoon, bi duukketi masho hanaach beddaahaa hiniich beemonoo ittoshich xalla geton hakkiyoye.