Halloo 43:29 - Kafa Linguistics Project

²⁹ Yooseefiyoo bi indee shiyeto tuneti bi manoo Biiniyaamin ciinniꞌi, “Arooba ittoshi gettiti, ittoshi guuche manoo hinine?” ii echehe. Biiniyaaminoo “Ta bushoocho, Yeeri neen diiribe” iye.

Halloo 43:29 ပူးပေါင်းရင်းမြစ်များ

Halloo 35:24

Raaheeli bushiishoo Yooseefinaa Biiniyaaminane.

Halloo 42:11

No bulli ikke nihoo bushiishoo noone; ne guuno no, gibeneeti asho noani, qiiddecho toono noone” iyeete.

Halloo 42:13

Boonoshiyoo wochiꞌi, “Ne guuno no, Kanaanee showooch beeti ikke uroochi bushiishoo, aaraa gutte manaamanoo noone; guuche ciiro no nihoo waaniye bi beeto; ikkoo aalletone” iyeete.

Halloo 44:21

“Arooba ne, ne guuno nooch ‘Are bushoon ta waan deebote. Biin beegona’ iyine.

Halloo 45:8

“Ebich hini showooch taan deejjito, Yeeriyani, ittoshi toonoone. Faroonichoo nihoommon taan tuniihe; bi kechi toommo bulliich doono, Gibitsee showoo bulliichoo iraashoo taan tuniihe.

2 Kiinoo 29:11

Ta bushiisheenaꞌote, bi aafooch neexeree ittoshi maddemmoyich, bi maddecho ittoshi tunemmonaa ixaanoon ittoshi shookkemmonoyich, Doono Yeeri ittoshin bi kaaccitoyich beeneyaahote” iye.

Shoddo 111:4

Worganikkiti bi shuunoo shalligeeree bi beeyemmoyich tuniihe; Doono Yeeri shoodechonaa ariqqechonane.

Shoddo 112:4

Deꞌo, ariqqechonaa cadiqoona bi tunetoyich, kaame ashich manderoochaa bekko koojjemmone.

Shoddo 67:1

Yeeri noon maaribe; noonoo diiribe; bi aafoon no toommooch biriibe.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 33:2

Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.

Milikiyaasi 1:9

“Qeesheenaꞌote, ebiyoommi wojjoon Yeerich giddiichi, eke ittoshich bi ariqqemmoyich qollebote. Ebi wojjoon ittoshi kishoochee deꞌiree ittoshi qolloon waayemmo ittoshich shaahii beete?” iye Beshe Mawe Doono Yeeri.

Haddoo 6:25

Doono Yeeri bire aafoona neen ciine; neech ariqqebe;

Maatiyoosi 9:2

Arooba bi ashittino qititi ikke uroon shaaꞌoona shaaggiꞌi bi waan deebiyeete. Yesuusiyoo bi toommooch mulloon boonoshi tooꞌiyoon beeggiꞌi, bi ashittino qititi uroon “Ta bushoochoo, kupphebe; ne axaaxoo maareetone” iye.

Maatiyoosi 9:22

Yesuusiyoo guuddii wottee ciinniꞌi tiyii, “Ta busheene, kupphebe! Ta toommooch ne mulloon ne tooꞌiyoo neen wodiitone” iye. Ureyoo bekkech wodiyan.

Maariqoosi 10:24

Ebina bi dabbeenaꞌo worganeheete. Tunetaa Yesuusi wotta ishichiye: “Ta bushiisheenaꞌote, [boonoshi gaannoon gibenee beetinaꞌoyich] Yeerichi taatittineech gimo am shaahe maggoone!

1 Ximootiyoosi 1:2

Kiristoos Yesuusi toommooch mullee tooꞌiyoona ibere ta bushoo tuneti Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

Hibireena'o 13:1

Ittoshinaa ittoshina manaamanoochoommon shunoona beebote.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.