Halloo 43:11 - Kafa Linguistics Project

¹¹ Arooba boonoshi nihoo Israꞌeeli boonoshich ishichiye: “Mooyo ebi tunegaata, ebin tuniibote; hini showooch daneebeeti, beshe gaawe mooyoochee giisheche huuteebeeti attoon, giisheche eeyon, shittoon, hareboonaa hini showooch daneebeeti michi aafoonoochee ittoshi mollexxooch gedote. Mattaayoon tuniiree are uroyich daami imbote.

Halloo 43:11 ပူးပေါင်းရင်းမြစ်များ

Halloo 33:10

Yaaqobiyoo “Ebi toonoone. Ne aafooch gidoon ta danegaata, ta mattaayoon deꞌe. Gaawe aafoona taan ne ciinaa neenna danoon ta hakkoo, taach Yeeri aafoon ciinoommone.

Halloo 37:25

Maayoon maaya koteechii, wokkii ciinniꞌi, Gilaadee showoochee waabeeti, giixechi Ishmaꞌeeleenaꞌon beeggiyeete. Ebi are giixechinaꞌo shitto, huuteebeeti attoonaa hareboonon boonoshi gaaleenaꞌooch xaaniꞌi, Gibitsee showooch dugilla hammii beeheete.

Halloo 43:10

Ebi shaahoon no yagaan gaata, ebi gaata, guttaa wottesho noone” iye.

Halloo 43:14

Ittoshi manoo Simooninaa Biiniyaaminon ittoshina tookki wochi bi deejjemmoyich, Beshe Hakkechi Nuggishoo bi mullooch ariqqoon gede. Illa ta bushiishoon ta muccegaata, muccee qayoyee besh amoon halloo hakkehote” iye.

Halloo 43:15

Israꞌeelichi bushiisheenaꞌo getteeti mattaayoonaa gutte kishee gijjoonon, Biiniyaaminoo yechii tiyiꞌi desh Gibits kindiyeete; shaggiꞌi Yooseefi aafooch neexeheete.

Halloo 43:25

Yooseefina tookki maayoon maayemminaꞌo boonoshi tuno shiichii boonoshich bi getteetoyich, aabee qellayooch, Yooseefi shagoyee shiichii, boonoshi deebiti mattaayoon imoyich qanniheete.

Halloo 43:26

Yooseefi kexooch giyimmona, deebii bi kexooch boonoshi giijjiti mattaayoon immiyeete; showooch guufee biich goyinneheete.

1 Taateenaꞌo 10:15

Ebiyoo giixechinaꞌo waanee, gabiyee guudeenaꞌo waanee, Arabee taateenaꞌo bullinaa woraaferasheenaꞌona waanee giyii beeton daakkaanooniye.

1 Taateenaꞌo 10:25

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

1 Taateenaꞌo 15:19

“Ne nihoonaa ta nihoonochi daggooch wogo beemoommon, neennaa taanna daggoochoo beebe. Ebiyoche, aachoonaa birewoonochi wojjoon neech daachiito taane. Israꞌeelee taatoo Baꞌaashi ta waanee bi wokkemmoyich, biinna tookkaa ne giyeti wogoon happibe” iye.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

2 Taateenaꞌo 16:8

Akaazi wotta Doono Yeerichi yaafee kexonaa taatee kexonochi ginjabeetooch beeti birewoonaa aachoonon kichii, Asooree taatoyich daachiihe.

2 Taateenaꞌo 20:12

Ebiyooba Baabloonee taatoo, Balidaanichi bushoo Merodaak Balidaani Hiziqiyaasi biiyeꞌi wodoon bi waayetoyich, bi wocheyechinaꞌo kishoona wojjoonaa koorichoonon Hiziqiyaasich deejjiye.

2 Taateenaꞌo 8:8

Taatoo, Hazaheelich, “Wojjoon yeshi hamiree, Yeer ashoona danebe. ‘Hini biiyoochee wodehote?’ getiree biinna Doono Yeerin taach echebe” iye.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Shoddo 68:29

Yerusaalem beeti ne yaafee kexoyicha getiree, taateenaꞌo wojjoon neech deebemminaꞌone.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Keyo 3:8

Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.

Shaahiyoo 17:18

Mullaalli asho kishoo tappeꞌi, bi giyoyich buushaarittino giyiye.

Shaahiyoo 18:16

Wojjoo, immechoyich gommon qechiye; ogoogeenaꞌo aafoochoo katichiye.

Shaahiyoo 19:6

Meetinaꞌo, wojjechi asheenaꞌona xiboon qaawiyeete; wojjoon immiibeeti ashich bulliyona xiboone.

Shaahiyoo 21:14

Aashoona icheti mooyo kaaroon aqqiihe; shoopphooch duuqqeeti xucco kupphe kaaroon aqqiihe.

Solomooni 4:10

Ta manee ta woꞌeene, ne shunoo am shaahoon emirikkiye! Ne shunoo woyinoyee am shaahoon beshiye! Ne shittee cinno shitto bulliyee am shaahoon beshiye!

Solomooni 4:14

Naridooso, karikomo getteebeeti qimaamo, toochoo, qarefoo, baribare ixaanee mixinaꞌo bulli, hareboonaa ereetoona, gaawe cinnoon cinneebeeti qimaamo bullina tookkii beetone.

Solomooni 8:14

Ta shiiqqo, kaate wobe; qimaamee guudinaꞌoochaa doolloon woyee boyijjee bushoon, shaahibe.

Erimiyaasi 8:22

Gilaadee showooch huuteyemmi atto aalloone? Woyee aakumo arooch aalloone? Ta asheenaꞌo amoyich wodaacheete?

Hiziqeeli 27:15

“ ‘Dedaanee asheenaꞌo neenna tookkii giixee beeheete; baharee gasheexi showeenaꞌo ne gabiyee godeenaꞌone; boonoshiyoo ne waanee qiicoon kemoyich dangeyi gashoonaa aaꞌi kupphe mixonon deebii beeheete.

Hiziqeeli 27:17

“ ‘Yihudinaa Israꞌeelina neenna tookkii giixee beeheete; Minitee showee teepphoon, shaawi mooyon, eeyon, zayitoonaa huutoonon qiicoona neech shaddii beeheete.

Hiziqeeli 27:22

“ ‘Sheebi giixechinaꞌonaa Raꞌiimi giixechinaꞌona neenna tookkii giixee beetinaꞌone; gaawe qimaamo bullin, aaxxe xaqqo bullinaa aachoonon neenna tookkii giixee beeheete.

Leweenaꞌo 20:24

Tunebaani ta ittoshich “Boonoshi showoon woraashemmo ittoshine. Ebi ejjoonaa eeyona xuupphiibeeti showoon ittoshi hajjoo tuniiree ittoshich immemmo taane” iyoye. Aageteenaꞌo waanee ittoshin bariiti, ittoshi Nuggishoo Doono Yeeri taane.

Mishiraachechinaꞌo 21:14

No ciicoon qajje bi itoyich, “Illa Doono Yeeri ito tunebe” iyaꞌa cikkii qajjehone.

Yibbaatoo 33:14

Aabee gooroona aafeebeeti michi aafoona, bi agen agenoona aafeebeeti gaawe aafoona,

1 Saameeli 25:27

Ne gonnee ta, ta doono neech deebeti hini mooyo, neen dabbiibeeti ne asheenaꞌoyich ichebe.

1 Saameeli 9:7

Saaꞌooliyoo bi aafee bushoyich “Bi waan no hamigaata, biich amooniye no immemmo? No kojjoochee shoho ciiretone. Yeer ashoyich no immemmi wojjoo nooch aalloone. Amo nooch beete?” iye.