Halloo 42:36 - Kafa Linguistics Project

³⁶ Boonoshi nihoo Yaaqobi ishichiye: “Bushaallo taan echiyane ittoshi ii beeto? Yooseefi aalletone; Simooni aalletone; and wotta Biiniyaamin daammane ittoshi qaawiibeeto. Amee wonoone ta toommooch waabeeto” iye.

Halloo 42:36 ပူးပေါင်းရင်းမြစ်များ

Halloo 42:37

Arooba Roobeeli bi nihoyich “Biiniyaamin ta kishooch imbe. Wochaꞌa deebo ta qayigaata, ta gutte anaami bushiishoon wuxibe. Ta neech wochiree deebemmo taane” iye.

Halloo 43:14

Ittoshi manoo Simooninaa Biiniyaaminon ittoshina tookki wochi bi deejjemmoyich, Beshe Hakkechi Nuggishoo bi mullooch ariqqoon gede. Illa ta bushiishoon ta muccegaata, muccee qayoyee besh amoon halloo hakkehote” iye.

Halloo 44:12

Uroo qaabboochee tiijjii guuchooch beddaahaa boshee qaawiye. Xoofoonoo Biiniyaamichi mollexxoochee danehe.

Halloo 45:28

Israꞌeeliyoo “Illa beddiye! Ta bushoo Yooseefi batt kashoona beetone. Qitaan beebee, hami biin beeggemmo taane” iye.

Halloo 47:12

Yooseefiyoo bi nihoyich, bi maneenaꞌonaa bi nihoo kechi asheenaꞌo bullinoyich, boonoshi bushiishoochi haddoona boonoshi maayemmi maayo ichemmoyich tuniihe.

Iyoobi 7:7

Yeero, ta kashe hiinnoommi bi tunoon batteyaahine; illa ebiyee bekk, gaawe mooyon ta aafoona beegaachemmo taane.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Dojjecho 7:8

Moochi wonnoyee moochi taco gaawiye; geececho tunoyee haaꞌiyecho tuno gaawiye.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Isiyaasi 38:10

Ta yemeenee dagg tatoochaa aallaa beeton, eche ta yemeenooch maash hammaa beeton taach shaahiye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Erimiyaasi 31:15

Doono Yeeri ishichiye: “Eefonaa wodde bunnee qaaroona Raami katemoochee waayeehe; boonoshi aalletoyich, Raaheeli bi bushiishoyich eeppahane; goggemmonoo mawiihan” iye.

Maatiyoosi 14:31

Bekkech Yesuusi bi kishoon yaggii yechiꞌi tiyii, “Hini, ta toommooch ne mulloon tooꞌiyaanoocho, ne mulloon amoyich guttiinne?” iye.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

1 Saameeli 27:1

Tunebaani Daawiti bi mulloona “Ikke areddoon Saaꞌooli taan wuxoon qayaachemmone. Ebich muricciꞌi Filsixeemeenaꞌo showooch hamoyee besh, taach bare gaawe mooyo aalloone. Aroochee Saaꞌooli Israꞌeelee showoo bulliich taan qaawoon qajjemmone. Tawoo bi kishoochee muriccemmo taane” iꞌi gabiye.