Halloo 42:22 - Kafa Linguistics Project

²² Roobeeli wochii boonoshich ishichiye: “Arooba ‘Ebi bushoo toommooch gondoon shuuneyaahote’ iyaa ittoshich getaano taane? Tunebaani ittoshi ta getteton waayeyaano ittoshine. And ebeegote, bi damoo no kishoochee qaawee beetone” iye.

Halloo 42:22 ပူးပေါင်းရင်းမြစ်များ

Halloo 4:10

Doono Yeeriyoo biich ishichiye: “Ebi ne halliti mooyo amoone? Ne manoo damee qaaro showoochaa ta waan cookii beetone.

Halloo 42:23

Yooseefi boonoshin bi yibbaatiibeeto wokkeellechona bi tunetoyich, boonoshi yibbaatee beeton waayeebeeto boonoshich shaahaanoone.

Halloo 45:3

Yooseefiyoo bi maneenaꞌoyich “Ta Yooseefi taane. Ta aabbi batt kashoona beete?” iye. Tunebaani bi maneenaꞌo ebin waayeꞌi, oogeton boonoshi keqqitoyich, biich minnakanna getaaneenaꞌone.

Halloo 50:15

Yooseefichi maneenaꞌo boonoshi nihoo eefo beshetoyee gubb, ishichii gabiyeete: “Diqqich Yooseefi no toommooch and beddaahaa xiiqoon yechiꞌi, bi toommooch no tuniitoommon tuniiree, no toommooch nichoon bi kichigaata, aabichishiye no gettemmo?” iyeete.

1 Taateenaꞌo 2:32

Biyee gaaweti gutte cadiqe asheenaꞌon, eboshiyoo Israꞌeelee ginee iraashoo Neeri bushoo Abeneerinaa Yihudee ginee iraashoo Yeteeri bushoo Amaasinon, ta nihoo Daawiti ariyaanoon, goraadoona bi wuxitoyich, Doono Yeeri bi shuuneti shuunoon bi toommooch wochemmone.

1 Taateenaꞌo 2:33

Boonoshi damee hiishoo Yoꞌaabinaa bi yareenaꞌonochi toommooch bulli yemeenoon tunebe. Tunebaani Daawitinaa bi yaroonoyich, bi kexonaa bi taatee qeenonoyich bulli yemeenoon Doono Yeerichi diggoo tunebe” iye.

2 Kiinoo 24:22

Taatoo Yoꞌaashi, Zakaariyaasi nihoo Yoyaadi biich deeti deꞌoon batteꞌi, Zakaariyaasin wuxiihe. Zakaariyaasiyoo bi qitiyooba, “Doono Yeeri ebin ciiniree, ne toommooch nallibe” iye.

Shoddo 9:12

Damee nichoon gaaccecho boonoshin bi gabii beetoyich, xukketinaꞌochi eefon batteyaache.

Hiziqeeli 3:18

Gonde ashoon ‘Iberoochaa qitemmo neene’ ta getaa, ne biin meeqqeqqiyoo ne qayigaata, bi gondoochee wotteree bi kashoon bi wodiyemmoyich meeqqeqqiyoo ne qayigaata, ebi axaaxechi uro bi axaaxoona qitemmone; tunebaani bi damoon ne kishoochee qaawemmo taane.

Luqaasi 23:41

No, no shuunooniye no deqqaabeeto; ebich no toommooch nalleeti nalloo tatoone; tunebaani hini uro bi shuuneti gonde mooyo amolla aalloone” iꞌi noggehe.

Mishiraachechinaꞌo 28:4

Arooch beeti asheenaꞌo hini bi kishooch wutireeti xekereen beeggiꞌi, boonoshinaa boonoshina “Hini uro iberoon ashoon wuxitone; baharoocheenolla diggoona bi kechitaa, nallechi nuggishoo bi kashoon maaraanoone” iyeete.

Roomi 2:15

Boonoshi gaboo boonoshin bi taggetaa woyee deggitaa, boonoshi mullo boonoshin ittibatee beetone. Ebich sheerooch kooreeto boonoshi mullooch kooreeto bi tunoon boonoshi qoco bekkii beetone.

Yaaꞌoo 13:10

Kecee hamoyich daaggeeto koniyoona bi beegaata, kecceeꞌi hamo echeyaani mooyone; goraadoona bi qitemmoyich daaggeeto koniyoona bi beegaata, goraadoona qitemmone. Yaafeenaꞌochi gibeneyoonaa haaꞌiyoona bi qaaweebeeto ebiyoobane.

Yaaꞌoo 16:9

Asheenaꞌo oogeti gaamoona micciyeete; asheenaꞌoo ebi naxeenaꞌo toommooch hakkoo biich beeti Yeerichi shigoon naaggiyeete; oogee yiirecho bi tunetoyich biin galleteya axaaxee gommoochee bi waan wotteyaaneenaꞌone.

1 Saameeli 19:4

Yonaataani bi nihoo Saaꞌoolich Daawiti mooyon gaawetona tiijjiꞌi, ishichiye: “Taatoocho, ne guuno Daawiti toommooch gondoon shuuneyaahine; bi, ne toommooch gondoon shuuneyaanoone. Ebiyee bi tuniiti mooyo bulli neech oogeti gaachooniye bi tuneto.