Halloo 42:13 - Kafa Linguistics Project

¹³ Boonoshiyoo wochiꞌi, “Ne guuno no, Kanaanee showooch beeti ikke uroochi bushiishoo, aaraa gutte manaamanoo noone; guuche ciiro no nihoo waaniye bi beeto; ikkoo aalletone” iyeete.

Halloo 42:13 ပူးပေါင်းရင်းမြစ်များ

Halloo 37:30

Bi maneenaꞌo waan wottee waaꞌi, “Bushoo oppooch aalloone. Aabichishiye ta gettemmo?” iye.

Halloo 42:11

No bulli ikke nihoo bushiishoo noone; ne guuno no, gibeneeti asho noani, qiiddecho toono noone” iyeete.

Halloo 42:12

Yooseefi wochiꞌi, “Toonoone; ittoshi waato, no showoo aabiichaa gimoyich kaamoo bi gaata qiidi beeggane” iye.

Halloo 42:14

Yooseefiyoo boonoshich ishichiye: “Qiiddecho ittoshine ta geto iberoone.

Halloo 42:32

Ikke nihoo bushiishoo tuneti, aaraa gutte manaamanoo noone. Ikkoo aalletone; guuche ciiro no nihoona tookkii Kanaanee showooch beetone’ iyone.

Halloo 42:36

Boonoshi nihoo Yaaqobi ishichiye: “Bushaallo taan echiyane ittoshi ii beeto? Yooseefi aalletone; Simooni aalletone; and wotta Biiniyaamin daammane ittoshi qaawiibeeto. Amee wonoone ta toommooch waabeeto” iye.

Halloo 42:38

Tunebaani Yaaqobi ishichiye: “Ta bushoon ittoshina tookkaa daachiyaache. Bi manoo gaata, qititone; bi indeechi bushiishoochee echeto bi ikkeeto baachiye. Gommoochaa ikke amo bi tunegaata, geenoochaa muushenoona maash taan daachiyane ittoshi ii beeto” iye.

Halloo 43:29

Yooseefiyoo bi indee shiyeto tuneti bi manoo Biiniyaamin ciinniꞌi, “Arooba ittoshi gettiti, ittoshi guuche manoo hinine?” ii echehe. Biiniyaaminoo “Ta bushoocho, Yeeri neen diiribe” iye.

Halloo 43:7

Boonoshiyoo ishichiyeete: “Are uro noonnaa no kechi asheenaꞌonochon manjii echehe. Wotta daakkiꞌi, ‘Ittoshi nihoo batt kashoona beete? Bare manoo ittoshich beete?’ ii noon echehe. Nowoo bi echeton wochiyone. Ishigaata, ‘Ittoshi manoon yeshiree wobote’ gettemmo bi tunoon no ariyesho, aabichireeshiye?” ii wochiyeete.

Halloo 44:20

Nowoo, no doono neech ishichiyone: ‘Eeha geene nihoo nooch beetone. Geenoochaa bi shiyiti guuche manoo nooch beetone. Bi qaabbe manoo qititone. Bi indeechi bushiishoochee echeto, bi ikkeetone. Bi nihoo oogichii biin shunniye’ iyone.

Halloo 44:28

Ikkoo aallehe; tawoo “Iberoon cooxo biin maatone” iyaa qajjoye. Hanaach beddaahaa biin beegaanoo taane.

Halloo 45:26

Shaggiꞌi ishichiyeete: “Yooseefi qitaanoone; kashoona beetone. And bi beeto, Gibitsee showoo bulliich iraashoo tuneꞌiniye” iyeete. Yaaqobi keqqoona qitiye; boonoshi gettiton iberiyoon mawiihe.

Erimiyaasi 31:15

Doono Yeeri ishichiye: “Eefonaa wodde bunnee qaaroona Raami katemoochee waayeehe; boonoshi aalletoyich, Raaheeli bi bushiishoyich eeppahane; goggemmonoo mawiihan” iye.

Shoosho 5:7

Axaaxoon shuunetinaꞌo no qaabbechinaꞌone; boonoshiyoo and aalleenaꞌone; tunebaani no boonoshi axaaxoon miꞌehone.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.