Halloo 41:8 - Kafa Linguistics Project

⁸ Bi dechara Farooni oogeton keqqii xuuxehe. Ebich Gibitsee showoo bulliich beeti kaayechinaꞌonaa yiiteenaꞌo bullinon ceekkiiꞌi, bi gummiti gumon boonoshich maacciye; tunebaani ebi gumon biisho hakkito koniyoona aallehe.

Halloo 41:8 ပူးပေါင်းရင်းမြစ်များ

Halloo 40:6

Bi dechara maaddoona Yooseefi boonoshi waan bi giyimmona, ayinii tuummiꞌi beetinaꞌon danehe.

Halloo 40:8

Boonoshiyoo “No qelli qellee gumon gummehone; tunebaani ebi gumon biishiree nooch gettemmi ashoon muccehone” iyeete. Yooseefiyoo “Gumon biichi ariyoon ashich immiibeeto Yeerine. Ebich ittoshi gummiti gumon taach getote” iye.

Halloo 41:15

Farooniyoo Yooseefich “Gumon ta gumaa, ebi gumon biishon hakkimmi ikke asholla aallehe. Tunebaani gumon neech maacigaata, biichi hakkoo neech beemon waayeto taane” iye.

Halloo 41:24

Yiingitte shabaatte yilleenaꞌo gaawe shabaatte yilleenaꞌon qooxxiyeete. Ebinoo kaayechinaꞌoyich gettoye; tunebaani koniyoona taach biishon hakkaanoone” iye.

Halloo 41:7

Ebi taxxiti shabaatte yilleenaꞌo ohe gaawe shabaatteenaꞌon qooxxiyeete. Farooni tokketoochee tiyiꞌi gumon bi gumon ariihe.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Keyo 7:11

Aroochee Farooni Gibitsee showeexi kaayechinaꞌon, eboshiyoo yiiteenaꞌonaa allaameenaꞌonon bi ceegaa, boonoshiyoo boonoshi kaayoona ebiyoommon tuniiheete.

Keyo 7:22

Gibitsee showeexi kaayechinaꞌo boonoshi kaayoona ebiyoommon tuniiheete. Ebich Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 8:7

Tunebaani kaayechinaꞌo wotta boonoshi kaayoona Gibitsee showee toommooch woqqeqqeenaꞌo kechemmoyich tuniiheete.

Keyo 9:11

Gibitsee kaayechinaꞌo Muusi aafooch neexoon hakkaaneenaꞌone; ebiyoo boonoshinaa Gibitsee asho bullinochi toommooch gaaboo kechitoyichiye.

Isiyaasi 29:14

Ebich hini asheenaꞌo daggooch worganikkiti gaakkechi mooyon wochinnoon tuniyemmo taane; ariyechinaꞌo ariyoo aallemmone; shalligechinaꞌochi shalligoo dooggemmone” iye.

Isiyaasi 8:19

Asheenaꞌo ittoshin “Daccdacciibeeti, wottoo shaashikkeebeeti qaaxechinaꞌonaa allaameenaꞌonon echebote” gettemminaꞌone. Asheenaꞌo boonoshi Nuggishoon echi bedaacheete? Kashechochon qitoon echo qaawiyehe?

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Daaneeli 4:18

“Ta, taatoo Nabukadinatsori, gummeti gumo ebine. Belxesoor, and illa ne, ebi gumon biishiree taach gete! Ta taatittinee showooch beeti yiiteenaꞌo bulli daggoochee koniyoona biichiꞌi geton hakkito aalloone; tunebaani yaafe nuggisheenaꞌochi ayaano ne toommooch bi beetoyich, ne hakkemmo neene” iyoye.

Daaneeli 4:19

Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Daaneeli 4:5

Tunebaani ikke shattiiti gumon gummoye. Ta qeenooch tokketaa ta beetaa, ta mullo gabiti gaboonaa yaaꞌoona taan keqqichiye.

Daaneeli 4:6

Ebich Baabloon beeti yiiteenaꞌo bulli ta waan waaree, ebi gumon biishiree boonoshi gettemmoyich, gettoye.

Daaneeli 4:7

Aroochee kaayechinaꞌo, allaameenaꞌo, xojjenee hiddechinaꞌonaa mareccee maaccechinaꞌona waataa, boonoshich ta gumon maaccehoye. Tunebaani ebi gumon biichiꞌi geton mawiiheete.

Daaneeli 5:11

Ne taatee showee daggooch yaafe nuggisheenaꞌochi ayaano bi toommooch beeti ikke uro beetone. Ebi uro, ne nihoo taatittinee yemeenooba, yaaꞌecho, ariyechonaa nuggisheenaꞌochi shalligoommi shalligechona tuneꞌi daneti uroone. Ebich ne nihoo, taatoo Nabukadinatsori biin kaayechinaꞌo toommooch, yiiteenaꞌo toommooch, allaameenaꞌonaa xojjenee hiddechinaꞌonochi toommooch ukkiriihe.

Daaneeli 7:28

Gumona ta beeggeti mooyo bulli ebine. Ta, Daaneeli, oogeton keqqiyo; ta halloo shaddeehe. Tunebaani ebi mooyon ta mullooch yechaa beehoye.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Leweenaꞌo 19:31

“ ‘Qititi ashoona tookkii yibbaatee beetinaꞌonaa allaameenaꞌona waan echii waayeya hammaahote. Ebin ittoshi tuniigaata, eeꞌemmo ittoshine. Ta, ittoshi Nuggishoo Doono Yeeri taane.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Maatiyoosi 2:1

Heroodisi Yihudee showooch taateꞌi bi beetaa, are showooch beeti Beetilehemi katemooch Yesuusi shiijjehe. Arooba xojjenee hiddechinaꞌo aabi-keyoochee Yerusaalem waaꞌi,

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 7:22

Ebich Gibitseenaꞌo Muusich boonoshi ariyoo bullin dojjiyeete; aroo bi yibbaatoonaa bi shuunoo bullina giidechi asho tunehe.

1 Qorontoosi 1:19

Yaafe Macaafoochaa “Shalligechinaꞌochi shalligoon aalliyemmo taane; ariyechinaꞌochi ariyoon bajjemmo taane” getaa kooreetone.

1 Saameeli 6:2

Filsixeemeenaꞌo qeesheenaꞌonaa kaayechinaꞌonon ceeggiꞌi, “Doono Yeerichi taabootoon aabichibona? Aabichiree bi showooch no wochemmo gaata nooch arichiibote” iyeete.