Halloo 41:42 - Kafa Linguistics Project

⁴² Farooniyoo bi kisheexi axxaammittee maatemoon kichii, Yooseefichi kishooch geddiye; muttee tuppoochee shippeti tahoon tajjiye; bi qettooch aachee sansalatoon tippiye.

Halloo 41:42 ပူးပေါင်းရင်းမြစ်များ

Halloo 38:18

Biyoo “Amee yechiyoon neech imbote?” iye. Ureyoo “Ne qettooch beeti qalibetee maatemoon bi tifoona tookki, wotta hini ne kishooch beeti gumboon taach imbe” iyan. Yihudiyoo ure echeton immiye. Ebina ureena tookkii qeyiye. Biyoo xifahan.

Halloo 41:43

Bi hajjee guttinnee gaariich kotiihe. Taatoo quyee naayinaꞌo bi aaf shiichiꞌi hammiibee, “Goyinnebote; goyinnebote!” ii cookii beeheete. Yooseefiyoo Gibitsee showoo bulliich bi iraasheto ebiyoommi gommonane.

Asteeri 10:3

Ayihudo Mordokiyoosi oogoona taatoo Yekisesichi guttinnoone. Biyoo bi yareenaꞌo diggoona keqqaalloon boonoshi beeyemmoyich woddoon qiicceti asho bi tunetoyich, bi maneenaꞌo tuneti Ayihudeenaꞌo bulli oogiibeeti ashoonaa shunniibeeti ashoonane.

Asteeri 3:10

Ebich taatoo bi kisheexi axxaammittee maatemoon kichii Ayihudeenaꞌochi etto, Agaagi yaroochee tuneti, Hamedaati bushoo Hamaanich immiye.

Asteeri 3:12

Ebina ikkinnee agenee aaraa keejjinnee qemooba Hamaani taatoochi koorechinaꞌon ceeggiye. Ceeggiꞌi awaajjo baribare noonoo bullina, woraafeenaꞌo bulliich beeti asheenaꞌo kooriibeeti, baribare biroonoo bi gettitoommon tune kooreeree iraasheenaꞌoyich, woraaferasheenaꞌonaa geppee taateenaꞌo bullinoyich bi hammemmoyich gettiye. Ebi awaajjo taatoo Yekisesichi shigoona kooreeꞌi bi kishee axxaamittoona dukkeehe.

Asteeri 8:10

Mordokiyoosiyoo koorichoon taatoo Yekisesi shigoona kooriiꞌi, taatoo kisheexi axxaamittoona dukkehe. Taatee kexooch shiijjeti, gaawichii wocciibeeti haresheenaꞌon yookkiibeeti wocheyechinaꞌo kishoona ebi kooricheenaꞌon daachiihe.

Asteeri 8:15

Mordokiyoosi shimaayitoonaa naccoonon tuneti taatee kechi tahoon taheꞌi, muttee tuppoochee shippeti damere iddimoon bi toommooch geddiꞌi, bi shimboochoo oogeti aachee gubbichoon ukeꞌi, taatoo aafoochee kechiye. Suusi katemeexi asheenaꞌo emiroona ililiyeete.

Asteeri 8:2

Taatoo, Hamaan waanee wochii bi deqqiti, axxaamittee maatemoon bi kishoochee kichii Mordokiyoosich immiye. Asteeriyoo Mordokiyoosin Hamaanicho tuneti mooyo bulli toommooch ukkiriihan.

Asteeri 8:8

Taatoochi shigoona kooreeꞌi bi kisheexi axxaamittoona dukkeeti koorichoo shaddeyaano bi tunetoyich, ittoshi wotta Ayihudeenaꞌoyich gaaweton tuneꞌi ittoshich bekketi bare awaajjoon kooriree, taatoo kisheexi axxaamittoona dukkebote” iye.

Shoddo 73:6

Ebich geecoon qetteexi shashoochoommon tifetinaꞌone; xuꞌoonoo tahoochoommon tahetinaꞌone.

Shaahiyoo 1:9

Ebiyoo ne qellooch oogoon immiibeeti gubbichoommon, ne qettoon malletiibeeti aachee zaaboommonoo tunemmone.

Shaahiyoo 31:22

Bi qeenooch yaggeyemmi tahoon shuunahan; muttee tuppoochee ciciitaa yokkeeti, damere tahoon tahahan.

Shaahiyoo 31:24

Muttee tuppoochee tahoon shippaꞌa kemmahan; giixechinaꞌoyichoo buroon giddiihan.

Solomooni 1:10

Ne gaakkoo shashoona macecikkeetone; aaxxe qalibeto ne qettooch tippetone.

Solomooni 4:9

Ta manee ta woꞌeene, ikke wottoon taan ciinona, ta mulloon boggaa deqqeti neene. Ne qetteexi shashoochee ikkoona, ta mulloon boggaa deqqeti neene.

Isiyaasi 3:23

heeraawoon, muttee tuppoochee shippeti tahoon, qelli caacoon, aafee qeroonoo tiijji daammemmone.

Erimiyaasi 52:33

Yoyakiini cuyee kechi tahoon shaddiye. Aroochee Yoyakiini bi kashee yemeeno bulliich taatoochi madoochee maa beehe.

Hiziqeeli 27:7

Ne markabeechi sharo, baanderoochoommon wohoochaa bi bekkemmoyich, shashiitaa bi toommooch shippeti Gibitsee waati muttee tuppoochee shippeti qoreddoochee shuuneetone; ne maccillaateenaꞌo Elishee buure showeexi dameroonaa shimaayitoona tuneti qoreddoochee shuuneetinaꞌone.

Daaneeli 5:16

Tunebaani ne, biichiꞌi getonaa aacheeti mooyon gaxxiꞌi bekkiyoonon hakkaabeeto ne tunoon waayeto taane. Ebi kooreeton shemmaꞌa biichaa taach ne getigaata, damere iddimoon neech tajjiyemmo taane; aachee zaaboon ne qettooch tippiyemmo taane; ta taatittinee daggoochoo oogoona keejjinnoon tune iraashemmo neene” iye.

Daaneeli 5:29

Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Daaneeli 5:7

Bi qaaroon oogichiꞌi, kaayechinaꞌon, allaameenaꞌonaa xojjenee hiddechinaꞌonon ceegiree bi waan boonoshi deebemmoyich gettiye. Ebi shalligechi Baabloonee asheenaꞌo waammona, taatoo boonoshich ishichiye: “Ebi kooreeton shemmeꞌi, taach biichii gettimmoyich, damere iddimoon tajjiyemmo taane; aachee zaaboon bi qettooch tippiyemmo taane; ta taatittinee daggoochoo oogoona keejjinnoon tune iraashe hajjemmone” iye.

Luqaasi 15:22

“Tunebaani nihoo bi aafee bushiisheenaꞌon ishichiye: ‘Kaateree bulliyee beshe gaaweti tahoon deebi biich tajjibote; bi kishoochoo axxaamittoon, bi baatoochoo caammoon deebiree gedote.

1 Saameeli 18:4

Yonaataaniyoo bi taheti iddimoon kichiꞌi Daawitich immiye. Wotta bi tahoon, bi goraadoon, bi maꞌoonaa bi cuyeebeeti shachoonon immiye.