Halloo 41:40 - Kafa Linguistics Project

⁴⁰ Ta taatittinee showooch iraashebe. Ta asho bulli neech hajjeebe. Neyee ta beshemmo, ta taatee qeenona baachiye” iye.

Halloo 41:40 ပူးပေါင်းရင်းမြစ်များ

Halloo 39:9

Hini kechi daggooch taach beeti ukkirittino biichoommone; taach bi imaani mooyo, bi mechee ne tunetoyich, neen baachiye. Ishigaata, ebi shaahe gonde mooyon tuniyoona aabichiree Yeeri aafooch axaaxoon shuunebote?” iye.

Halloo 44:18

Yihudi Yooseef waan giddeꞌi ishichiye: “Ta doonocho, doogena ta ne guuno ikke qaareen baach getona. Ne Farooniyoommo neene; doogena ne guuno taan kaareyaahine.

Halloo 45:26

Shaggiꞌi ishichiyeete: “Yooseefi qitaanoone; kashoona beetone. And bi beeto, Gibitsee showoo bulliich iraashoo tuneꞌiniye” iyeete. Yaaqobi keqqoona qitiye; boonoshi gettiton iberiyoon mawiihe.

Asteeri 10:3

Ayihudo Mordokiyoosi oogoona taatoo Yekisesichi guttinnoone. Biyoo bi yareenaꞌo diggoona keqqaalloon boonoshi beeyemmoyich woddoon qiicceti asho bi tunetoyich, bi maneenaꞌo tuneti Ayihudeenaꞌo bulli oogiibeeti ashoonaa shunniibeeti ashoonane.

Asteeri 3:1

Ebi mooyo tunetoyee gubb, taatoo Yekisesi Agaagi yaroochee tuneti Hamedaati bushoo Hamaanin oogiihe; bare iraasheenaꞌo bulliyee beshoon tuniiꞌi iraashiihe.

Iyoobi 31:27

ta mullo taan geechaa, aashoona goyinneyaano taane; boonoshin oogiyoyichoo ta kishoon shumaano taane.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shaahiyoo 22:29

Bi shuunoona qoppechi ashoon beeggetine? Aroo taateenaꞌo aafooch neexemmone; shigaalli asheenaꞌo aafooch neexeyaachemmone.

Daaneeli 5:29

Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Daaneeli 6:3

Daaneeli bariti ayaanoona ceenniti asho bi tunetoyich, biinna tookkii iraasheti iraasheenaꞌonaa bare iraasheenaꞌo bullinoyee besho tuneꞌi bekkehe; taatoo bi taatee showoo bulli toommooch biin iraashiiya gabiye.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]