Halloo 41:30 - Kafa Linguistics Project

³⁰ Wotta ebiyee gubb, shabaatte nati shaacoo woyemmone. Ebi shaacoo ebiyee aafi shabaatte miyi naton battiito tunemmone. Shaacoo showoo bullin yexxemmone.

Halloo 41:30 ပူးပေါင်းရင်းမြစ်များ

Halloo 41:21

Boonoshi maatoyee gubb, aafi boonoshi dalloochee baraaneenaꞌo boonoshi tunetoyich, koniyoona boonoshi mamon ariyoon hakkaache. Ebina tokketoochee tiyoye.

Halloo 41:27

Boonoshi hillooch kechiti, boonoshi qeddo shixxiiti, dallii muujjiti, shabaatte miiminaꞌo geto, shabaatte nato getone. Wotta taxxiti, barahoochee yongeebeeti gaame yongo shuuꞌiito shaahiibeeti shabaatte yilleenaꞌo geto, shaacoo tunemmi shabaatte nato getone.

Halloo 41:31

Miyi natinaꞌo hillooch woyemmi shaacee natinaꞌo oogeti kuppheenaꞌo boonoshi tunoochee tiyitona, shiichiꞌi besheti miyi natinaꞌon ciroona battiyemminaꞌone.

Halloo 41:51

Yooseefiyoo “Yeeri ta iritoo bullin, ta nihoo kexonoo ta battemmoyich tuniitone” iꞌi bi gutenee bushoon, Minaasi ii shigiihe.

Halloo 41:54

Shiichiꞌi Yooseefi gettitoommon, shabaatte shaacee nato giyiye. Bare showoo bulliichoo shaacoo giyitone; tunebaani Gibits maayo beetone.

Halloo 41:56

Shaacoo Gibitsee showoo bullin yexxii yexxii bi hamaa, shaacoo ashoon oogeton bi yexxitoyich, Yooseefi goteenaꞌo bullin qechiiꞌi, maayo Gibitsee asheenaꞌoyich bi kecheyemmoyich tuniihe.

Halloo 47:13

Showoo bulliich maayo aalletoyich, shaacoo kupphee hammiye. Ebich Gibitsee asheenaꞌonaa Kanaanee asheenaꞌona shaaceheete.

2 Saameeli 24:13

Gaadi Daawit waan hammiꞌi, Doono Yeeri gettiton biich gettiichii, biin ishichiꞌi echehe: “Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa boonoshi aafoochee woci beeyenne? Woyee keejje qemi wottoon qeqqichiibeeti biiyo ne showoon yexa? Ebi mooyon gaawichi gabiree taach ne getee, taan wocheto waan daambona” iye.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

2 Taateenaꞌo 8:1

Bi bushoon qitoochee bi wodiiti ureyich Elisayi, “Doono Yeeri showee toommooch shabaatte nati shaacoon deeba bi maaccitoyich, tiyiree ne kechi asheenaꞌona tookki bare xaaꞌoo aabiichona hamiree kotebe” iye.

Shoddo 105:16

Showee toommooch shaacoon deebiye; boonoshi maayo bullin aalliihe.

Shaahiyoo 31:7

Uyiree boonoshi giroon battebeete; boonoshi qaaqqoon shalligaayeete.

Isiyaasi 65:16

Ebich showoochaa diiroon qollaabeeto, ibere Nuggishoochi shigoona ebin tuniyemmone; showoochaa wogeebeeto ibere Nuggishoona wogemmone; ebiyoo wonnee xuuxo batteetonaa ta aafoochee ikitona bi tunetoyichiye” iye.

Luqaasi 4:25

Tunebaani iberoon ittoshich gettoye: Eliyaasichi yemeenooba keejje natonaa shiritte agenoonon Yeeri shimaayoon hicaa, amiyo dihoo qajjitoyich, showoo bulliich kupphe shaacoo giyiyooba, Israꞌeelee showooch meeti xuume maacheenaꞌo beeheete.

Yaaqobi 5:17

Eliyaasi noonoommi ashoone; amiyo dihaachemmoyich kupphiiꞌi corootiye; ebich Israꞌeelee showooch keejje nattaa shiritte agenoon amiyo dihaanoone.