Halloo 41:14 - Kafa Linguistics Project

¹⁴ Farooniyoo Yooseefin boonoshi deebemmoyich gettiye. Cuyee kexoochee afaafinikkiꞌi deebiyeete. Yooseefi bi qelloon cakkee, bi tahoon shaddiꞌi, Farooni aafooch giddehe.

Halloo 41:14 ပူးပေါင်းရင်းမြစ်များ

2 Saameeli 19:24

Aroochee Saaꞌooli bushoochi bushoo Mefibosheti taatoona daneya dugilla waahe. Biyoo taatoo Yerusaalemee kechii bi aasheti aaboochee tiijjiꞌi diggoona bi wottemmi wottoon, bi baatoon macheyaanoone; bi ishaanoonoo cagaanoone; bi tahoonoo mayaanoone.

2 Taateenaꞌo 25:29

Cuyee kexoochaa Yoyakiini taheebeeti tahoonoo shaddiye. Aroochee Yoyakiini bi qitimmi wottoon taatoochi madoochee maa beehe.

Asteeri 5:1

Keejjinnee qemooba Asteeri taatee kechi tahoon tahaꞌa hammaa, taatoochi qeechi kechi ciinooch beeti, taatee kexooch giyaꞌa neexahan. Taatoo are kechi kellee ciinooch, bi qeenooch koteꞌi beehe.

Keyo 10:16

Aroochee Farooni Muusinaa Harooninon afaafinoona ceekkiiꞌi ishichiye: “Ittoshi Nuggishoo Doono Yeeri toommooch axaaxoon shuuneto taane; ittoshinoo xuqqeto taane.

Dojjecho 4:14

Ebi gurimaashoo taatoo tunoyich cuyee kexoochee waato bi tunetaanoona, woyee girechon tuneꞌi ebi bi taateti showoochaa shiijjeto bi tunetaanoona, bi gaawiye.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Daaneeli 2:25

Ariyooki afaafinoona Daaneelin taatoo waan daammiꞌi, “Ne gumon biichii geton hakkemmi uroon, Yihudee waati keceenaꞌo daggoochee daneto taane” iye.