Halloo 40:19 - Kafa Linguistics Project

¹⁹ Keejje qemi daggooch Farooni cuyee kexoochee neen kichemmone; ne qettoonoo kuxiree ne dubenoon mixooch yooddemmone; gaceenaꞌoo ne meenon maayemminaꞌone” iye.

Halloo 40:19 ပူးပေါင်းရင်းမြစ်များ

Halloo 40:13

Keejje qemi daggooch Farooni cuyee kexoochee neen kichemmone; aafi ne ukkirittinee xaaꞌooch neen wochemmone. Ebiyee aaf xoofechinaꞌochi ukkiroo tunaꞌa beebee ne tuniyaa beetoommon, Faroonichi uyee xoofoon bi kishooch immemmo neene.

Halloo 40:17

Toommeexi gemooch Faroonich kachiti baribare kosho beetone. Gaceenaꞌo ta shimbeexi gemooch beeti koshoochee maa beeheete” iye.

Halloo 40:18

Yooseefi ishichiye: “Hini gumo ebine: Keejje gemoo geto, keejje qemo getone.

Halloo 40:20

Keejjinnee qemooba Farooni bi shiijjee aabee baarooba, gifiroo geddiꞌi, bi iraashoo bullin ceekkiihe. Uyee qoomechinaꞌochi ukkiroonaa koshon kachii beetinaꞌochi ukkiroonon cuyee kexoochee kichiiꞌi, iraasheenaꞌo aafooch boonoshi neexemmon tuniihe.

Halloo 40:22

Tunebaani kochi kachiyechinaꞌochi ukkiroon yooddiye. Boonoshi gumo Yooseefi biichitoommon tunehe.

Halloo 41:13

Mooyo bi biichitoommon tunehe. Tawoo aafi ta ukkirittinooch wottehoye; kochi kachiyechinaꞌochi ukkiroo yoodaa qitiye” iye.

2 Saameeli 21:10

Aroochee Ayaahi bushee Ritsifi dubeno beetooch hammaꞌa, xaqqee guudi toommooch dookoona bashoon biich bashiyan. Biyoo maayi qecci gooroochee tiijjaꞌa, amiyo shimaayoochee dubenee toommooch dihimmi wottoon, arooch kotaꞌa, areddoon shimaajji gacoochee, wotta xumoon kubbi cooxoochee dubenoon quyaa beehan.

2 Saameeli 21:6

are uroochi shiijjeroochee shabaatte anaami bushiisheenaꞌo nooch beshiitaa ichebeete. Nowoo boonoshin Doono Yeeri aafooch, Doono Yeeri kaacciti taatoo Saaꞌooli beeyi katemoo tuneti Gibaahaa yoodone” iyeete. Taatoo “Tunebe; boonoshin ittoshich beshiiree immemmo taane” iye.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Hiziqeeli 39:4

Neennaa ne ginee naayinaꞌo bullina, neenna tookkii beeti asheenaꞌoo Israꞌeelee guudinaꞌooch dihemmo ittoshine; shimaajji gacoonaa kubbi cooxonoyich maayoon tuniiree ne meenon immemmo taane.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Yaasi 10:26

Aroochee Yaasi ebi uuche taateenaꞌon wuxiꞌi, uuche mixooch yooddiye. Xumemmi wottoon, boonoshi dubeno aroochee kindaanoone.

Yaasi 8:29

Aayi taatoon mixooch yooddiye. Showoo xumemmi wottoon, are mixooch heechiihe. Aabe giyemmona, ebi dubenoon boonoshi kindiyemmoyich Yaasi getaa, kindiiꞌi katemee kellooch duppiyeete. Ooge xaqqee gutoon bi toommooch gutiyeete. Ebi are xaqqee gutoo hanaach beddaahaa arooch beetone.

1 Saameeli 17:44

Biyoo daakkiꞌi, “Eke ta waan wobe; ne meenon shimaajji gacoonaa kubbi cooxonoyich tuniyemmo taane” iye.

1 Saameeli 17:46

Hanaach Doono Yeeri neen ta kishooch beshiiree immemmone. Tawoo neen yexi dichiree, ne qettoon kuxxemmo taane. Filsixeemee ginee naayinaꞌo dubenoonoo shimaajji gacoonaa kubbi cooxonoyich hanaach immemmo taane. Showee toommooch beeti asho bulli Israꞌeeleenaꞌo waan Nuggishoo beemon ariyemmone;