Halloo 4:8 - Kafa Linguistics Project

⁸ Aroyee gubb, ikke areddoon Qayeeli bi manoo Abeelin “Ne waataa gadd hambone” iye. Hammiꞌi arooch boonoshi beetaa, Qayeeli bi manoo Abeeli toommooch tiyiꞌi wuxiye.

Halloo 4:8 ပူးပေါင်းရင်းမြစ်များ

Halloo 4:25

Addaami wotta bi mecheena danehe; anaami bushoonoo shiyahan. “Qayeeli wuxiti Abeeli keroon Yeeri bare bushoon taach kerite” iyaꞌa, bi shigoon, Seeti iyan.

2 Saameeli 14:6

Ta ne gonneyich gutte anaami bushiisheenaꞌo beeheete. Boonoshiyoo ikke areddoon gaddoochaa yexeheete. Boonoshin shoobbemmo koniyoona arooch aallo bi tunetoyich, ikkoo baroon xoobbii wuxiye.

2 Saameeli 3:27

Abeneeri Kebiroon waammona, Yoꞌaabi ikke badd wochiree biin yibbaatiiya ii beeton shaahiꞌi, uxeree kello waan daammiye. Aroochaa bi manoo Asaheelin bi wuxitoyich, nichoon kichoyicha iꞌi, bi maacooch kochiꞌi wuxiye.

2 Kiinoo 21:4

Yehoraami bi nihoo taatee qeenooch koteꞌi bi taatittinoon bi manjiitoyee gubb, bi maneenaꞌo bullinaa ikkikke Yihudee iraasheenaꞌonon goraadoona wuxiye.

Nehimi 6:2

“Ooni gaddooch beeti gafeenaꞌoochee ikkooch ne waataa, danebone” iꞌi Sanbalaxinaa Gesheemina wochoon taach deejjiyeete. Ebiyoo ta toommooch gondoon shuunoyich boonoshi gabitoyichiye.

Iyoobi 11:15

ebiyooba yeelleyaanoon kaama qaallemmo neene; shataanoon manjiree neexemmo neene.

Shoddo 139:19

Yeero, abo gondeenaꞌon wuxishoo geta! Ashi kashee kichechinaꞌo ta waanee wohishoo geteeta!

Shoddo 36:3

Bi yibbaatoo maroonaa dawushoonane; shalligoona shuunoonaa deꞌe mooyon tuniyoonon qajjiye.

Shoddo 55:21

Bi yibbaatoo qefoyee beshe aniꞌoone; tunebaani bi gabiibeeto koyooniye; bi qaareenaꞌo zayitoyee beshe nireenaꞌone; tunebaani kaacheti goraadoomminaꞌone.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Mikiyaasi 7:6

Ebi arooba anaami bushiisheenaꞌo boonoshi niheenaꞌon qallayemminaꞌone; maache bushiisheenaꞌo boonoshi indeenaꞌo toommooch, naamecheenaꞌoo boonoshi amaateenaꞌo toommooch tiyemminaꞌone. Ashich etto tunemminaꞌo bi hajjee kechi asheenaꞌone.

Haddoo 35:20

Ikke asho baroon shixxiꞌi, xuqqii dichiꞌi bi wuxigaata woyee ikke mooyon bi toommooch duppiꞌi bi wuxigaata,

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Luqaasi 22:48

Tunebaani Yesuusi “Yihudo, shumona Ashi Bushoon beshii immenne?” iye.

Hibireena'o 11:4

Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Hibireena'o 12:24

andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.