Halloo 4:7 - Kafa Linguistics Project

⁷ Gaaweton ne shuuneto gaata, ne aafo biresho toone? Tunebaani gaaweton tuniyoo ne qayigaata, axaaxoo ne kellooch ottitone; bi qaatoo neen hajjemmone; tunebaani ne bi toommooch taatebe” iye.

Halloo 4:7 ပူးပေါင်းရင်းမြစ်များ

Halloo 19:21

Maraakoo Looxich “Gaawiye. Ne qolleton tuniyemmo taane; ne getteti katemeen aalliyaachemmo taane.

Halloo 3:16

Ureyichoo ishichiye: “Ne xifehooba xuuxoon, bushoon ne shiyiyooboo maaxoon, oogichi neech woddiyemmo taane; tunetaa ne qaatoo ne keno waan tunemmone; biyoo neyee damboo tunemmone” iye.

2 Saameeli 24:23

Orinaani ebi bullin taatoyich immiichii, “Ne Nuggishoo Doono Yeeri ne deejjoon deꞌe” iye.

2 Taateenaꞌo 8:28

Akaziyaasi Akaabi bushoo Yoraamina tookkii Sooriyee taatoo Hazaheelin kocha Gilaadee showooch beeti Ramoot hammiye. Sooriyeenaꞌo aroochaa Yoraamin kochii mayiiheete.

Iyoobi 11:14

xuꞌoon ne kishoochee ne wokkiigaata, axaaxoo ne kexooch bi beetaachemmoyich ne tuniigaata,

Iyoobi 11:15

ebiyooba yeelleyaanoon kaama qaallemmo neene; shataanoon manjiree neexemmo neene.

Iyoobi 29:4

Arooba, giidoo taach beetone; Yeeri ta shunechon tuneꞌi ta kexon quyee beetone.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Shaahiyoo 18:5

Gonde ashi waan gaꞌo, cadiqoochi nalloonoo xummiyo, tato toonoone.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Erimiyaasi 3:12

Dambi-waan hamiree ebi qaaroon ishichi awaajjibe: ‘Gibeneyaani Israꞌeele, ta waan wottebe’ iye Doono Yeeri. ‘Ariqqecho ta tunetoyich kaaroona neen ciinaachemmo taane; bulli aabooch kaareyaachemmo taane’ iye Doono Yeeri.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Milikiyaasi 1:13

‘Ebi shewiiti mooyone’ iibee hoxehote. Bogaa waaton, baata sheqqe gijjoonaa biiyechi gijjoonon deejjoo tuniiꞌi giddiihote. Iberoochaa ebin ittoshi kishoochee deqqehote?” iye Beshe Mawe Doono Yeeri.

Milikiyaasi 1:8

Wolle gijjoon deejjoo ittoshi giddiyoo ebi tatoone? Baata sheqqe gijjoonaa biiyechi gijjoonon deejjoo ittoshi giddiyoo ebi tatoone? Ebin ittoshi ukkiroyich ittoshi giddiitaa, iberoochaa emiroona deꞌiree ittoshin galletehe?” iye Beshe Mawe Doono Yeeri.

Haddoo 32:23

“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote.

Mishiraachechinaꞌo 10:35

aagetoo bulliichee koniyoona bi tunetaa, biich hajjee beetonaa tatoon shuuneebeeto bullinon hoxeyaachemmone.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 14:18

Ebiyoommon tuniyoona Kiristoosich hajjeebeeti asho Yeerin emirikkii beetone; ashoonoo naadee beetone.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 6:12

Illa meechi qaatoo ittoshin bi hajjaachemmoyich, qitemmi ittoshi meechi toommooch axaaxoo taataaye.

Roomi 6:16

Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

1 Ximootiyoosi 5:4

Xuumee tuneti ureyich bushoo woyee bushaa bushiishoo beegaata, are bushiisheenaꞌo Yeerin boonoshi oogiyoon shiichiꞌi boonoshi kechi asheenaꞌoyich bekkiyoonaa boonoshi indeenaa nihoonoyich keree gaaconon doyibeete. Ebi Yeeri aafoochaa shucheti mooyone.

Hibireena'o 11:4

Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Yaaqobi 1:15

Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.