Halloo 4:4 - Kafa Linguistics Project

⁴ Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.

Halloo 4:4 ပူးပေါင်းရင်းမြစ်များ

Halloo 15:17

Aabe giyaa xumemmona, gocheexi qaaqqee cufoonaa qaaqqee conjoona ebi kapphetaa koteti meechi gutte daggoona beshehe.

Halloo 4:3

Ikke areddoon Qayeeli bi gochiti maayoochee Doono Yeerich buuroon giddiihe.

1 Taateenaꞌo 18:24

Boonoshiyoo boonoshi nuggishoochi shigoon ceegeete. Tawoo Doono Yeerichi shigoon ceeggemmo taane. Waayeꞌi qaaqqoon deejjimmi nuggishoo, aroo Nuggishoone” iye. Asheenaꞌo bulliyoo wochiꞌi, “Ebi gaawe yibbaatoone” iyeete.

1 Taateenaꞌo 18:38

Bekkech Doono Yeerichi qaaqqoo kindiye; deejjoon, mixon, xaqqeenaꞌonaa showoonon maahe; oppee daggeexi aaconoo napphee shuuꞌiihe.

1 Kiinoo 21:26

Daawiti arooch, Doono Yeerich deejjee gudoon shuuneꞌi, micciibeeti deejjoonaa ikkittinee deejjoonon giddiihe. Doono Yeerinoo qollehe; Doono Yeeriyoo deejjee gudee toommooch beeti deejjoon maayemmi qaaqqoon shimaayoochee deejjoona bi qolloon waayehe.

2 Kiinoo 7:1

Solomooni corootoon bi ciichimmona, qaaqqoo shimaayoochee kindiꞌi micciibeeti deejjoonaa bare deejjoonon maahe. Doono Yeerichi oogee yiiroo yaafee kexooch ceenniye.

Shoddo 20:3

Ne buuro bullinoo shalligibe; ne deejjoonoo gaawe aafoona ciine.

Keyo 13:12

maacwaqqo tuneti anaamo bullin Doono Yeerich immemmo neene; ebiyoommon ne gijjeenaꞌo daggoochee shiichii shiijjeti anaamo bulli Doono Yeerichon tunemmone.

Shaahiyoo 3:9

Ne hajjitona, ne maayoocheenoo qaabbii shaggitona Doono Yeerin oogiibe.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Haddoo 16:15

Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Haddoo 18:12

“Doono Yeeri taach boonoshi giddiibeeti maayi cilloochee gaawe zayito bullin, gaawe woyinoonaa maayo bullinon neech immeto taane.

Haddoo 18:17

“Tunebaani miimoochee woyee bagoochee woyee emmishoochee shiichii shiijjeti qaabboo biisheyemmon tuniyaachemmo neene. Eboshi yaafeenaꞌone. Eboshichi damoon deejjee gudee toommooch wucemmo neene. Boonoshi awuyo Doono Yeerich gaawe cinnoon bi cinnemmoyich, qaaqqoona micciibeeti deejjoon tunii michemmo neene.

Hibireena'o 11:4

Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Hibireena'o 9:22

Sheerooch kooreetoommon, giisheche mooyoyee beshetaa bulli mooyo damoona xallehe. Damoo ufeyaanoon ashi axaaxoo maareyaache.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Woraaferasheenaꞌo 6:21

Doono Yeerichi maraakoo bi kisheexi gumbee cilloona meenonaa koshonon tupphehe. Qaaqqoo are xaqqoochee kechiꞌi, meenonaa koshonon michiye. Aroochee Yeerichi maraakoo bi aafoochee shiwirimiye.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.