Halloo 4:14 - Kafa Linguistics Project

¹⁴ Ebiyoche, hanaach ta showoochee taan yookketine; ne aafoocheenoo wokkete; showee toommo bulliich ta kexon waaxi gooyi, yallyallimi beeyemmo taane. Illa taan danemmi asho koniyoona taan wuxemmone” iye.

Halloo 4:14 ပူးပေါင်းရင်းမြစ်များ

Halloo 3:24

Ashoonoo kichii yookkiye; kashee mixo waan daammiibeeti gommon quyemmi kiruubeenaꞌonaa qaaqqee booddoon taheti, haabuubo guuddiibeeti goraadoonon, Eden beeti mixinaꞌoochaa aabi-keyo waan kotiihe.

Halloo 4:13

Qayeeli Doono Yeerich ishichiye: “Ta toommooch ne nalliti nalloo shaagon ta hakkaani, oogeti maggoone.

2 Saameeli 14:7

Ebina no xibeenaꞌo bulli ne gonnee ta toommooch tiyiꞌi, ‘Bi nihoo hajjito bullin woraashemmo bi tunetaanoona, bi manoon wuxiti ne bushoon nooch ne deebaa, bi manoon bi wuxitoyich biin wuxibone’ iyeete. Ebin boonoshi tuniigaata, bushaalle tunemmi taane. Boonoshiyoo ta gibeno tuneti, echeti ta bushoon wuxiree, ta kenoochi yoodoon kuxona bi shigoon showee toommoochee aalliyemminaꞌone” iyan.

Shoddo 109:10

Bi bushiisheenaꞌo qollooch yallyallimibeete; happeeti boonoshi kexoochee yookkebeete.

Shoddo 109:12

Biich ariqqemmon danaaye; nihaalli bi bushiisheenaꞌon maaxemmo danaaye.

Shoddo 143:7

Doono Yeero, ta qolloon kaateree waayebe; ta qiimitto miccitone; ne aafoon ta waanee badd wochiyaahine; ne wochigaata, maash hammii beetinaꞌon shaahemmo taane.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Shaahiyoo 28:1

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.

Isiyaasi 8:22

Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Erimiyaasi 52:3

Doono Yeerichi kaaro cufii cufii hammiye. Ebich Yerusaaleminaa Yihudee showoonooch beeti asheenaꞌon bi aafoochee yookkiye. Aroochee Sedeqiyaasi Baabloonee taatoo toommooch hukkoon tiijjiye.

Hosee'i 13:3

Ebich boonoshi, maaddee quboomminaꞌo, harimmona bekkech shokkeebeeti keetoomminaꞌo, maayi buchi xaaꞌoochee yongo tiijjii daammiibeeti maaxxoomminaꞌo, wottoo mallee kelloona kechiibeeti cufoomminaꞌo tunemminaꞌone.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Leweenaꞌo 26:36

“ ‘Ittoshi daggoochee kashoona echetinaꞌo boonoshi etteenaꞌo showooch boonoshi beetaa, boonoshin keqqichemmo taane. Yongo shuurikkiibeeti michi waamona boonoshin betiyemmone; ginoochee muricciꞌi woccii beetochoommon, woci aallemminaꞌone; boonoshin yookkito aalloon dihemminaꞌone.

Haddoo 35:19

Nichoon kichecho bi qelloona wuxibe. Ebi uroon bi danehooba wuxibe.

Haddoo 35:21

woyee shixxiꞌi kishoona yexxii bi wuxigaata, ebi uro qitibe. Nichoon kichecho ebi ashoon wuxiti uroon wuxibe. Biin bi danehooba wuxibe.

Haddoo 35:27

nichoon kichechi asho biin daneꞌi bi wuxigaata, damee hiishooch giyaachemmone.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 28:65

Ebi aageteenaꞌo daggoochaa diggoon muccemmo neene; ne baatoo tooqqemmi xaaꞌoon muccemmo neene. Ebi aroochaa Doono Yeeri neen betiyemmone; gibenoon ne kuxxemmonaa goggoon ne mawiyemmonon tuniyemmone.

2 Tasaloonqi 1:9

Ebiyoommi asheenaꞌo Doono Yesuusi aafoochee, bi giidee oogee yiiroocheenoo bariree bulli yemeenee aalloona xuuxemminaꞌone.