Halloo 4:10 - Kafa Linguistics Project

¹⁰ Doono Yeeriyoo biich ishichiye: “Ebi ne halliti mooyo amoone? Ne manoo damee qaaro showoochaa ta waan cookii beetone.

Halloo 4:10 ပူးပေါင်းရင်းမြစ်များ

Halloo 18:20

Doono Yeeriyoo Abrahamich ishichiye: “Sodoominaa Gomoorinochi toommooch cookeebeeti cookoo woddetone; boonoshi axaaxoo oogeton maggoone.

Halloo 3:13

Nuggishoo Doono Yeeriyoo ureen “Ebi ne tuniiti mooyo, amoone?” iye. Ureyoo wochaꞌa, “Dingero taan dawusheenane ta maato” iyan.

Halloo 9:5

Iberoochaa ashi kashoon kichimmon echeyaanoon qayaachemmo taane. Gijjoo woyee cooxolla bi tunegaata, ashi kashoon bi kichigaata, biin echemmo taane. Ashi kashoon kichimmi asho koniyoona bi tunegaata, biin echemmo taane.

2 Taateenaꞌo 9:26

Ebiyoo ‘Iberoo yiich Nabootinaa bi bushiisheenaꞌochi damoon beeggeto taane. Ebinoo hini goyoochaa ne toommooch wochemmo taane’ itone Doono Yeeri. Ebich Doono Yeeri gettitoommon, daamiree are goyee budooch dufe” iye.

2 Kiinoo 28:9

Are Shamaara Odeedi getteebeeti Doono Yeerichi keemecho beehe. Shamaara waabeeti ginee naayinaꞌona daneya hammiꞌi, boonoshich ishichiye: “Ittoshi qaabbechinaꞌochi Nuggishoo Doono Yeeri Yihudee asheenaꞌon bi kaaretoyich, ittoshi kishooch boonoshin beshiiꞌi immiye. Ittoshiyoo ariqqaalloon boonoshin wuxiyote.

Iyoobi 16:18

“Showoocho, ta damoon aachi echiyaahine; ta cookoo kote kashaaye.

Iyoobi 24:12

Katemee daggoochaa qitiya ii beetinaꞌo, koqqii beetinaꞌone; mayeti asheenaꞌo Yeeri boonoshin gaachemmoyich cookii beetinaꞌone; tunebaani Yeeri ebi mooyon cikkii qajjitone.

Shoddo 50:21

Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Shoddo 72:14

Boonoshi kasho bi aafoochaa aaxxoo bi tunetoyich, neexaa hajjeyoonaa xuꞌonoochee boonoshin biishemmone.

Shoddo 9:12

Damee nichoon gaaccecho boonoshin bi gabii beetoyich, xukketinaꞌochi eefon batteyaache.

Shoddo 9:13

Doono Yeero, taach ariqqebe; ta etteenaꞌo taan xuuxii beeton ciine; maash hamoochee taan wodiibe.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Haddoo 35:33

Damoo showoon eeꞌiibeeto bi tunetoyich, ittoshi beeyemmi showoon eeꞌiyaahote. Damoo ufeti showoo damoon ukkiti uroochi damoyee besh baroona xalleyaachemmone.

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Mishiraachechinaꞌo 5:9

Aroochee Pheexiroosi “Doono Yeerichi Ayaanoon dawushoyich aakkiya ikkottehote? Ebeege, ne kenoon duukkiti asheenaꞌo shaggitinaꞌone; neenoo wotta kichiree duukkemminaꞌone” iye.

Yibbaatoo 21:1

Muusi Israꞌeeleenaꞌoyich ishichiye: “Ne Nuggishoo Doono Yeeri ne hajjemmoyich neech bi immiibeeti showoochaa ikke asho ashi kishoona qitiꞌi, bi dubeno xalle gaddoochee bi danegaata, biin wuxito konigaata bi arichoo qayigaatoo,

Hibireena'o 11:4

Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Hibireena'o 12:24

andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.

1 Saameeli 13:11

Saameeliyoo “Ebi ne shuuneto, amoone?” iye. Saaꞌooliyoo ishichiꞌi wochiye: “Ginee naayinaꞌo taan duppii shaceheete; newoo ne taajjeti aabooba womon qajjehine; wotta Filsixeemeenaꞌo Mikimaash kiceeheete.