Halloo 39:9 - Kafa Linguistics Project

⁹ Hini kechi daggooch taach beeti ukkirittino biichoommone; taach bi imaani mooyo, bi mechee ne tunetoyich, neen baachiye. Ishigaata, ebi shaahe gonde mooyon tuniyoona aabichiree Yeeri aafooch axaaxoon shuunebote?” iye.

Halloo 39:9 ပူးပေါင်းရင်းမြစ်များ

Halloo 13:13

Tunebaani Sodoomee asheenaꞌo oogeti gonde asheenaꞌone; Doono Yeeri aafooch magge axaaxoon shuunee beeheete.

Halloo 20:3

Ikke xumoon Yeeri gumona daneꞌi, Abimeleekich ishichiye: “Waayebe; ebi ne daammeti ure kenechine; qitito neene” iye.

Halloo 20:6

Yeeriyoo gumona biich ishichiye: “Xalle mulloona ne tuniyoon ariito taane. Tawoo wotta, ta aafooch gondoon ne tuniyaachemmonaa bi achooch ne shagaachemmonoyich, neen ta quyeto ebichiye.

Halloo 20:9

Aroochee Abimeleeki Abrahamin ceekkiiꞌi ishichiye: “Ebi no toommooch ne tuniiti mooyo amoone? Neech amoon ta gondetenane ebi shaahe naxo taannaa ta taatee showoonooch bi kindemmoyich ne tuniito? Iberoon tun bedaani mooyoniye ta toommooch ne tuniito” iye.

Halloo 24:2

Ikke areddoon Abrahami bi kexonaa bi gijjoo bullinochi ukkiroo tuneti, bi kexooch maddee yagiti bi gaddiretoon ceeggii ishichiye: “Hini and boonoshi daggooch ta beeti Kanaaneenaꞌochi maache bushiishoo daggoochee ta bushoyich mecheen shaakkiyaahine. Tunebaani ta showooch, ta xibeenaꞌo waan hamiree, ta bushoo Yisaaqich mecheen deebe. Ebin ne tuniyemmoyich, eke ne kishoon deebi ta doshee dechiich gediree, showoonaa shimaayoonochi Nuggishoo, Doono Yeerina wogebe” iye.

Halloo 39:10

Ureyoo qemi qemona biin echaa beehan; tunebaani aroo biinna tookkii qemon tuneba bi gaꞌooch shagon qaawaanoone.

Halloo 41:40

Ta taatittinee showooch iraashebe. Ta asho bulli neech hajjeebe. Neyee ta beshemmo, ta taatee qeenona baachiye” iye.

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

2 Saameeli 11:27

Eeppi aabo beshemmona Daawiti wochiiꞌi, bi kexooch bi woyemmoyich tuniihe. Biichoo mechee tunehan; anaami bushoonoo biich shiyahan. Tunebaani Daawiti shuuneti shuunoo Doono Yeerin emirikkaanoone.

2 Saameeli 12:13

Daawitiyoo Naataanich, “Doono Yeerin xuqqeto taane” iye. Naataaniyoo Daawitich ishichiye: “Doono Yeeri neen maaritone; ne, qitaachemmo neene.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Nehimi 6:11

Tunebaani ta “Taanoommi asho aash beddiye? Taanoommi asho bi kashoon wodiyoyich yaafee kexooch giyi beddiye? Ta giyaache” iyo.

Iyoobi 31:23

Yeerichi naxoon ta shattaa beetoyich, bi oogee yiiroo taan bi shattii beetoyich, ebin tuniyoon hakkaache.

Shoddo 51:4

Ta xuqqeto neen, halla neen baachiye; ne aafoochaa gonde mooyon tuniihoye; ebich gondeto ta tunoon ne getonaa ta toommooch ne nalloona tatoone.

Keyo 20:14

“Shunoon maayaahine.

Shaahiyoo 6:29

Ashi mecheen qaawiibeeti asho bulli ebiyoommone; aree waan shaggimmo bulli sheeroochee muricaachemmone.

Shaahiyoo 6:32

Tunebaani shaddiibeeti asho qellaalli ashoone; ebin tuniibeeto bi kashoon aalliyemmone.

Dojjecho 7:26

Qitoyee beshe caame mooyon daneho; ebiyoo maachee ashich olle tunoone; maachee dabbo yeshoommon ashoon yechahane; qoqqaannoo yeshoommonoo ashoon yecha iyane. Yeerin emirikkiibeeti asho ebi ure waanee muricciye; tunebaani axaaxechon ollaa yechahan.

Erimiyaasi 28:16

Ebich Doono Yeeri ishichiye: ‘Showee toommoochee neen aalliyemmo taane; Doono Yeeri ta toommooch hukkoon ne yibbaatetoyich, hini natooch qitemmo neene’ itone” iyo.

Erimiyaasi 50:7

Boonoshin daneto bulli maahe; boonoshi etteenaꞌoo ‘No xuꞌaano noone; boonoshi, ibere boonoshi beeyi xaaꞌoo, boonoshi qaabbechinaꞌochi gibeno tuneti boonoshi Nuggishoo Doono Yeerin xuqqitinaꞌone’ itinaꞌone.

Leweenaꞌo 20:10

“ ‘Ikke asho, ashi mecheena tookkii shunoo bi maagaata, uroonaa ureena boonoshi guttiyona qitibeete.

Leweenaꞌo 6:2

“Ikke asho bi waan koteti aderoon mamona woyee biich yechiyoo icheti qiicoon nookkeꞌi biinoommi bi manoon dawushoona Doono Yeeri ta toommooch axaaxoon bi shuunegaata woyee biinoommi bi manoon bi bogigaata woyee bi dawushigaata,

Haddoo 32:23

“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote.

Luqaasi 12:48

Tunebaani ariyaanoon biin xooppiiya bedoon shuuneti wochee bushoo ariyaanoon bi shuunetoyich, giishechoon xooppemmone. Yeeriyoo meeton biich bi immiti asho bulli waanee meeton qaawemmone; beshiiꞌi bi immiti ashi waanee beshoon echemmone” iye.

1 Qorontoosi 4:2

Yakkirechinaꞌo bulli waanee qaaweebeeto, boonoshi shuunoona gibeneetinaꞌo tunoone.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.

1 Yowannisi 3:9

Yeer waanee shiijjeto bulli biin Yeerichi bushoo tuniiti yaroo bi waan bi beetoyich, axaaxoon shuuneyaache. Yeer waanee bi shiijjetoyich, axaaxoon shuunoon hakkaache.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.