Halloo 39:21 - Kafa Linguistics Project

²¹ Doono Yeeri biinna tookkii tunee beehe; bi shoodoonoo biich bekkiihe; cuyee kechi ukkiroo aafoochaa gidoon bi danemmoyich tuniihe.

Halloo 39:21 ပူးပေါင်းရင်းမြစ်များ

Halloo 21:22

Ikke areddoon Abimeleeki bi ginee iraashoo Fikoolina tookkii Abraham waan hammiꞌi ishichiye: “Ne tuniyaabeeti mooyo bullina Yeeri neenna tookkii beetone.

Halloo 39:2

Doono Yeeriyoo Yooseefina tookkii bi tunetoyich, bi doono Gibitsee asho kexooch bi beetaa, mooyo bulli biich kaamehe.

Halloo 39:3

Doono Yeeri Yooseefina tookkii bi tunoonaa bi shuunoo bullin biich kaachito bi tunoonon Phoxifaari beeggiye.

Halloo 39:4

Ebich Yooseefi bi aafoochaa gidoon danehe; biich katini gaddiretoonoo tuniihe; bi kexonaa biich beeto bullinochi toommooch ukkiriihe.

Halloo 40:3

Ebich Yooseefi cucheꞌi beeti, taatoo quyee naayinaꞌochi iraashoo kexooch daamaa boonoshi cucheyemmoyich tuniihe.

Shoddo 105:19

Shiichiꞌi bi gettito ceennimmi wottoon Doono Yeerichi qaaro biin phirehe.

Shoddo 105:22

Taatoochi iraasheenaꞌon bi daaggoona bi yaabemmoyich, bi mikkirechinaꞌoyichoo ariyoon bi dojjemmoyich, ukkiriihe.

Shoddo 106:46

Boonoshin hajjii beetinaꞌo, boonoshich ariqqemmoyich tuniihe.

Keyo 11:3

Doono Yeeriyoo Israꞌeeleenaꞌo Gibitseenaꞌo aafooch gidoon boonoshi danemmoyich tuniihe. Muusiyoo Gibitsee showooch Faroonichi iraasheenaꞌonaa asho bullinochi aafooch oogeton naadeeti ashoone.

Keyo 12:36

Doono Yeeriyoo Israꞌeeleenaꞌo Gibitseenaꞌona naadeetinaꞌo boonoshi tunemmoyich tuniitone. Ebina Gibitseenaꞌo Israꞌeeleenaꞌo echeto bullin immiyeete. Ebiyoommi gommona Gibitseenaꞌo gaannoon hokkii daammiyeete.

Keyo 3:21

“Ta asheenaꞌo Gibitseenaꞌo waanee naadoon boonoshi danemmoyich tuniyemmo taane. Ebich ittoshi keyiyooba shokke kishoon hamaachemmo ittoshine.

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Daaneeli 1:9

Yeeriyoo taatee kechi iraashoo Daaneelin gaawe aafoona bi ciinnemmonaa bi ariqqemmonoyich tuniihe.

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Pheexiroosi 3:17

Ebiyoo ebi Yeerichi daaggoo bi tunegaata, gondoon shuunoona tuneyaanoon deꞌoon shuunoona xuuxoon ittoshi beego gaaweto bi tunetoyichiye.