Halloo 39:2 - Kafa Linguistics Project

² Doono Yeeriyoo Yooseefina tookkii bi tunetoyich, bi doono Gibitsee asho kexooch bi beetaa, mooyo bulli biich kaamehe.

Halloo 39:2 ပူးပေါင်းရင်းမြစ်များ

Halloo 21:20

Yeeriyoo ebi bushoona tookkii tunehe; bushoo dicciye. Bi beemonoo barahooch tuniihe; aricheti aaddoon tunehe.

Halloo 21:22

Ikke areddoon Abimeleeki bi ginee iraashoo Fikoolina tookkii Abraham waan hammiꞌi ishichiye: “Ne tuniyaabeeti mooyo bullina Yeeri neenna tookkii beetone.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 26:28

Boonoshiyoo ishichiyeete: “Iberoon Doono Yeeri neenna tookkii beemon beeggeto noone; ebich ‘Neennaa noonna daggooch wogo gibe. Ne toommooch gondoon shuuneyaanoon, gaawe mooyon baach tuniyaabee diggoona no showoochee ne kechemmoyich no tuniitoommon, ebiyoommon wotta gondoon no toommooch ne shuuneyaachemmoyich neenna tookki wogoon gibone’ iyaꞌaniye. And Doono Yeerina diireeto neene” iyeete.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 39:23

Doono Yeeri Yooseefina tookkii tuneꞌi, bi tuniibeeti mooyo bullin kaachii bi beetoyich, cuyee kechi ukkiroo Yooseefichi kishooch beeti mooyo bullich amoonolla gabaanoone.

Halloo 39:3

Doono Yeeri Yooseefina tookkii bi tunoonaa bi shuunoo bullin biich kaachito bi tunoonon Phoxifaari beeggiye.

2 Taateenaꞌo 18:7

Doono Yeeri biinna tookkii bi beetoyich, bi tuniibeeto bulli biich kaamehe. Asooree taatoo toommooch hukkoon tiijjiꞌi biich hajjeyoon qajjiye.

1 Kiinoo 9:20

Aroyee aaf, kellechinaꞌo toommooch ukkiroo Elazaari bushoo Finihaasine; Doono Yeeriyoo biinna tookkii tunee beehe.

2 Kiinoo 1:1

Daawiti bushoo Solomooni, bi Nuggishoo Doono Yeeri biinna tookkii tuneꞌi oogeton aricheton biin bi tuniitoyich, bi taatittinoon manjiihe.

Shoddo 1:3

Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Erimiyaasi 15:20

Hini maccoyich neen manje gooshee uxeroon tuniyemmo taane; neen kochemminaꞌone; tunebaani neen wodiyoonaa biishonoyich neenna tookkii ta tunetoyich neen koyi wochaachemminaꞌone, iye Doono Yeeri.

Mishiraachechinaꞌo 8:31

Aroo wochiꞌi, “Taach kaachi gettemmi asho aalloon aabichiree ta mullooch giyehe?” iye. Gaariich keyiree biinna tookki bi kotemmoyich Filipphoosin qollehe.

1 Ximootiyoosi 6:1

Yeerichi shigoonaa no dojjaabeeti bi qaaroona naakkeyaachemmoyich, guuchittinee qoqqaanooch beeti, kittinnoo tuneti guuninaꞌo bulla boonoshi dooninaꞌon “Bulli gommona oogoon dan beddiyeete” getiree gabibeete.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 6:27

Ebich Doono Yeeri Yaasina tookkii tunehe; bi mooyo showoo bulliich waayeehe.

1 Saameeli 16:18

Bi naayinaꞌo daggoochee ikkoo ishichiye: “Ooge ximboon gaawichiꞌi yexxii kaayon hakkiibeeti, Beetilehemechi Iseyi bushoon beeggeto taane. Biyoo ginee anaamonaa koyoyich kupphoonane; wotta mashaamiti yibbaatechonaa gaawe malletechonane. Doono Yeeriyoo biinna tookkii beetone” iye.

1 Saameeli 18:14

Doono Yeeri Daawitina tookkii tunehe. Ebich biinnaa bi ginee naayinaꞌona boonoshi koyeti xaaꞌoo bulliichaa kochii wochii beeheete.

1 Saameeli 18:28

Saaꞌooli Doono Yeeri Daawitina tookkii bi tunoon, wotta bi bushee Mikaali Daawitin shunon xiishii ariihe.

1 Saameeli 3:19

Saameeliyoo diccii oogehe. Doono Yeeri biinna tookkii tuneꞌi, bi yibbaateti mooyo bulli ceennemmoyich tunii beehe.