Bi nihoo Yaaqobin bi diiritoyich, Esayi Yaaqobin shixxiye. Esayi bi mulloona “Ta nihoo and qitiya bedditone. Eefoyee gubb ta manoo Yaaqobin wuxemmo taane” ii gabiye.
Tunebaani bi manoon shixxiibeeto bi beeto manderoochiye; manderoona shaꞌee beetone; manderoo bi aafoon bi dookkitoyich amooch bi hammiibeeto gaata ariyaache.
Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.
Koniyoona “Yeerin shunnaabeeto taane” iibee bi manoon bi shixigaata, koottitone; bi beeggiti bi manoon shunaano, bi beegaani Yeerin shunon aabichiree hakkehe?