Halloo 37:34 - Kafa Linguistics Project

³⁴ Arooba Yaaqobi bi tahoon getoochaa keexxiye; dookoon taheꞌi, meeti areddoon eeppii muushenehe.

Halloo 37:34 ပူးပေါင်းရင်းမြစ်များ

Halloo 37:29

Roobeeli oppo beetooch wottee hammii ciinniꞌi, Yooseefin muccehe. Ebich bi tahoon keexxiye.

Halloo 42:38

Tunebaani Yaaqobi ishichiye: “Ta bushoon ittoshina tookkaa daachiyaache. Bi manoo gaata, qititone; bi indeechi bushiishoochee echeto bi ikkeeto baachiye. Gommoochaa ikke amo bi tunegaata, geenoochaa muushenoona maash taan daachiyane ittoshi ii beeto” iye.

Halloo 44:13

Boonoshiyoo boonoshi tahoon keexxiyeete. Boonoshi bulliyoo maayoon boonoshi kurooch xaaniꞌi, boonoshi hilla katemooch wotteheete.

2 Saameeli 1:11

Aroochee Daawiti ayiniꞌi bi tahoon keexxiye; biinna tookkii beeti asheenaꞌoo ebiyoommon tuniiheete.

2 Saameeli 3:31

Aroochee Daawiti Yoꞌaabinaa bi asheenaꞌo bullinoyich “Ittoshi tahoon keexi, dookoon taheree, Abeneerich eefote” iye. Taatoo Daawitiyoo bi qelloona dubenoon deenniꞌi hammiye.

1 Taateenaꞌo 20:31

Bi naayinaꞌoo biich, “Israꞌeelee taateenaꞌo maarechinaꞌo boonoshi tunoon waayeto noone. No shimetooch dookoon marixxiree, no qettoochoo woderoon caaciree, Israꞌeelee taatoo waan hambone. Diqqich ne kasheen wodiyemmone” iyeete.

1 Taateenaꞌo 21:27

Akaabi ebi qaaroon waayeꞌi, bi tahoon keexxiye; dookoon taheꞌi coomiye; dookoochoo qeyiye. Qumittimiꞌinoo hammii beehe.

2 Taateenaꞌo 19:1

Taatoo Hiziqiyaasi ebin waayeꞌi bi tahoon keexxiye; dookoonoo taheꞌi Doono Yeerichi yaafee kexooch hammiye.

2 Taateenaꞌo 2:12

Elisayiyoo ebin beeggiꞌi, “Taabbo, taabbo! Israꞌeeleenaꞌochi gaarinaꞌonaa hareshee yookkechinaꞌona!” iꞌi cookiye. Ebiyee gubb, wochinnoon biin beegaanoone. Aroochee bi hajjee tahoon yechii, gutte beera keexxiye.

2 Taateenaꞌo 22:11

Taatoo Sheeree Macaafo shemmeetaa waayee, ayiniꞌi bi tahoon keexxiye.

1 Kiinoo 21:16

Daawiti kaama ciinniꞌi, Doono Yeerichi maraakoo Yerusaalemi toommooch goraadoon kaaccii yechiꞌi shimaayoonaa showoonochi daggooch neexeꞌi bi beetaa beeggiye. Aroochee Daawitinaa ogoogeenaꞌona dookoon taheꞌi showooch baroona guufeheete.

1 Kiinoo 7:22

Ebich boonoshi nihoo Efreemi meeti aaboon eeppii muusheneꞌi kotehe. Bi xibeenaꞌo waaꞌi biin goggiiheete.

Nehimi 9:1

Aroobee agenee hiyaa awuddinnee qemooba, Israꞌeeleenaꞌo coomii, dookoon tahee, boonoshi shimbooch buttoon shakkiꞌi ikkooch kiceeheete.

Iyoobi 1:20

Iyoobiyoo kotoochee tiyiye; bi tahoon keexxiye; bi qelloon cakkehe; showooch baroona guufeꞌinoo goyinnehe.

Iyoobi 16:15

“Dookoon ta qeddoochee kuxaanoon tahoye; ta oogoonoo tullee daggooch duppoye.

Iyoobi 2:12

Hammiibee wohoochaa biin beeggiyeete; tunebaani biin tuushiyeete. Bi tunoon batt ariiꞌi uukkii eeppiyeete; boonoshi tahoonoo keexxiyeete; buttoon kaama boonoshi shimbooch shakkiyeete.

Shoddo 69:11

Dookoon ta tahehooboo taan cooneheete.

Isiyaasi 32:11

Hini mashaamiti beemon beeti maacheenaꞌote, qewebote; hini keqqaalloon kotetinaꞌote, qewebote; ittoshi tahoon shooti shokkaachoon tunebote; ittoshi shimetooch dookoon eddebote.

Isiyaasi 36:22

Aroochee Hiliqiyichi bushoo taatee kechi iraashoo Eliyaqimi, taatoochi koorechi Shebininaa Asaafi bushoo kiinee koorechi Yoꞌaahina boonoshi tahoon keexxii, Hiziqiyaas waan waaꞌi, Rabishaqi gettiton biich gettiyeete.

Erimiyaasi 36:24

Taatoo tuneba ebi qaaroon waayeti bi maddechinaꞌo bulli shataaneenaꞌone; boonoshi tahoonoo keexaaneenaꞌone.

Erimiyaasi 48:37

Bullichi qello cakkemmone; ishaanoo maachemmone; kishoo kocheyemmone; shimetoo dookoon eddemmone.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Maatiyoosi 11:21

“Koraziine, neech woowo! Beetisayide, neech woowo! Ittoshich bekketi gaakkechi shuunoo Xiroosinaa Sidooninoyich bi bekketo gaata, wonna dookoon tahe tulloon boonoshi toommooch shahiree, axaaxee gommoochee Yeer waan wotteshinaꞌone.

Maatiyoosi 26:65

Arooba qeeshee guudo bi tahoon keexxiꞌi, “Yeerin naaggitone; ebiyee damba amee miixoo qaawiihe? Bi naagoon gaata waayeto ittoshine.

Mishiraachechinaꞌo 14:14

Tunebaani mishiraachechi Barnabaasinaa Phawuloosina ishin waayeꞌi, boonoshi tahoon keexxiꞌi, asheenaꞌo daggooch wocciyeete; cookiibeenoo ishichiyeete:

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.

Yaaꞌoo 11:3

Gutte ta miixeenaꞌon woche deejjemmo taane; boonoshiyoo muushenee tahoon taheree ebi are ikke humaa gutte ballaa shiche qemon keemoon keemmemminaꞌone” iye.

Woraaferasheenaꞌo 11:35

Biin bi beeggiyooba, ayinoona bi tahoon keexxiꞌi “Ye ta busheene! Taan aalliinne! Taan xuuxee toommooch duppenne! Echiyoon ta hakkaani mookkoon Doono Yeerich mookketo taane” iye.