Halloo 37:28 - Kafa Linguistics Project

²⁸ Ebich Miidiyamee giixechinaꞌo waaꞌi boonoshi beetooch shaggimmona, bi maneenaꞌo Yooseefin oppoochee geechii kichiꞌi, Ishmaꞌeeleenaꞌoyich hiye birewoona kemmiyeete. Boonoshiyoo Yooseefin Gibitsee showooch daammiyeete.

Halloo 37:28 ပူးပေါင်းရင်းမြစ်များ

Halloo 25:2

Biyoo Zimiraanin, Yoqishanin, Medaanin, Miidiyamin, Ishibaaqinaa Shuhinon shiyahan.

Halloo 37:25

Maayoon maaya koteechii, wokkii ciinniꞌi, Gilaadee showoochee waabeeti, giixechi Ishmaꞌeeleenaꞌon beeggiyeete. Ebi are giixechinaꞌo shitto, huuteebeeti attoonaa hareboonon boonoshi gaaleenaꞌooch xaaniꞌi, Gibitsee showooch dugilla hammii beeheete.

Halloo 37:36

Ebiyooba Miidiyamee showeexi giixechinaꞌo Yooseefin Gibits daammiꞌi, Faroonichi iraasheenaꞌo daggoochee ikkoo tuneti, taatoo quyee naayinaꞌochi iraashoo Phoxifaarich kemmiyeete.

Halloo 39:1

Giixechi Ishmaꞌeeleenaꞌo Yooseefin Gibits daammiyeete. Faroonichi iraasheenaꞌoochee ikkoo, taatoo quyee naayinaꞌochi iraashoo tuneti, Gibitsee asho Phoxifaarich Yooseefin kemmiyeete.

Halloo 40:15

Hibiree showoochee ta waato, giidoona yesheenane. Hiniich wotta cuchaꞌa ta beeto, ta shuuneti amee gondolla aallooniye” iye.

Halloo 50:15

Yooseefichi maneenaꞌo boonoshi nihoo eefo beshetoyee gubb, ishichii gabiyeete: “Diqqich Yooseefi no toommooch and beddaahaa xiiqoon yechiꞌi, bi toommooch no tuniitoommon tuniiree, no toommooch nichoon bi kichigaata, aabichishiye no gettemmo?” iyeete.

Shoddo 105:17

Guuchittinooch kecheti Yooseefin boonoshiyee shiichiꞌi daachiihe.

Shoddo 83:9

Miidiyameenaꞌo toommooch ne tuniitoommon, Qishooni aacoochaa Siseerinaa Yabiininochi toommooch ne tuniitoommon, boonoshi toommooch tuniibe.

Keyo 2:16

Ikke Miidiyamee qeeshoyich shabaatte maache bushiisheenaꞌo beeheete; eboshiyoo aachi oppo beetooch waaꞌi boonoshi nihoochi bageenaꞌonaa emmisheenaꞌonoyich aacon uchiya, aacon goonooch kittii ceechiyeete.

Keyo 21:16

“Ikke asho ashoon giidoona yechii bi kemigaata woyee bi waan kotiibee bi yechegaata, ebin tuniiti asho qitibe.

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Erimiyaasi 38:13

Erimiyaasinoo woderoona geechiyeete; oppoocheenoo kichiyeete; Erimiyaasiyoo kellechinaꞌochi addibaabooch kotee beehe.

Leweenaꞌo 27:5

Uuche natoochee hiye natooch beddaahaa beeti ashi qoodoon ichemmi gatiyoo, anaamoyich hiye sheqeelee xure birewoo, maacheyich aashire sheqeelee xure birewoo tunebe.

Haddoo 25:15

Qititi ure Kozibi getteehan; biyoo Miidiyamee ikke yaree ukkiroo tuneti Tsuuri busheene.

Haddoo 25:17

“Miidiyameenaꞌon duꞌiiree koyi aalliibote.

Maatiyoosi 26:15

“Yesuusin ittoshich ta beshii imigaata, taach amoon immehote?” iꞌi echehe. Boonoshiyoo shaashe xure birewoon biich immiyeete.

Maatiyoosi 27:9

Arooba keemechi Erimiyaasi gettiti keemo ceenniye; ebiyoo “Israꞌeelee macceenaꞌo daggoochee ikkikkeenaꞌo gatiyoo boonoshi yexxiti shaashe xure birewoon daammiyeete.

Mishiraachechinaꞌo 7:9

“Hini no qaabbechinaꞌo boonoshi manoo Yooseefina qanaateꞌi Gibits hammiibeeti giixechinaꞌoyich biin kemmiyeete. Tunebaani Yeeri biinna tookkii tunehe;

Woraaferasheenaꞌo 8:22

Ebiyee gubb, Israꞌeeleenaꞌo Geediyoonin “Miidiyameenaꞌo kishoochee noon wodiito neene; ebich ne, ne bushoonaa ne bushaa bushoona noon hajjibote” iyeete.

Woraaferasheenaꞌo 8:24

Biyoo boonoshin “Eke ikke mooyon ittoshi waanee qollebona; kecoochee ittoshi daneti, ittoshi ikkikkoochi aachee koliboon taach imbote” iye. Ebiyoo aachee koliboon gedo Ishmaꞌeeleenaꞌochi doyoo bi tunetoyichiye.