Halloo 37:27 - Kafa Linguistics Project

²⁷ Ebiyee hini waabeeti giixechi Ishmaꞌeeleenaꞌoyich kembone; bi toommooch gondoon shuunaayone. Amoommon bi tunetaanoona, no manoone; no hajjee meenone” iye. Ebina bi maneenaꞌo ebi bi gaboon tunebe iyeete.

Halloo 37:27 ပူးပေါင်းရင်းမြစ်များ

Halloo 29:14

Labaaniyoo “Iberoon ne ta meeno, ta damoo neene” iye. Yaaqobi ikke agenoon Labaan waan bi kotetoyee gubb,

Halloo 37:22

Ashi damoon ukkiyaahote. Hini baraheexi oppooch dufotani, bi toommooch bare mooyon tuniyaahote” iye. Roobeeli bi ishichito, Yooseefin boonoshi kishoochee wodiiree, bi nihoo waan wochiya bi qaawitoyichiye.

Halloo 42:21

Boonoshinaa boonoshinoo “No manoo toommooch no tuniiti xuꞌee naboyich naxeyaaniye no beeto; bi xuuxoon beeggaabee, bi kasheen wodiiya noon bi qolletaa, waayeyaano noone. Ebi iritoo no toommooch bi shaggito, ebichi naboonane” iyeete.

Halloo 50:20

Ittoshi ta toommooch gondoon gabiyote; tunebaani and tunee beetoommon, meeti asheenaꞌochi kashoon wodiiya iꞌi, Yeeri deꞌe mooyooch shadditone.

2 Saameeli 12:9

Ishigaata, amoyich Doono Yeeri ta qaaroon qallayinne? Amoyich ebi gonde mooyon ta aafooch tuniinne? Hitee asho Uuriyi goraadoona bi qitemmoyich tuniihine; Amooneenaꞌo biin goraadoona wuxemmoyich tuniihine; bi mecheenoo daammaꞌa shaaggehine.

Nehimi 5:5

Andoo no maneenaꞌonaa noonna ikke meenonaa damoonon no tunetaa, no bushiisheenaꞌo boonoshi bushiishoomminaꞌo boonoshi tunetaanoona, ebiyoche no bushiisheenaꞌon guunonaa gonneena boonoshi tunemmoyich immaabeeto noone; no maache bushiisheenaꞌoocheenoo gonnee tunetinaꞌo beetinaꞌone. Bare asheenaꞌo no showoonaa no woyinee goyoonon boonoshi yechitoyich, hakka guutoon tuneto noone” ii beeheete.

Nehimi 5:8

Boonoshich ishichiyo: “Aageteenaꞌoyich kecheti, Ayihudo tuneti no maneenaꞌon, nooch bi hakkeetoommon, biishehone; ittoshiyochi ittoshi maneenaꞌon ittoshi kemmiibeeto, wochinnoon no biishemmoyichiye?” iyaꞌa boonoshich getteho. Boonoshiyoo boonoshi gettemmon mucceꞌi cikkii qajjiyeete.

Keyo 21:16

“Ikke asho ashoon giidoona yechii bi kemigaata woyee bi waan kotiibee bi yechegaata, ebin tuniiti asho qitibe.

Keyo 21:21

Tunebaani ikke woyee gutte qemi daggooch ebi guuno woyee gonnee qitoo qayigaata, boonoshi doonochi hajjeenaꞌo boonoshi tunetoyich, uro sheereyaaye.

Maatiyoosi 16:26

Wotta asho showee toommooch beeto bullin biicho tuniichii bi kasheen bi muccegaata, amoon biich hallehe? Asho bi kasheen wochiꞌi danoyich amoon qoco hakkehe?

Maatiyoosi 26:15

“Yesuusin ittoshich ta beshii imigaata, taach amoon immehote?” iꞌi echehe. Boonoshiyoo shaashe xure birewoon biich immiyeete.

Yaaꞌoo 18:13

qarefoo, qimaamo, ixaano, cinnechi huuto, hareboo, woyinee uyo, zayito, qacini buddino, teepphoo, miimo, bago, hareshoo, gaari, guuninaꞌonaa ginoona kecceti asheenaꞌona, eboshine.

1 Saameeli 18:17

Saaꞌooliyoo Daawitich ishichiye: “Ta qaabbe bushee Meraabi beetine. Biin neech shaakkiyemmo taane. Ne baach gibeneetonaa ginee anaamonon tuneree taach maddebee, Doono Yeerichi ginoon koyebe” iye. Saaꞌooli bi ishichito, “Filsixeemeenaꞌo kishoona qitiballi, ta kishoona qitaaye” iꞌi bi gabitoyichiye.