Halloo 37:14 - Kafa Linguistics Project

¹⁴ Yaaqobiyoo Yooseefin “Hamiree ne maneenaꞌonaa boonoshi quyeebeeti gijjeenaꞌonochi diggoon beegiree wobe” ii Kebirooni bamboochee wochee daachiihe. Yooseefiyoo Shekeem hammii shaggiye.

Halloo 37:14 ပူးပေါင်းရင်းမြစ်များ

Halloo 13:18

Ebich Abraami bi duukkaanoon waaxxiꞌi tiyii qaxiriye. Hammiꞌinoo Kebirooni gaꞌooch beeti, Mamirichi gorooch shaggiꞌi, arooch kotehe. Aroochoo Doono Yeerich deejjee gudoon shuunehe.

Halloo 23:19

Aroyee gubb Abrahami Kanaanee showooch, Kebirooni getteeti Mamirichi goroochaa aabi-keyo waan, Makifeli budooch beeti xaqqee gofee maacooch, bi mechee Saarichi cahoon duukkiye.

Halloo 23:2

Kanaanee showooch beeti Qiriyaat Aribaa, ebiyoo Kebiroonaa qitiyan. Abrahami oogeton eeppii muushenehe.

Halloo 29:6

Yaaqobiyoo “Diggeebeete?” iye. Boonoshiyoo “Eeha, diggoone. Okk ebeege, bi bushee Raaheeli bageenaꞌona tookkaa waabeeti” iyeete.

Halloo 35:27

Yaaqobiyoo and Kebirooni getteeti Qiriyaat Aribi gaꞌooch beeti Mamiri gorooch, bi nihoo Yisaaq waan wottee waahe. Ebi xaaꞌoo ebiyee aaf Abrahaminaa Yisaaqina beebee echeti xaaꞌoone.

Halloo 37:15

Gaddooch okk hach wottee guuddii bi beetaa, ikke uro biin beeggiꞌi, “Amooniye ne qaawaabeeto?” ii echehe.

Halloo 41:16

Yooseefiyoo Faroonich “Ta doonocho, taach biichi hakkoo aalloone; tunebaani neech gaaweti gommona Yeeri biichemmone” iye.

Halloo 43:27

Yooseefiyoo boonoshi diggoon echehe. Aroochee “Geene ittoshi nihoo beeto tunoon ebiyee aaf taach gettito ittoshine. Diggeebeete? Andoo kashoona beete?” iye.

2 Saameeli 11:7

Uuriyi waammona, Daawiti Yoꞌaabinaa ginee naayinaꞌonochi diggoon, wotta koyoo aabichii bi beeto gaatoo echehe.

2 Saameeli 18:32

Taatoo, Topphiyee ashoon “Ta bushoo Abisoloomi diggeebeete?” iꞌi echehe. Biyoo wochiꞌi, “Taatoo ta doonochi etteenaꞌonaa ne toommooch gonde mooyon tuniiya tiyii beetinaꞌona are ne bushoommon tunebeete” iye.

1 Taateenaꞌo 2:33

Boonoshi damee hiishoo Yoꞌaabinaa bi yareenaꞌonochi toommooch bulli yemeenoon tunebe. Tunebaani Daawitinaa bi yaroonoyich, bi kexonaa bi taatee qeenonoyich bulli yemeenoon Doono Yeerichi diggoo tunebe” iye.

Asteeri 2:11

Mordokiyoosiyoo Asteerichi diggoon echoonaa aabichaa bi beeto gaata ariyoonoyich, qemi qemona genneenaꞌo qeyiibeeti kechi addibaabooch okk hach shaꞌee beehe.

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Erimiyaasi 29:7

Kecaa ittoshi hammemmoyich ta tuniiti katemoyich diggoon qaawibote; ebi katemoyichoo Doono Yeeri ta waan corootibote; ebiyoo bi diggegaata, ittoshiyoo diggemmo ittoshi tunetoyichiye” iye.

Haddoo 13:22

Negeebi barahoona beshee hammiꞌi, Kebiroon shaggiyeete. Anaaqee yareenaꞌo tuneti Ahimaani, Sheshaayinaa Talimayina arooch beetinaꞌone. Kebirooni katemoo shuuneeto, Gibits beeti Tsoꞌaani katemoo shuuneyoyee shabaatte naton shiichiꞌiniye.

Luqaasi 19:42

“Diggoo daneebeeti gommon hanaachi ittoshi shalligito gaata, gaawetone; tunebaani bi aricheyaachemmoyich ittoshich aacheetone.

Yaasi 14:13

Arooba Yaasi Yefuuni bushoo Kaaleebin diiriye; Kebiroonin iristo tuniiꞌi biich immiye.

Yaasi 14:14

Ebina Israꞌeelee Nuggishoo Doono Yeerin mulloochee tiijjiꞌi bi dabbitoyich, Kebirooni Qenizi yaroo tuneti, Yefuuni bushoo Kaaleebichi iristo tunehe. Hanaach beddaahaa bi shiijjereenaꞌo arooch beetinaꞌone.

Yaasi 14:15

Ebiyee aaf Kebirooni Qiriyaat Aribi gettee beetone; ebi Aribi Anaaqeenaꞌo bulliyee beshe aricheti uroone. Aroyee gubb showoo ginoochee kashehe.

Woraaferasheenaꞌo 1:10

Boonoshiyoo Kebiroon koteti Kanaaneenaꞌon kocha hammiyeete. Aroochaa Sheshaayi, Ahimaaninaa Talimayinochi shiijjereenaꞌon kochii wochiyeete. Kebirooni arooba Qiriyaat Aribi getteehe.

1 Saameeli 17:22

Daawiti bi daammiti maayoon, qiicee ukkiroyich immiichii, ginee koyee xaaꞌooch wocona hammiye. Bi maneenaꞌon daneꞌi boonoshi achee diggoon echehe.