Halloo 36:8 - Kafa Linguistics Project

⁸ Ebich Edoomi getteeti Esayi bi beemi xaaꞌoon Seyiree geppe showooch tuniihe.

Halloo 36:8 ပူးပေါင်းရင်းမြစ်များ

Halloo 14:6

Wotta Seyiri guudinaꞌooch beeti Hooreenaꞌon barahee gashooch beeti El Faraan beddaahaa yookkiꞌi, kochii wochiyeete.

Halloo 25:30

Esayi Yaaqobin “Oogeton shaacaa maraateto taane. Kaateree ebi ne shuuneti ceelle woxoochee taach ne imaa mamona” iye. Ebich bi shigo wotta, Edoomi getteehe.

Halloo 32:3

Yaaqobiyoo Edoomee showooch, Seyir beeti bi manoo Esay waan wocheyechinaꞌon shiichii daachiihe.

Halloo 32:4

Boonoshich ishichii gettiye: “Ta doono Esayich ishichibote; ‘Ne guuno Yaaqobi ishichitone: “Labaan waan kotaꞌa and beddaahaa arooch beehoye.

Halloo 36:1

Edoomi getteeti Esayichi shiijjereenaꞌo eboshine:

Halloo 36:43

iraashoo Magidelinaa iraashoo Iraaminane. Eboshiyoo boonoshi koteti showi showooch beeti, Edoomee iraasheenaꞌone. Ebi Esayi Edoomee asheenaꞌochi qaabbechi nihoone.

Halloo 36:9

Seyiree showooch beeti, Edoomee asheenaꞌochi nihoo Esayichi shiijjereenaꞌo eboshine:

1 Kiinoo 4:42

Simooni yoodee asheenaꞌoochee uuche balleenaꞌo Seyiri guudooch hammiyeete. Boonoshi iraasheenaꞌo Yishi bushiisheenaꞌo: Felaaxiyi, Neꞌariyi, Refayinaa Uzeelinane.

2 Kiinoo 20:10

“Andoo ebiyoche, Amooneenaꞌo, Moꞌabeenaꞌonaa Seyiri guudi toommeexi asheenaꞌona, noon kochii beetinaꞌone. No qaabbechinaꞌo Gibitsee boonoshi keyiyooba, ebi asheenaꞌon boonoshi kochemmoyich daaggaano neene; boonoshiyoo ebi asheenaꞌon beshee hammiyeetani aalliyaaneenaꞌone.

2 Kiinoo 20:23

Amoonee asheenaꞌonaa Moꞌabee asheenaꞌona Seyiri guudi toommeexi asheenaꞌo toommooch tiyiꞌi, wuxii aalliiheete. Seyiri guudi toommeexi asheenaꞌon wuxii ciichiichii, boonoshinaa boonoshina ciireheete.

Erimiyaasi 40:11

Moꞌabee showooch, Amoonee asheenaꞌo daggooch, Edoomee showoonaa showoo bullinooch beeti Ayihudeenaꞌo bulli Baabloonee taatoo Ayihudee cureenaꞌon echiyoon, Shafaanichi bushoo Ahiqaamichi bushoo Gedaliyin boonoshi toommooch bi ukkiriyoon waayeꞌi,

Abidiyi 1:1

Edoomee asheenaꞌochon Nuggishoo Doono Yeeri Abidiyich bekkiiti yaaꞌoo: Wochoon Doono Yeer waanee waayeto noone. Aageteenaꞌo waan wocheyechon bi daachiitaa, “Tibote, Edoomeenaꞌon keyi koyone” itone.

Abidiyi 1:3

Ne geecoo neen dawushitone. Ne inde katemoo manje xaqqoona uxereetone; ne beeyi xaaꞌoo guudi cullullooch shuuneetone; ebich newoo ne mulloona ‘Hiniichee taan geechi kindiyemmo konine?’ ii gabiibeeto neene.

Milikiyaasi 1:3

Esayin shixxoye. Geppe bi showeenaꞌon barahoo tuniihoye; bi hajjoonoo barahee boqqelleenaꞌoyich beshiyaa immehoye” iye.

Yibbaatoo 2:22

Doono Yeeri Seyiree geppe showooch beeti Esayichi shiijjereenaꞌo tuneti Edoomeenaꞌoyich ebiyoommi mooyon tuniitone; biyoo Hooreenaꞌon aalliitone. Ebina Edoomeenaꞌo boonoshin yookkii kichiichii, are showooch koteheete; hanaach beddaahaa arooch beetinaꞌone.

Yibbaatoo 2:4

Asheenaꞌoyichoo ishichi gete: “Seyiree showooch beeti ittoshi maneenaꞌo tuneti Esayi yareenaꞌo showoona besheya ii beeto ittoshine. Boonoshiyoo ittoshin shattemminaꞌone. Boonoshi toommooch mooyon qaawiyaahote. Ittoshi qelloon ariibote!

Yibbaatoo 2:5

Geppechi Seyiree showoon bi hajjoo tuniyaꞌa Esayich ta immetoyich, ebi boonoshi showoochee ittoshich ikke xaammee showoonolla imaachemmo taane. Ebich boonoshin qaawiyaahote.

Yaasi 24:4

Yisaaqichoo, Yaaqobinaa Esayinon immehoye. Esayichoo Seyiree geppe showoon bi hajjoon tuniyaꞌa immehoye; tunebaani Yaaqobinaa bi bushiisheenaꞌona Gibits kindiyeete.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.